hósdagur 18. oktober 2007síða 11

Nr. 202 - 18. oktober 2007 11 tíðindi - Vit hava so ofta sæð áð- ur, at lið, sum fáur ella eing- in roknaði við enntá, kunnu órógva eitt meistaraheiti, og tað kann eisini henda í Runavík sunnudagin, um allir leikarar ikki gera sítt ýtasta. Er hent áður… Laura vísir til dystin á sinni millum GÍ og NSÍ, tá GÍ “bara” skuldi tryggja sær ein javnleiki móti einum undirtippaðum NSÍ-liði, men tapti FM-heitið, tí NSÍ beit frá sær. - Tá noyddist tyrlan til Tvøroyrar við gullinum, tí TB gjørdist føroyameistari. Nei, dysturin millum NSÍ og VB/Sumba sunnudagin má avgjørt ikki takast sum nakar avgreiðsludystur fyri heimaliðið, tí tá kann veru- ligur vandi vera á ferð, legg- ur hon aftrat. Hon væntar sjálvandi – og vónar ikki minni – at NSÍ fer at draga longra strá- ið í hesum avgerandi dysti, og hon loyvir sær í tí stilla at tippa, at NSÍ fer at vinna 4-1 móti VB-/Sumba. - Vit mugu eisini hugsa um, at fleiri av okkara leik- arum júst hava spælt krevj- andi landsdyst, og tað er einki at ivast í, at hjá teim- um situr nógv møði eftir í beinunum. Laura vísir á, at VB/ Sumba hevur fleiri leikarar, sum duga at spæla fótbólt. - Nú mugu vit bara hopa, at okkara menn hava eydn- una við sær sunnudagin og føra sigurin heim. Eitt, sum hevur sermerkt NSÍ- liðið í ár, er, at nógvir hava skotið málini. Tað er ikki bara ein, sum hevur fingið málini, men fleiri. Eg haldi, at hetta er positivt, og nú mugu vit so bara hopa, at teir eisini duga at raka ímillum stengurnar hjá mótstøðuliðnum sunnu- dagin. Óvæntað eykastig Hon vísir á, at hin sunnu- dagin, tá NSÍ herfyri vann trygt á GÍ í Gøtu og B36, sum var í hølunum á NSÍ, tapti tepurt móti B71 á Sandi, fekk NSÍ trý sera kærkomin eykastig, sum hon tekur til. - Vit høvdu slett ikki væntað, at B36 fór at tapa á Sandi, og hetta var slett ikki við í okkara “roknistykki”. Tí vóru hesi stigini so ser- stakliga kærkomin, og eg vil nýta høvi at takka sand- oyingum fyri, at teir strídd- ust so manniliga. Laura sigur, at hon og mangir aðrir NSÍ-fjepparar vóru staddir í Gøtu, tá B71 og B36 leiktu á Sandi. - Tá ið B71 hevði lagt seg á odda, og dystartíðin nærk- aðist endanum, stóð eg mill- um einar hundrað aðrar NSÍ-fjepparar og lurtaði eftir einum bilradio við fót- bóltsvøllin í Gøtu. Vit vóru ógvuliga spent, og tað var ein øgiligur rómur, tá dyst- urin endaði, og B71 hevði vunnið, sigur hon. Laura, sum plagar at krevja inn atgongumerki, tá landskappingardystur er í Runavík, sigur, at vanliga plaga eini 700-800 fólk at vera til heimadystirnar hjá NSÍ, og hon væntar ikki, at talið verður minni sunnu- dagin. - Vit eru øll líka spent her í økinum, og tí vænti eg ikki minni fólk til hendan dystin – líkamikið, hvussu veðrið verður. Alt er skotið! Spurd, um felagið fer at skjóta fýrverk við vøllin eftir dystarlok, um NSÍ verður FM-vinnari, sigur hon skemtandi, at tað er ikki vist, at so nógv fýrverk er eftir. - Vit plaga altíð at skjóta fýrverk, tá seinasti dysturin í landskappingini er leiktur, men nú sigur onkur í skemti, at NSÍ skjeyt alt sítt fýrverk í fjør, tá ið B68 flutti úr formula-deildini og niður í 1. deild! Stjórin í Faroe Seafood, Meinhard Jacobsen, er tofta- maður, og onkur vil vera við, at tað er hann, sum hevur sagt hetta. - Tað virkaði kanska und- arligt, at vit skutu fýrverk eftir seinasta dyst í fjør – grannadystin - tá vit vóru við til at koyra B68 úr for- mula-deildini, men hetta gera vit sum nevnt altíð eftir seinasta dyst, leggur hon aftrat. Maður Lauru, Jónsvein Olsen, er ein av liðleiðarun- um hjá formulaliðnum hjá NSÍ, men hann var ikki heima, nú Sosialurin var á gátt í gjárkvøldið. Einki formelt Laura heldur ikki, at nakað formelt er fyrireikað til sunnudagin, um so skuldi verið, at NSÍ hendan dagin tryggjar sær FM-heitið. - Kortini er ikki óvist, at okkurt ikki verður stáplað upp á beinini. Men lat okk- um nú fyrst brúka alla orku og alt skil til at føra sigurin heim. Eydnast tað, fer tíðin at vísa, um okkurt verður gjørt burtur úr ella ikki Um tað skuldi gingið ring- ast í Runavík, kann henda, at EB/Streymur, sum skal leika móti B36, fer at taka stig frá B36 og soleiðis kem- ur við eini hjálpandi hond. - Eg vóni í hvussu er, at NSÍ hevur avgjørt FM- heitið fyri dystin, sum verð- ur millum KÍ og NSÍ í Klaksvík í seinasta umfari. Hon sigur, at kapping altíð er millum Klaksvíkina og Eysturoynna, og tí kann ein dystur millum KÍ og NSÍ vera rímiliga opin. - Tað eru ofta góðir dystir, vit síggja millum hesi feløg, sigur hon. Tað, sum er sermerkt hjá NSÍ ár, er, at felagið eisini er fylt fimmti ár í ár. - So, eitt FM-heitið í bestu deildini júst í ár er avgjørt ikki at forsmáa sum føðingardagsgáva, heldur Laura, sum eisini hevur eina klokku hangandi á vegginum í køkinum – við áskriftini NSÍ 50 ár. Eydnast væl Laura heldur, at NSÍ-liðið í bestu deildini hevur staðið seg óføra væl í ár. - Verjan hevur verið sterk og vælskipað, og álopið hevur roynst væl. Sum eg nevndi, eru tað fleri, sum hava skotið málini. Tað er ein styrki. Hon heldur, at venjarin, Jóhan Nielsen, eigur ein stóran leiklut í, at NSÍ-liðið er vorðið so gott og støðugt í ár. - Vit høvdu eitt ungt lið, tá vit byrjaðu, og vit tordu ikki at vænta, at vit fóru at røkka so langt longu í ár. Laura heldur, at Jóhan Nielsen hevur fingið liðið munandi betri, sum summ- arið og heystið eru liðin. - Jú, Jóhan hevur verið ein fantastiskur fongur hjá okkum – ein maður, sum vit øll hava stóra virðing fyri í hesum høpi, sigur hon. Ymisk »ritualir« NSÍ-fjepparin viðgongur, at hon hevur nøkur ávís “ritualir”, sum hon rópar tað, tá hon fer til fótbóltsdyst – og tá ið hon er við vøllin. - Tá eg fari inn á økið og finni mítt pláss, geri eg hetta á ein ávísan hátt og eftir eini ávísari skipan, tí eg trúgvi upp á, at tað ger mun. Gongur ikki væl hjá okkara liði, stilli eg meg aftanfyri málið hjá mót- støðuliðnum, tí eg trúgvi, at bólturin kemur í tann rætning, har eg standi – altso í málið. Meðan vit práta í køkin- um hjá Lauru og Jónsvein, kemur ein tilkomin sonur eisini uppí prátið – og sjálv- andi er tað eisini um fót- bólt. - Hevur tú ikki fortalt honum, hvussu tað var, tá ið tú koppaði barnavognin, spyr hesin og flennur. - Tig við tær, sigur Laura og tykist eitt sindur flov. Hendingin fór fram til ein dyst í summar. Laura, sum hevði barn og barna- vogn við sær á vøllin hend- an dagin, hevði stillað seg aftanfyri málið hjá mót- støðuliðnum. - Knappliga skoraði NSÍ, og eg skuldi rætta armar uppí loft av frøi, men tá kom eg í berum ovfarakæti at lyfta undir vognin, so hann koppaði. Laura er skjót at leggja aftrat, at tíbetur hendi ikki barninum nakað. Chiko í gulum Vit spurdu eisini NSÍ-fjepp- aran um søguna aftanfyri, at Chiko er í gulum og svørtum, nú vit eru inni á gólvinum. - Tá dóttir mín Eivy giftist 8. september í ár, var hundurin í pleygu eitt viku- skifti hjá Marjun Lamhauge, og meðan hann var har, bant Marjun Chiko ein NSÍ-búna. Laura Olsen sigur, at tey hava keypt hundin úr Suð- uroy fyri 8.000 krónur. - Eg helt, at hann sá so sjáldsamur og útlendskur út, at tað hevði ljóðað undar- ligt, um hann kanska kall- aðist Snar. Vit vóru í Djóra- handlinum í Havn og keyptu honum eina reim um hálsin og á eini skelti, vit sóu har, stóð navnið Chiko – og hetta navnið valdu vit at geva honum. Tað haldi eg riggar ordiliga væl, sigur hon. dystin í Runavík - NSÍ er fimmti ár í ár, og tí hevði eitt FM-heiti í bestu deildini verið ein rimmar føðingar- dagsgáva, heldur Laura, sum saman við Teini stendur við klokkuni, ið hevur áskriftina NSÍ 50 ár Mynd: Vilmund Jacobsen Eg vænti ein sigur sunnudagin Barberurin á Høgabóli, Jógvan Hansen, sum er leirvíkingur, ið hevur búð í Runavíkar kommunu síðan 1969, er ein rættiligur NSÍ-viðhaldsmaður. Áhugin er ikki minni, nú formula-liðið hjá felagnum hevur nógv tey bestu kortini á hondini til at vinna FM-heitið. – Eg eri til teir flestu dystirnar, sum liðið spælir á heimavølli, sigur hann, og nú ein so avgerandi dystur verður sunnudagin, er eingin ivi um, hvar eg verið, tá dysturin verður bríkslaður í gongd. Eg má viðganga, at eg eri rættiliga spentur, og eg vænti, vit fara at vinna. Eitt FM- heitið í bestu deildini í føðingardagsgávu – tað fær jú ikki verið betur, heldur Jógvan Hansen fyri, meðan hann stendur og snøggar hárið hjá einum av sínum viðskiftafólkum. (-vilmund)