fríggjadagur 21. september 2007síða 10

10 tíðindi Nr. 183 - 21. september 2007 Ein bólkur, saman­ settur av umboðum fyri nakrar av høvuðs­ aktørunum í føroysku ferðavinnuni, hevur gjørt eitt tilmæli um, hvussu Tórshavn kann mennast sum ferðavinnubýur Ferðavinna Kári Mikkelsen karim@sosialurin.fo Seinastu 20-30 árini hevur nógv verið tosað og skrivað um, hvussu Føroyar kunnu mennast sum ferðamanna- land. Hvussu hetta hevur eydnast, eru tað ivaleyst nógvar meiningar um; alt eftir hvørjum sjónarhorni menningin verður sædd. Sjálvt um ferðafólkatalið hevur verið vaksandi seinnu árini, merkja gistingarhúsini ikki serliga nógv til hendan vøksturin. Stjórin á Hotel Føroyum og Hotel Tórs- havn, Johannes Jensen, sig- ur, at sjálvt ikki í háárstíðini um summarið, er fult á teirra gistingarhúsum. Ein bólkur, mannaður av umboðum fyri nakrar av høvuðsakrøtunum í ferða- vinnuni, hevur gjørt eina støðulýsing og tilmæli um ferðavinna við støði í Tórs- havnar kommunu. Bólkurin fekk til uppgávu frá komm- ununi at orða eitt uppskot um, hvussu ferðavinnan í Tórshavnar kommunu best verður ment, hvussu komm- unan á besta hátt kann virka saman við ferðavinnuni, so framtíðar mál kunnu verða rokkin, eyðmerkja og rað- festa ítøkiligu og stuttfreist- aðu uppgávurnar, sum skulu til fyri at náa ásettu málunum og eyðmerkja og raðfesta langtíðar uppgáv- urnar, sum skulu til fyri at náa ásettu málunum. Skipað varð fyri tíðinda- fundi á kommunuskrivstov- uni á Vaglinum í morgun, har bólkurin, sum varð mannaður í september í fjør, legði fram úrslitið av arbeiðinum. Í bókinum hava sitið Fríðun Jacobsen, Greengate, Hendrik Egholm (seinni avloystur av Jákup Sverra Kass), Smyril Line, Jan Mortensen, Vinnuhúsið, Johannes Jensen, Hotel Før- oyar og Hotel Tórshavn, Magni Arge, Atlantsflog, Niels Halm, Norðurlanda- húsið og Bjørgfríð Ludvig og Randi Frederiksberg frá Tórshavnar Kommunu. Bólkurin staðfestir, at størsta avbjóðingini í ferða- vinnuni nú er at fáa ferða- fólkastreymin støðugari alt árið. Sum nú er, er megin- parturin trunkaður saman um summarið, ið skal bera kostnaðin av rakstrinum restina av árinum. Tí metir bólkurin tað vera sera týdn- ingarmikið at økja ferða- fólkatalið um heystið, vet- urin og várið, so ferðavinnu- fyritøkurnar á tann hátt fáa støðugari rakstur og kunnu verða riknar á hollari inn- tøkurgrundarlagi. Alt ov nógv gistipláss standa gap- andi tóm tríggjar av fýra árstíðunum, meðan tað eru fløskuhálsar um summarið. Ein trupulleiki, sum fekk nógva umrøðu á tíðinda- fundinum, er tá Norröna kemur inn mánamorgum um seks-sjeytíðina, har nógv ferðafólk ongastaðni hava at fara, tí handlar og kaféir ikki hava latið upp tá. Jakup Sverri Kass, marknaðarstjóri á Smyril Line, upplýsir, at ferðaætl- anin hjá Norrönu verður broytt komandi ár, so skipið ikki kemur inn fyrr enn klokkan níggju. Havnin er grundstøðið Tórshavnar kommuna hev- ur ta fatan, at um ferða- vinnan ikki virkar nóg væl í Havnini, so virkar hon held- ur ikki aðrastaðni í Føroy- um. Eitt stig á leiðini at betra umstøðurnar varð tikið á heysti í fjør, tá Gistingarhús- og Matstovufelagið varð umskipað til eitt vinnu- greinafelag fyri alla ferða- vinnuna. Felagið er ikki farið at virka enn, men held- ur bólkurin skuldi farið at lætt munandi um samskiftið innanhýsis millum privatu tænastuveitararnar í ferða- vinnuni og millum vinnu, land og kommunur. Johannes Jensen heldur, at ein stórur trupulleiki er loftvegis sambandið við Føroyar, har ongin kapping er. Høvuðorsøkina sigur hann vera tann ótíðarhósk- andi flogvøllurin, sum held- ur altjóða flogfeløgum frá at taka kappingina upp, so prísirnir lækka. Harafturat heldur hann og fleiri við honum, at ferðaavgjaldið er alt ov høgt. Bólkurin ger vart við, at nakrar skjótar ábøtur kunnu gerast í sambandi við at kunna ferðafólkini betri: Fleiri on-line bíleggingar- skipanir, On-line skipanir á fleiri málum, betri internet atgongd í kommununi alt døgnið, betri kunning við atkomustøðini hjá ferða- mannaskipum, betri kunn- ing um infrakervi og tilboð í býnum, fleiri tilboð lagaði til tey vitjandi við ferða- mannaskipunum og fleiri tilboð til tey ferðafólkini, sum bert steðga heilt fáar dagar. Sosialurin fer í komandi viku at gera meiri burtur úr tilmælinum ferðavinnuni. Havnin skal mennast sum ferðabýur Karmarnir um ferðavinnuna skulu betrast, hevur Tórshavnar kommuna sett sær fyri. Hetta skal gerast í samstarvi við vinnuna, sum saman við umboðum frá kommununi hevur gjørt eina støðulýsing og eitt tilmæli um ferðavinnuna Mynd: Jens Kristian Vang Kvinnur taka undir við Edmundi Kvinnusamskipan Føroya tekur undir við uppskotinum at Føroyar sum eitt valdømi. Í yvirlýsing boðar Kvinnusamskipan Føroya frá, at samskipanin tekur undir við uppskotinum um Føroyar sum eitt valdømi. Kvinnusamskipanin sigur, at alt ov fáar kvinnur eru á Tingi, og at landið sum eitt valdømi kann vera ein møguleiki at fáa fleiri kvinnur valdar. Á ársfundi hjá Kvinnusamskipan Føroya á Toftum seinasta vikuskiftið varð samtykt ein yvirlýsing um at heita á Føroya Løgting um at taka undir við uppskotinum um at broyta vallógina, so Føroyar verða skipaðar sum eitt valdømi. Kongshavnar Kvinnufelag, Tofta Kvinnufelag, Kvinnufelagið í Havn og Skála Kvinnufelag hava skrivað undir yvirlýsingina.