hósdagur 27. september 2007síða 15

Nr. 187 - 27. september 2007 15 Andlát og jarðarferðir nøvn Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Martha Joensen fer til gravar úr Miðvágs kirkju í dag kl. 14. Tey, ið vilja minnast Marthu kunnu lata Missónshúsinum eina gávu.“ Hans Andrias Olsen, úr Árnafirði, andaðist miku­ dagin á Sambýlinum á Heygnum, 80 ára gamal. Kistan fer úr kapellinum á Klaksvíkar sjúkrahúsi heim í Christianskirkjuna, leygardagin kl 18.00. Jarðarferðin verður úr Christianskirkjuni sunnu­ dagin kl.13.30. Tey, ið vilja minnast Hans Andrias, kunnu lata eina peningagávu til kirkjuna í Árnafirði, konta í Norðoya Sparikassa. Andlát og jarðarferðir Fyri 40 árum síðan: Realskúlaflokkur í 1967 Dagurin 28. september. Vencelaus, deyður í 935. Sonur hertogan Vratislav í Bøhmerlandi. Av øvund læt heidni bróðirin Boleslav hann myrða. Gjørdist verndarhalgimenni hjá Bøhmen og er jarðaður í Sankta Vensils Kapelli í Vitus­ kirkjuni í Prag, sum er bygd oman á toftunum av tí rot­ undu, hann sjálvur læt byggja Her er ein av myndunum frá stóru realskúlaframsýn­ ingini, sum Jórunn Dánjalsdóttir skipaði fyri í Kommunuskúlanum í Havn í summar. Myndin er tikin uttan fyri Realskúlan av realskúlanæmingunum í 3. C í 1967. Dreingirnir f.v.: Jóhann Mortensen, Jóan Hendrik Johannesen, Jóanes Lindar­ stein, Sólbjørn Mortensen, Kári Øster, Ingolf Johanne­ sen, Ingi Helmsdal, Bjarki Johannesen, Jákup Persson og Helgi á Fløtti Genturnar f.v.: Eydna Nielsen, Solveig Egholm, Lilja Jensen, Birgit Michel­ sen, Jórun Borgarlíð, Bjørg Simonsen, Turið Hansen, Maria Mørkøre, Vilbjørg Tórsheim, Elinborg Hansen, Rannvá Poulsen, Anna Maria Petersen, Bette Ras­ mussen, lærarinna, og Sussie Petersen Myndaeigari: Helgi á Fløtti Eg havi lovað mær sjálvari, at eg skal skriva minningarorð um høgt elskaða sonin hjá systur míni, Dánjal Jákup Nielsen, ið andaðist, bert 6 ára gamal. Eg var til arbeiðis, tá ið eg fekk tey tungu boðini um, at Dánjal Jákup var druknaður á Tvøroyri, saman við bestu vinkonu síni Báru ­ einans 7 ára gomul. Dánjal Jákup var altíð í góðum lag og fúsur til hjálpar, har tørvur var á. Um summarið var hann altíð og hjálpti teimum í Fámjin at hoyggja, eins og at koyra traktor við Niels Jákupi. Hvørja ferð, hann skuldi til Havnar, ringdi hann til mín og segði: Fína­mostur! Nú komi eg til Havnar í boblubað hjá tær, og so fari eg í SMS at eta í Burger King og BR at keypa dinosaurar..... Tá ið eg seinast eg var í Suðri, áðr­ enn tú fórt til Várharra, prátaði tú so nógv um, hvussu nógv tú gleddi teg at fara í skúla í summar í Fámjin sum einasti 1. floks­næmingur. Eisini prátaði tú nógv um, at tú og systkini Margit og Petra skuldu niður til ZOO í Danmark. Harmiligt at vita, at tú slapst ikki at uppliva hetta, ið tú hevði glett teg so nógv til. Góðu tit, Evona, Arni, Margit og Petra; sárt er tað hjá tykkum, at ein so vøkur blóma er rykt upp við rót, og bert eitt tómi (tómleiki) er eftir. Harrin hjálpi okkum at varðveita tey kæru, mongu og góðu minnini vit eiga eftir. Má Harrin eisini hjálpa tykkum, Eileen, Fróða og Teiti, at koma víðari í hesi sváru neyð; men vit kunnu bert gleðast um, at ein dag skulu tit síggjast aftur í tað himalska stað. Í Bíbliuni stendur skrivað, at vit hava lænt hesi børnini, og hesi kæru børn skulu vit ikki so hava so leingi. Fríðbjørg Jensen syngur hesi orð í einum vøkrum sangi hjá sær: “Sonur mín, fyri mær liggur ein fjald lívsleið tín.” Tað er kanska gott at onki at vita frammanu dan, so vit ikki stúra, og lívið má halda fram hjá øllum, hóast saknurin er stórur eisini hjá tykkum, ommuni og abbanum og langommuni í Froðba, ommuni í Fámjin, mostrum, fastrum, og vinum hjá okkara kæra Dánjal Jákupi. Eg biði Várharra um at styrkja tykkum, at tit skulu fáa ta hjálp og tann styrk, ið tit hava brúlk fyri. Hvíl í friði. Emmely mostur, Svend Erik gubbi, Sanna Katrin og Kamilla Minningarorð um Dánjal Jákup Arnason Nielsen f.23.02.2000 d. 13.02.2007