fríggjadagur 7. september 2007síða 8

8 tíðindi Nr. 173 - 7. september 2007 Ársfrágreiðing fingið navn Ársfrágreiðingin hjá Fiskirannsóknarstovuni er nú ársrit og eitur Sjóvarmál. Til 2006 gav Fiskirannsóknarstovan út ársfrágreiðingar, sum lýstu tað farna kalendaraárið, men nú skal ársritið fylgja fiskiárinum ístaðin fyri. Hetta er nú broytt við ritinum Sjóvarmál, sum bæði lýsir virksemið í farna ári, men sum harafturat hevur nýggjasta tilmælið og tøl frá nýggjastu gróðurkanningunum við. Fiskirannsóknarstovan sigur, at ætlandi skal ritið koma út fyrst í september á hvørjum ári, soleiðis at tað kemur at fylgja fiskiárinum heldur enn kalendaraárinum. Torført at fáa lærarar Fleiri skúlar høvdu ilt við at seta lærarastørvini, sum vórðu lýst leys í summar. Millum annað var Sandoyar Meginskúli ikki læraramannaður fyrr enn í síðstu løtu, og tað seinasta starvið varð ikki sett fyrr enn nakrar fáar dagar undan fyrsta skúladegi, sigur útvarpið og vísir til eina kanning hjá Skúlablaðnum. Í Mentamálaráðnum ætla tey at geva lærarunum størri møguleika at arbeiða yvir næsta skúlaár, tí tá fáa fyrsti, annar og triði flokkur aftur fleiri tímar. Jóannes Eidesgaard skal saman við stjóra­ num á Jarðfeingi og stjóranum í Faroe Petroleum sannføra altjóða oljufeløg og fíggjarheimin í London um tað skilagóða í at gera framtíðar íløgur í oljuvirksemi á okkara leiðum Olja Og fíggjar­ heimurin Jan Müller jan@sosialurin.fo Mikudagin 19. september verður eitt nú føroysk lut­ tøka í oljuvinnuni á skránni, tá oljufelagið Faroe Petrol­ eum bjóðar almennum um­ boðum og umboðum úr altjóða oljuvinnuni og fíggj­ arvinnuni til upplýsandi hugnakvøld á føroysku um­ boðsstovuni í London. Ætlanin er at seta fokus á oljuleiting og oljuvirksemi á Atlantsmótinum, tvs. bæði á føroyska landgrunni­ num og í bretskum øki. Millum røðararnar verða Jó­ annes Eidesgaard, løgmað­ ur, Sigurð í Jákupsstovu, stjóri á Jarðfeingi og Gra­ ham Stewart stjóri í Faroe Petroleum. Tiltakið er fyri innbodnum og pressuni. Líknandi tiltak varð hild­ ið fyri tveimum árum síðani og fer fram í bygninginum, har eisini danska sendistov­ an heldur til. Endamálið við tiltakinum skilst er at kunna serstakliga tey, sum arbeiða í stóru fíggjarvinn­ uni í London um tað, sum fyriferst millum Hetland og Føroyar og hvussu framtíðin sær út á hesum lutvíst nýggja og spennandi leiti­ økinum. Faroe Petroleum, sum eisini hevur íleggjarar bæði í Føroyum og útlandinum, og her serstakliga í Bret­ landi, er við í fleiri loyvum bæði í Bretlandi, Noregi og Føroyum. Felagið fer saman við italska ENI at bora ein brunn inni á føroyska land­ grunninum, skamt frá mark­ inum, í 2009. Stórar vónir eru til júst henda brunnin. Eisini arbeiðir felagið við at skapa áhuga hjá øðrum oljufeløgum at keypa seg inn í eitt av spennandi loyvunum hjá felagnum á landgrunninum, nevniliga á Wiville Thomsen rygginum sunnan fyri Føroyar. Á henda hátt ruddar felagið eisini slóð fyri, at onnur og nýggj oljufeløg venda eyg­ uni henda vegin og kunnu gerast virkin leitifeløg her í framtíðini. Løgmaður hittir olju- og fíggjar- heimin í London Løgmaður fer at geva sítt íkast til at altjóða oljuvinna og fíggjarheimur fara at vísa føroysku oljutilgongdini í framtíðini ans. Sigurð í Jákuppstovu, stjóri á Jarðfeingi fer at greiða frá oljutilgongdini Graham Stewart, stjóri í Faroe Petroelum fer at lýsa felagið og tess framtíðarætlanir