týsdagur 18. september 2007síða 7

7 tíðindi Nr. 180 - 18. september 2007 Nú mugu áhaldandi oljudálkingarnar steðgast. Vit skulu bara hava politiskan vilja til at seta neyðugu tiltøkini í verk. Hetta sigur tingmaður, sum hevur reist dálkingina av sjónum á Løgtingi við fyrispurningi til landsstýrismannin í umhvørvismálum Umhvørvi Kári Mikkelsen karim@sosialurin.fo Nógvu oljudálkingarnar seinnu árini hevur fingið javnaðartingamannin, John Johannesen, at reisa málið á Føroya Løgtingi við skriv­ ligum fyrispurningi til Jacob Vestergaard, lands­ stýrismann í umhvørvismál­ um. John Johannesen sigur, at ætlanin er, at fyrispurning­ urin skal skunda undir eina politiska loysn á hesum álv­ arsama umhvørvistrupul­ leika, Í fyrispurninginum spyr tingmaðurin, hvørji stig landsstýrismaðurin fer at taka fyri at steðga áhaldandi oljudálkingunum í føroysk­ um havnum og firðum. Hann vísir til grein i Sosial­ inum fríggjadagin, har tað kemur fram, at tað síðani 2001 hava verið staðfestar 62 oljudálkingar á Havnar­ vág síðani 2001. Í 24 førum eru dálkingarnar á Havnar­ vág meldaðar til Fútan, men sambært kommununi eru bert sjey av málunum avgreidd. Í tveimum førum varð bót givin fyri dálking­ ina. Onnur bótin var 500 krónur og hin 3.500 krónur. Sostatt eru tað tilsamans útskrivaðar bøtur uppá 4.000 krónur fyri 62 stað­ festar oljudálkingar. Fyrispurningurin hjá John Johannesen er býttur upp í seks partar. ­ Hvørji stig ætlar lands­ stýrismaðurin at taka fyri at steðga áhaldandi olju­ dálkingunum í føroyskum havnum og firðum? ­ Er landsstýrismaðurin nøgdur við lógarverkið viðvíkjandi oljudálking­ um? Um ikki, hvørjar dagføringar heldur hann so vera neyðugar ­ Er landsstýrismaðurin sinnaður at virka fyri eini nullloysn á hesum øki, har vit seta okkum fyri, at oljudálkingar als ikki skulu koma fyri í Føroy­ um? Og hvussu heldur landsstýrismaðurin, at slík loysn kann røkkast ­ Heldur landsstýrismaður­ in núverandi revsitiltøk fyri oljudálking vera á hædd við tey hjá øðrum sjóvinnutjóðum, ið vit samanbera okkum við? ­ Hvørji revsitiltøk heldur landsstýrismaðurin vera rímilig at seta í verk ímóti teimum, ið av ósketni og berum gáloysni dálka før­ oyskar havnir og firðir við olju? ­ Er landsstýrismaðurin kunnugur um, at mál um oljudálkingar hava ilt við at verða avgreidd hjá Fútanum, og hvat ætlar landsstýrismaðurin sær at gera við hetta? Í viðmerkingunum til fyri­ spurningin stendur, at olju­ dálkingar eru vorðnar ein alt ov vanligur trupulleiki í Føroyum. Og tíverri tykist politiska huglagið hesum viðvíkjandi ikki vera fræg­ ari enn at yppa øksl, suffa og siga »aftur nú«. Reykjavík sum fyrimynd John Johannesen staðfestir, at hetta er ein álvarsamur trupulleiki fyri føroyska samfelagið, og enn meira fyri umhvørvið. Somuleiðis er atgerðarloysið á hesum øki beinleiðis í andsøgn til aðalmálið í Vijsón2015, um at »umhvørvið skal vera frítt fyri mannelvdari dálk­ ing og náttúruinntrivum, sum kunnu hótta heilsu menniskjanna og fjølbroytni og vakurleika náttúrunnar«. Tingmaðurin hjá Javnað­ arflokkinum heldur tað vera vert at leggja til merkis, at tað sambært somu grein í Sosialinum eru 20 ár síðani seinastu oljudálkingina í Reykjavíkar Havn. Aftur­ ímóti eru tær 62 ojudálk­ ingarnar í Tórshavnar Havn síðani 2001 ræðulig hagtøl, heldur hann. Oljudálking fyri tingið Í Reykjavík hevur ongin oljudálking verið seinastu 20 árini, meðan tað hava verið heili 62 í Havn bara seinastu seks árini Savnsmynd Eftirlýsa brúkaraumboðsmann Samtak heitir á løgtingið um at seta brúkaraumboðsmannin á stovn. Landsstýrismaðurin við vinnumálum umframt aðrir samgonguflokkar hava á fundi við fakfeløgini lovað, at nú skal føroyski brúkarin tryggjast. Breið semja hevur verið um henda týdningarmikla stovn, sum var ein nattúrligur partur av marknaðarføringslógini, sum júst hevur verið til hoyringar. Júst hví brúkaraumboðsstovnurin hvarv, er tað ongin sum rættiliga kann siga, men løgtingið hevur heimild at fáa brúkaraumboðsstovnin á dagsskránna aftur. Fyri føroyska brúkaran er neyðugt við einum slíkum stovni og lógum annars, sum tryggja rættin hjá brúkarum. Eisini undrast Samtak á ikki hava fingið uppskotið um nýggja marknaðarføringslóg til hoyringar frá Vinnumálaráðnum. Guðrið útgávukonsert í Gøtu Leygardagin 21. septembur verður undanútgávukonsert í Losjuni í Gøtu við songkvinnuni Guðrið Hansdóttir. Við sær hevur hon Rannvu Jacobsen, sum skal seta hol á kvøldið. Guðrið hevur júst útgivið sína fyrstu fløgu, Love is Dead, og tó at Guðrið ofta evur spælt í Losjuni fyrr, so verður hetta fyrstuferð hon hevur eina útgávu við sær, og eisini fyrstuferð hon hevur bólk við. Tónleikasamtakið GRÓT skipar fyri konsertini, og hon byrjar klokkan 21 leygarkvøldið.