mikudagur 26. september 2007síða 25

25 tíðindi Nr. 186 - 26. september 2007 Vit sita øll spent og bíða, tá Ma Sita tekur orðið. Hon er klødd í appilsingul klæðir og situr í lotus- støðu á einum borði framman fyri okkum. Vit eru til Joga-tiltak í Miðlahúsinum.. TilTak Sonja Dalsgaard Nolsøe Annika Hedegaard Isfeldt Hóskvøld. Pinnarnir á stóru klokkuni á Havnar Kirkju vísa, at klokkan júst er farin av hálvgum sjey. Vit koma stressaðar oman í miðbýin, har kvøldsins fyrilestur um joga akkurát er byrjaður. Innkomnar í forhøllini á Miðlahúsinum síggja vit, at her longu er við at vera rættiliga nógv fólk savnaði. Hóast meginparturin av teimum uppmøttu eru kvinn­ ur, eru eisini einstakir menn, ið hava valt at brúka hetta hóskvøld til at læra meira um fyribrigdið “joga”, ið mangan hevur verið tosað um í fjølmiðlu­ num seinastu árini. Meditativ sangløta Vit sita øll spent og bíða, tá Ma Sita tekur orðið. Hon er klødd í appilsingul klæðir og situr í lotus­støðu á ein­ um borði framman fyri okk­ um. Ma Sita byrjar at greiða frá, hvussu sangurin skal skipast. Hon syngur orðini nakrar ferðir fyrst, og tá vit hava hug, kunnu vit fylgja henni. Vit byrja við einum sangi hjá upprunafólkinum í New Zealandi. Hesin sang­ ur snýr seg um at vera “eitt við óendaligheitina”. Vit stemma øll í og fylgja Ma Situ tá hon broytir sangin, syngur veikari ella skjótari. Vit syngja tilsamans tríggjar sangir. Allir verða sungnir í einum djúpum tónalagi og heilin vibrerar. Onkur hevur hug at sovna, meðan onkur annar fær ilt í hálsin. Men tá sangløtan er at enda komin, sita vit báðar við einari heitari kenslu av vælveru í kroppinum. Og hettar var bara byrj­ anin. Var hyperaktivur Swami Janakananda trínur innar og setur seg til rættis á borðinum. Hann byrjar at fortelja um sínar egnu upp­ livingar við joga. Hann fekk sum átta ára gamal, nervøs­ ur (hyperaktivur) drongur, boð frá læknanum um at leggja seg á stovugólvið í 15 min. um dagin við aft­ urlatnum eygum. Hetta hjálpti honum sera nógv, og sum tannáringur hevði hann hug at læra meira. Síðani fór hann til India við joga­ lærara sínum. Tað var ikki ætlan hansara, men í India gjørdist hann jogalærari og sá hetta sum sítt kall. Tá hann kom aftur til Danmark­ ar, setti hann ein joga skúla á stovn og hevur síðani víðkað virksemið sítt. Í dag hevur hann, saman við Ma Situ, ein skeiðsdepil í Svø­ ríki, umframt at hann ferð­ ast kring allan heim og held­ ur skeið. Hjálpir móti strongd Swami Janakananda undir­ vísir í upprunaligari joga. Nógv hava roynt at uppfinna nýggjar greinir innanfyri joga, eftir at Jane Fonda gjørdi joga moderna í 80un­ um. Vit kenna powerjoga, joga í upphitaðum rúmi og joga í fitnesscentrum. Swami Janakanda heldur at hetta er í ordan, um folk fáa nakað burtur úr hesum. Men hetta heldur hann ikki kann nevnast joga. Í nútíðar samfelagnum er strongd vorðin ein fólka­ sjúka. Swami Janakananda metir, at joga og meditatión er eitt tað besta amboðið ímóti strongd. Við medita­ tiónini fert tú niður í ein djúpari støðu, har heila­ impulsirnar minka. Hetta fær heilan at slappa av. Tað er eisini prógvað, at tá tú stendur í einari jogastøðu, minka spenningarnir í vødd­ unum og tú slappar av í kroppinum. Átta stig Joga og meditatión kann nýtast til at hjálpa fólki við nógvum ymiskum trupul­ leikum. Meditatiónsteknikk­ irnir kunnu nýtast til at samla tankarnar og slappa av áðrenn eina próvtøku, hjá tannlæknanum ella tá ein kona skal eiga. Eisini fólk við trupulleikum sum t.d. tinitus, astma og dia­ betes kunnu heinta hjálp í læruni um joga og medita­ tión. Í joga eru 8 stig, ein kann fara ígjøgnum. Raðfylgjan er sum so tilvildarlig. Trin­ ini fevna um reinsilisis­ mannagongdir, andadrátts­ venjingar, meditation og joga støður. Ímeðan Swami Janakananda greiddi frá, vísti Ma Sita okkum nakrar av hesum støðum. Fyrilesturin varð avrund­ aður við, at folk kundu seta spurningar og siga frá egn­ um royndum og uppliving­ um við joga. Meditatión At enda skal Swami Jana­ kananda vegleiða okkum ígjøgnum eina meditatión. Ljósið verður dempað, tí myrkur fær kroppin at slappa av. Vit lata eyguni aftur og Swami Janakananda fer undir at vegleiða okkum. Vit skulu lurta eftir øllum ljóðunum í rúminum og gera okkum eina heildar­ mynd av tí vit hoyra. Um tankar treingja seg uppá, skulu vit bara góðkenna teir og skúgva teir til viks. Síðani skulu vit hugsa um andadrátt okkara og beina tankar okkara burtur beinan vegin. Vit skulu føla okkum til staðar í nú’inum. Hetta kendist ótrúligt! Tað er tor­ ført at lýsa, men kroppurin slappaði fullkomiliga av og gjørdist tungur sum blýggj. Tað kendist, eins og tað bleiv meira pláss í heilanum. Alt eg (Sonja)sansaði var inni í rúminum eg sat í. Swami Janakananda tosaði og rødd hansara var inni í høvdi mínum. Eg kendi meg veruliga til staðar og upplivdi tankarnar og sinn­ ið. At enda vórðu vit biðin um at lata eyguni upp og líta íkring í rúminum. So­ leiðis endaði hetta serliga hóskvøldið niðri í Miðla­ húsinum. Joga er balsam fyri likam og sál Eftir at hava tosað við Swami Janakananda og Ma Situ mikukvøldið og hava verið til fyrileysturin um joga hóskvøldið, hava vit fingið eitt nógv størri innlit í, hvat joga veruliga er. Og tað kann væl hugsast, at vit einaferð fara á jogaskeið í Svøríki…