týsdagur 9. oktober 2007síða 22

22 [ Nr. 195 - 9. oktober 2007 ] SÍ-Fleyr 3-1 (25- 19, 26-24, 22-25, 25-19) SÍ basti Fleyr Síðsta kappingarár gekk einki serligt hjá monnunum í Sørvági, men í ár hava teir fingið eina sera góða byrjan við sigri á Fleyr í fyrsta umfari FLOGBÓLTUR Teitur Joensen teitur@sosialurin.fo Tey bæði liðini, sum end­ aðu ávikavist aftast og næstaftast síðsta kapp­ ingarár í meistaradeildini hjá monnum, hittust í fyrsta dystinum í nýggja kappingarárinum, tá SÍ tók ímóti Fleyr. Og SÍ, sum endaði aft­ ast síðsta kappingarár, fekk eina góða byrjan upp á nýggja kappingar­ árið. Ikki tí, munurin á liðunum var ikki tann heilt stóri, men tað var tó SÍ sum gjøgnumgangadi hevði munin. Í fyrsta setti gekk javnt á millum liðini. Tað var tó SÍ, sum alla tíðina hevði munin, og hetta gjørdi heimaliðið sær eis­ ini dælt av. Móti endanum fóru teir frá Fleyr, og so vunnu teir fyrsta sett 25­ 19. Í 2. setti var Fleyr tó nógv betri við. Nú fylgd­ ust liðini allan vegin, móti endanum var tað enn einaferð SÍ, sum var kaldari. Teir vunnu 26­ 24, og tí lá ein sigur nú á gáttini. Í 3. setti svaraði Fleyr aftur við einum 25­22 sigri, men at enda gjørd­ ist tað tó SÍ, sum vann. Teir vunnu nevniliga enn einaferð 25­19 í 4. setti, og við sigrinum hava teir nú fingið eina góða byrj­ an upp á nýggja kapping­ arárið. UEFA ákærir Dida Í Champions League­dystinum millum Celtic og Milan síðsta mikudag rann ein áskoðari inn á vøllin móti endanum av dystinum. Áskoðarin kom at raka málmannin hjá AC Milan, Dida, sum gjørdi eitt sera stórt nummar út av hendingini. Nú hevur UEFA gjørt av at reisa sak ímóti Dida. Sakin ímóti Dida verður umrødd á fundi hósdagin, so tá fær man at vita, hvussu stór revsingin verður til Dida. UEFA hevur eisini reist sak ímóti Celtic, tí felagið ikki megnaði at fora áskoðaranum at sleppa inn á vøllin. Týskari vil ikki spæla móti Ísrael Týski U­21 landsliðsspælarin, Ashkan Dejagah, sum til dagliga spælir fyri Wolfsburg, hevur noktað at spæla við í U­21 landsdystinum ímóti Ísrael av politiskum orsøkum. Dejagah, sum hevur iransk foreldur, hevur valt at fylgja ráunum frá presidentinum í Iran, Mahmud Ahmajinedad, sum hevur forboðið øllum iranskum ítróttarfólkum at fara við til kappingar, har Ísrael er ein partur. Avgerðin hjá Dejagah hevur skapt politiska øði í Týsklandi. – Hetta kann ikki góðtakast. Vit mugu ikki blanda ítrótt og politikk, sigur Friedbert Pflügel frá tí konservativa stjørnarflokkinum, DCU. Týska fótbóltssambandið hevur tó valt at góðtaka avgerðina hjá Dejagah. Hoyvíkingar vunnu enn ein tættan dyst um vikuskiftið, tá teir tóku ímóti strandingum. Mun­ urin á liðunum var ikki serliga stórur, men H71 tóktist tó vilja heldur meir enn StÍF henda dagin, og tí var sigurin eisini uppiborin HONDBÓLTUR Teitur Joensen teitur@sosialurin.fo H71 fekk eina dreymabyrjan upp á nýggja kappingarárið fyri viku síðani, tá teir á úti­ vølli vunnu ein uppibornan sigur yvir kollfirðingum. Sunnudagin skuldi unga H71­liðið so royna at halda fast í góðu gongdini, tá teir fingu vitjan av StÍF. Strandingar fingu eisini eina sera góða byrjan upp á nýggja kappingarárið, tá teir tóku ímóti Kyndli fyri viku síðani. StÍF vann dyst­ in við 10 málum, og tí vóru tað tvey ósigrað lið, sum møttust í toppdystinum Hoyvíkshøllini sunnudag­ in. Javnur fyrri hálvleikur Tað vóru gestirnir av Skála­ fjørðinum, sum fingu betru byrjanina upp á dystin sunnudagin. StÍF legði nevniliga rættiliga væl fyri, og teir megnaðu at halda hoyvíkingum frá málinum fyrstu fimm minuttirnar av dystinum. Hesa løtuna skor­ aði StÍF eisini tvær ferðir, og tí vóru teir á odda frá byrjan av. H71 hevur tó síðstu árini víst sera skjótt og gott spæl, og tað var ikki minst hesum at takka, at teir skjótt fingu strandingar aftur. Fleiri skjótálop, umframt okkurt væl spælt álop, førdu til, at H71 fekk seks skjót mál, so nú vóru tað brádliga teir, sum førdu 6­4 ímóti strand­ ingum, tá fyrri hálvleikur var hálvrunnin, men so steðgaði upp hjá heimalið­ num. Eftir støðuna 7­4 til H71 fekk StÍF rættiliga gongd á verjuna, og ikki minst á Marian í málinum. Næstu 10 minuttirnar hildu Marian og verjan H71 fullkomiliga burtur frá málinum. Í hinum endanum skoraði StÍF fimm ferðir í hinum endanum, so tá tað restaðu góir tveir minuttir av fyrra hálvleiki, førdi StÍF 9­7, og síðstu løtuna hevði spælið hjá teimum verið rættiliga gott. Móti endanum av fyrra hálvleiki fekk H71 tó aftur glið á, og síðstu góðu tveir minuttirnar skoraðu hoyvík­ ingar tríggjar ferðir, soleiðis at teir fóru til hálvleiks við eini 10­9 leiðslu. H71 avgjørdi móti endanum Í seinna hálvleiki var tað H71, sum byrjaði betur. Teir fingu tvey mál rættiliga tíðliga, soleiðis at munurin nú var trý mál í millum lið­ ini. Strandingar góvust tó ikki soleiðis. Teir fingu eis­ ini okkurt málið, og næstu løtuna skiftust liðini um at skjóta mál. Tað tóktist tó allíkavæl sum um, at H71 hevði mun­ in hesa løtuna, og teir tókt­ ust eisini vera grammari á vøllinum. Hetta gjørdi eisini, at teir, tá seinni hálv­ leikur var 10 minuttir gam­ al, fyri fyrstu ferð í dystin­ um kundu leggja seg á odda við fýra málum. Men so hendi júst tað sama sm í fyrra hálvleiki. Nú steðgaði aftur upp hjá H71, meðan StÍF byrjaði at spæla rættiliga væl. Hetta gjørdi, at StÍF við fýra mál­ um á rað komu upp á javn­ leik, og nú var alt púra opið í Hoyvíkshøllini. Næstu løtuna skiftust lið­ ini um at skora, men tá góð­ ir fimm minuttir vóru eftir, skoraði H71 aftur tvær ferð­ ir á rað, soleiðis at teir brád­ liga vóru á odda við tveim­ um málum. Nú byrjaði hetta at líkjast einum sigri ti heimaliðið, og sjálvt um StÍf megnaði at minka um munin eina ferð, so avgjørdi H71 alt síðstu løtuna. Í síðsta minuttinum skoraðu teir til 23­20, og eftir hetta megnaði StÍF bert at pynta um úrslitið eina ferð afturat, so endaliga úrslitið gjørdist 23­21. Við sigrinum hevur H71 nú rættiliga víst, at tað eru nýggjar tíðir í føroyksum hondbólti. Liðið, sum síðstu árini hevur liðið í botninum, er nú brádliga oddalið sam­ an við Neistanum, og ser­ liga skjóta spælið hevur riggað sera væl hjá ungu hoyvíkingunum í ár. Hjá strandingum var tal­ an hinvegin um fyrsta tapi í ár, so teir eru bert tvey stig aftan fyri tey bæði odda­ liðini. H71 – StÍF 23-21 (10-9) Hoyvíkingar enn ósigraðir H71 avgjørdi enn ein dyst í síðstu minuttunum um vikuskiftið, tá teir tóku ímóti strandingum, og við sigrinum eru teir enn ósigraðir í Atlantic Airways-kappingini hjá monnum. Mynd: Álvur Haraldsen