mánadagur 10. september 2007síða 4

4 Nr. 174 - 10. september 2007 tíðindi Fyribyrgingarráðið er nú farið undir eina herferð ímóti royking, nevnd “Mín besti vinur”. Fleiri tiltøk verða í hesum døgum sett í verk, ið serliga eru ætlað børnum í 5. flokki fyribyrging Eydna Skaale eydna@sosialurin.fo Tað verða ikki bert vanligu lýsingarnar á skránni, nú fyribyrgingarráðið fer undir nýggju herferðina ímóti royking. M.a. er ein leikur gjørdur til endamálið, nevndur “Mín besti vinur”, og ætlan­ in er at ferðast kring landið og spæla, inntil allir 5. flokkar í landinum hava sæð leikin. Leikurin verður framførdur inni í skúlastov­ unum hjá ymsu flokkun­ um. Leikurin snýr seg um tvey børn, Nicotinu og Abstinensalon, ið bæði ganga í 5. flokki. Abstinen­ salon lokkar Nicotinu at roykja, og hóast hon ikki vil í fyrstuni, so er ikki vist, at hon er so stinn, tá alt kemur til alt. Leikurin er sermerktur á tann hátt, at áskoðarnir eru við til at stýra leikgongdini. Tað eru Hjálmar Dam og Durita Dahl Andreassen, úr leikbólkinum Útskalda, ið framføra leikin. Birita Mohr er leikstjóri. Byrjað verður mánamorg­ unin 10. september í Eystur­ skúlanum, og eftir tað verða 2 sýningar um dagin inntil allir 5. flokkar í landinum hava sæð leikin. Umframt leikin fáa næm­ ingarnir eisini 100 sms við royki og heilsuboðskapum, eins og lýsingar verða at síggja í sjónvarpinum. Ætl­ anin er eisini at fáa foreldr­ ini við, og tí verður ein áheitan send til øll foreldrini um, at standa saman í her­ ferðini ímóti royking. Klistrimerki eru eisini gjørd til herferðina. Tað er sostatt eitt rættiliga stórt tiltak, sum nú fer av bakkastokki. www.murrr.fo Ein heimasíða er eisini gjørd til endamálið, og hon varð løgd út á netið í morg­ un. Hon eitur Murrr, ið stendur fyri Matur Ung Royking Rúsevni Rørðsla, ið eru kjarnuevnini ið Fyri­ byrgingarráðið í høvuðsheit­ um arbeiðir við. Á heimasíðuni sæst meiri um tiltakið. M.a. sæst leik­ ætlanin fyri leikin, góð ráð til roykjarar um at leggja av, høvuðsreglur fyri roykiboð­ skapin, ið tey vilja hava børnini at skilja o.a. Heima­ síðan fer at verða dagførd javnan, ímeðan tiltakið er. Tað er umleið eitt ár síð­ ani, at Fyribyrgingarráðið byrjaði at arbeiða við hesi ætlanini. Tey vendu sær til Fa. Veyhe, sum er navnframi Jákup Veyhe, og bóðu hann koma við uppskotum um, hvussu herferðin skuldi skipast. Komið varð fram til, at tiltakið, umframt at vera munagott, eisini skuldi kunna hava eitt ítøkiligt úrslit, sum skuldi kunna mátast. Kanningar vísa, at tey fyrstu longu byrja at roykja í 4. flokki, meðan tey allarflestu ikki byrja fyrr enn í 7. ella 8. flokki. Tískil er tað júst 5. flokkur, ið er valdur út. Ein nýggj stór evropeisk kanning vísir, at viðgerðin fyri pínu hjá krabba sjúklingum langt frá er nøktandi krabbamein Eydna Skaale eydna@sosialurin.fo 8. september var eitt nýtt kanningarúrslit lagt fram í Danmark. Kanningin, ið hevur fingið navnið EPIC – European Pain in Cancer, vísir, at annarhvør krabba sjúklingur í Danmark livir við stórari pínu. Við í kanningini eru 5.000 evropeiskir krabba sjúklingar úr 12 ymsum londum. Og myndin tykist vera hin sama í øllum Evropa. Viðgerin fyri at fáa bilbukt við krabban gerst alsamt betri, men lítil dentur hevur verið lagdur á at minka um pínuna hjá sjúk­ lingunum. Nógva pínan hev­ ur eina sera ringa ávirkan á lívsgóðskuna, og á samband­ ið við familjuna. Fleiri av sjúklingunum siga, at umheimurin als ikki skilir, hvussu svárari pínu tey í roynd og veru eru í. Nógvir av krabbasjúkling­ unum kundu saktans hildið á at arbeitt, hóast tey eru sjúk av krabba, men nógva pínan ger tað ómøguligt hjá nógvum sjúklingum. Framstig eru gjørd innan pínuviðgerð, men hetta verður ikki raðfest nóg høgt av teimum flestu sjúkrahús­ unum, sigur Mads Werner, ið starvast á onkologisku deild í Lund í Svøríki. Gongda leiðin er, sam­ bart Mads Werner, at taka pínuna í álvara og bøta um viðgerarmøguleikarnar á donsku sjúkrahúsunum. Starvsfólkið á sjúkrahúsun­ um eiga eisini at verða betri útbúgvin tá tað kemur til pínuviðgerð, heldur hann. Kanningin er tann størsta, ið nakrantíð er gjørd av sínum slag. Krabbasjúk í svárari pínu polititíðindi Eydna Skaale eydna@sosialurin.fo Av løgreglustøðini í Jónas Broncksgøtu frætta vit, at vikuskiftið sum heild hevur verið stak friðarligt. Einki serligt tiltak hevur verið, og hetta merkir løg­ reglan aftur, tí tá er ofta ikki so nógv at gera. Tó so, tað heva verið fleiri inni og sovið rúsin av sær. Bæði fríggja­ og leygarkvøldið var mest­ sum fult. Tey hava pláss fyri 4 fólkum at sova. Vakthavandi greiðir frá, at tey fáa nógvar áheitanir frá fólki, sum tíðliga um morgunin finna avdottin fólk í garðinum ella í túninum hjá sær. Eisini fólk, sum eru á veg heim úr býnum og síggja fólk liggja avdottin, ringja til løgregluna at boða frá. Umframt avdottin fólk, vóru eisini fýra dømi um rúsdrekkakoyring um vikuskiftið. Tveir førarar vórðu tiknir í Suðuroynni, ein varð tikin í miðstaðar­ økinum og ein varð tikin í Eysturoynni. Vakthavandi sigur, at allir førarar høvdu eina promillu, ið var yvir tað loyvda, og onkur kann vænta at missa koyrikortið. Blóðroyndir vórðu tiknar, og einki er tó vist fyrr enn blóðroyndirnar eru aftur­ komnar. Avdottin fólk og rúsdrekka- koyring Stór herferð ímóti royking Søkt verður eftir leiðara til Samferðsludeildina at byrja skjótast møguligt Samferðsludeildin Høvuðsuppgávan hjá Samferðsludeildini er at skipa almennu felagsferðsluna, herundir fólkafl utning og farmafl utning. Vit leggja til rættis, stýra, selja, samskipa og kunna um felagsferðsluna á sjógvi og landi. Arbeiðsøkið hjá deildini er millum annað: ferðaætlanir, prísskipan, útbjóðing, ferðaseðlaskipan, ferðslusamskipan, rutuuplýsing og farmafl utningur. Uppgávan hjá leiðaranum Leiðarin skal tryggja ein eff ektivan rakstur og stýra fíggjarligu karmarnir innan økið. Harumframt skal leiðarin tryggja eina framhaldandi menning av deildini. Starvið er breitt og spennandi, har tú eisini kemur at arbeiða við fakligum uppgávum innan felagsferðslu, herundir analysur, planlegging og dagliga samskipan. Arbeiðið á deildini er í stóran mun skipað við verkætlanum. Førleikakrøv Vit rokna við, at tú hevur útbúgving innan búskap ella verkfrøði. Royndir innan fl utningsskipanir og projektarbeiði er ein fyrimunur. Tú skalt kunna arbeiða málrættað, og tú hevur góð analytisk evni. Eisini er tað ein treyt, at tú hevur góðan telduførleika og góðan málsligan førleika. Tú hevur góð leiðslu- og samstarvsevnir, og tú skalt kunna arbeiða undir trýsti og kunna hava nógvar bóltar í luftini í senn. Setanartreytir og umsókn Starvið er lønt í 35 lønarfl okki hjá tænastumannafelagnum, tó uttan at starvið er tænastumannastarv. Arbeiðstaðið er í Tórshavn til uml. 1. januar 2008, har tað síðan verður á Tvøroyri. Umsókn v.m. skal sendast til: Strandfaraskip Landsins Att. Starvsfólkadeildin Boks 88 FO-100 Tórshavn Umsókn skal vera okkum í hendi í seinasta lagi mikudagin 12. septembur 2007 kl. 12:00. Um tú ynskir nærri upplýsingar, kanst tú ringja til Regin Vágadal, stjóra, á 343012. Endurlýsing: Samferðsluleiðari Strandfaraskip Landins (SSL) eru landsfyritøka undir Innlendismálaráðnum, hvørs endamál er at lúka landsins tørv á innan- lands fólka- og farmafl utningi. Fyritøkan umsitur 29 farleiðir: 22 Bygdaleiðir og 7 Oyggjaleiðir. Samlaða talið av ferðafólkum við SSL í 2006 var 1,1 millión: 620 túsund við bussunum og 480 túsund við ferjunum. Talið av fl utningsanleggum er 40 bussar, 8 ferjur og farmafl utningsútbúnaður. Starvsfólkini eru á leið 170 í tali, svarandi til 120 ársverk. Løgreglan tók fýra fólk fyri at koyra ávirkaði í vikuskiftinum Savnsmynd