mánadagur 15. oktober 2007síða 22

22 [ Nr. 199 - 15. oktober 2007 ] Eirindarleysu fronsku heimsstjørnurnar við ung­um og­ svong­um monnum á odda settu í heystarveðrinum illa uppløg­du føroysku amatørarnar út á bera­ jól FØROYAR-FRAKLAND Jóannes Hansen joannes@sosialurin.fo Hetta var einki stuttligt. Tað var synd í føroysku spælar­ unum, og spurningurin er, hvørjum endamáli tað tænir í hesum teigunum at lyfta peikifingurin fyri at siga teimum og øðrum, hvat var skeivt, og hvussu tað kundi havt verið betri. Franska fótbóltslendingin segðist vera við buldur og brak í Vágum, og tað var ikki við mýkindum, tá ið heimsstjørnurnar komu so at siga úr luftini og á Tórs­ vøll. Tapararnir í HM finaluni ímóti nummar nøkur 190 á FIFA styrkislistanum eigur at vera ólíka uppgerð. Tað sigur øll fornuft. Men í fót­ bólti er tað ikki altíð skilið, sum avgerð úrslitið. Tí verð­ ur hvørja ferð vónað, at eisi­ ni í fótbólti pinkulítlu Før­ oyar skulu yvirganga seg sjálvar fleiri ferðir, og at heimsstjørnurnar skulu taka sær eitt sindur av løttum, og at tað harvið kanska skal verða spennandi. Soleiðis var tað, tá ið Frakland vitjaði fyri trimum árum síðani, soleiðis var tað, tá ið Týskland vitjaði fyri fýra árum síðani, og soleiðis var tað, tá ið Italia 2. juni vitjaði, og alt var á gosi, tá ið Rógvi Jacobsen stutt fyri leiklok minkaði um munin til 2­1 – til Italia, forstås. Soleiðis var tað ikki leyg­ ardagin. Frakland vann 6­0. Tað kunnu tað ivaleyst grav­ ast fleiri alinlangar frágreið­ ingar fram um. Tað stutta av tí langa er, at tølini boða frá logiska muninum, tá ið heimsstjørnur, sum – hóast meiri enn eitt samdøgur á ferð – eru væl upplagdar og alla tíðina spíla seg út ímóti amatørum í Formuladeild­ ini. Paradan Fraklendingar løgdu seg í handavend á odda 2­0. Báðu ferðirnar og eisini, tá ið tvey av málunum í 2. hálvleiki vórðu skorað, var uppspælið í vinstru. Anelka tóktist rangstaddur, tá ið hann setti hol á, og Henry var í sínum eyðkenda stjørnustíli, tá ið hann pot­ aði bóltin niður í málhornið aftanfyri Jákup Mikkelsen, sum hevði nakrar fáar bjarg­ ingar, og sum ikki hevði møguleika at gera annað enn at hyggja at, tá ið kúlur­ nar úr stjørnukanónunum flugu um oyrini á honum og í málið. 2­0 og so hevði ballið ivaleyst verið buðið, um tað eitt nú vóru italiumenn, ið høvdu verið á so langari ferð. Men – tíverri fyri Før­ oyar og føroyingar – var tað ikki soleiðis hjá fraklend­ ingum hesa ferð. Skaddi og proppmetti Vieira hevði ivaleyst tikið guvuna av maskinuni, um hann leygardagin hevði ver­ ið snaringspunktið í Gunda­ dali. Tað var hann ikki. Chelsea stjørnan Claude Makelele var bókstaviliga gongustjørna, og tað var Lyon stjørnan Jérémy Toula­ lan eisini. Tjóðrið í teimum á væl trimmaða vøllinum var stutt. Men teir fyltu nógv og tóku sær av verju­ ábyrgdunum. Framrættaða partinum tóku hinar stjørnurnar sær av. Bacary Sagna úr Arsenal í høgru og Patrice Evra úr Manchester United í vinstru vóru meiri vongspælarar enn síðubakkar, og Jérôme Rothen úr PSG og serliga Franck Ribéry úr Bayern München vóru væl upplagd­ ar stjørnur á miðvøllinum. EM-undankappingin, bólkur B 1. Skotland 10 8-0-2 20-8 24 2. Italia 10 7-2-1 17-7 23 3. Frakland 10 7-1-2 21-3 22 4. Ukreina 9 4-1-4 11-12 13 5. Litava 9 3-1-5 7-11 10 6. Georgia 10 2-1-7 14-17 7 7. Føroyar 10 0-0-10 3-35 0 Dystir eftir at spæla 17/10 Ukreina-Føroyar 17/10 Frakland-Litava 17/10 Georgia-Skotland 17/11 Litava-Ukreina 17/11 Skotland-Italia 21/11 Italia-Føroyar 21/11 Georgia-Litava 21/11 Ukreina-Frakland Stjørnurnar komu úr luftin TB longt við Kryzstof TB hevur longt sáttmála við venjaran Krzysztof Popczynski, sum hevur havt ábyrgdina av TB­liðnum síðani í summar, tá ið hann tók yvir í TB, sum hevði sagt tveir venjarar úr starvi frammanundan. Popczynski er ættaður úr Póllandi, og hann hevur vant VB, GÍ og HB. Formaðurin í TB, Jóan Petur Olgarsson, sigur tað vera av alstórum týdningi, at eitt so stórt fótbóltsnavn sum Kryzstof kemur at mynda framtíðina í TB. ­ Framtíðin er tryggjað, og kemur Kryzstof nú eisini at taka sær av unglingaliðnum frá komandi kappingarári, sigur TB­formaðurin. Eftir úrslitunum í seinnu hálvu av inniverandi kappingarári at døma, metir Jóan Petur Olgarsson at tað skuldi borið til at flutt upp í bestu deildina í næsta ár. Hann kann eisini upplýsa, at hópurin til komandi kappingarár verður so at siga óbroyttur Totti ov seinur til dopingroynd Tað verður mett sum eitt álvarsamt brot, um eitt ítróttarfólk kemur ov seint til eina dopingroynd, men italski stjørnuspælarin Francesco Totti sleppur við skrekkinum, eftir at hann fyrr í ár kom ov seint til eina dopingkanning. Orsøkin til, at Totti kom ov seint var, at hann bleiv pápi sama dag, og hetta halda dopingeftirlitið og italska fótbótlssambandið er ein umbering, sum kann brúkast, og tí verður Totti ikki revsaður.