týsdagur 23. oktober 2007síða 14

14 Nr. 205 - 23. oktober 2007 - bygdaráðslim í Leirvík viðvíkjandi viðmerking undir heitinum Kyoto og Kára P. Højgaard Aftursvar til Poul Andrias Joensen Er tað bert orkunýtslan og Kyoto, sum skal brúkast sum grundgeving fyri eini skilagóðari loysn á vegafør­ ingini úr Norðoyatunnli­ num eysturoyarmegin? Hvør kennir avleiðing­ arnar av tí samtykta upp­ skotinum um vegin gjøgn­ um bygdina har niðri ? Er tað nú vist, at hetta var tað, uppskotið, sum flestu leirvíkingar ynsktu sum næstbestu loysnina, eftir at samgongan sýtir fyri at gera veg við lokarennu Kyoto og vegagerð Tað skal ikki valda nakar ivi um, at løgtingsumboð Sjálvstýrisfloksins tekur umhvørvi í størsta álvara. Havi herheima og sum limur í Umhvørvisnevndini í Norðurlandaráðnum arbeitt fyri uppskotum og tiltøkum, ið ítøkiliga skulu minka um útlátið av veður­ lagsgassum. Ofta verður grundgivið við tølum, har lítið ella onki hald er í. Eri sera ivasamur um pástand tín Poul Andrias, at CO2 útlátið í Leirvík tvífaldast av vegagerðini uppi á Brekkum. Kann tú prógva hetta uppáhald ? Allar farleiðir í láglendi ? Allar høvuðsfarleiðir verða lagdar, har sakkunnleikin metir, at tað er tryggast, best og bíligast. Hetta er eisini galdandi fyri Lands­ verk. Á vestara armi á Skálafjørðinum, er gjørd ein nýggj høvuðsfarleið úr Skálafirði út á Strendur. Hesin vegur liggur oman­ fyri ítróttarhøllina á Skála, og verður hesin vegur eisini lagdur omanfyri húsini í Skálafirði. Verk­ ætlan av sama slag er eisini við í framtíðar útbygging­ ini av infrakervinum úr Runavík inn til Norðagøtu, har vegurin allastaðni verður lagdur omanfyri bygdirnar. Fólkaviljin í Leirvík Skal stutt greiða frá, hví eg havi lagt vegauppskotið í Leirvík fyri Løgtingið. Fyrst av øllum, eg var við til at samtykkja verkætlanina viðvíkjandi Norðoyatunnlinum og lovaði í hesum sambandi, at eg vildi verða við til at fremja eina ferðsluloysn í Leirvík, sum leirvíkingar tóku undir við. Allir løgtingslimir fingu bræv dagfest 6. juni 2007 við, “Áheitan um at virða meirilutan í Leirvíkar Bygdaráði og virka fyri, at myndugleikarnir fylgja tilmælinum frá bygdaráðnum, um at flyta vegin úr bygdini og niðan á Brekkur, sambært uppskoti frá Sp/ f Selmar Nielsen, arkitekti”. Hendan áheitan var undirritað av fimm av teimum seks bygda­ ráðslimunum, sum tá røktu bygdarráðsarbeiðið. Havi møtt á tveimum fundum, ið hava verið fyriskipaðir, at umrøða vegaføringina í Leirvík. Í bygdahúsinum var stór mannfjøld samlað, og tóktist stórur meiriluti verða fyri eini vegætlan við lokarennu, niðri í bygdini. Javnaðarflokkurin, Sambandsflokkurin og Fólkaflokkurin, ið mynda samgonguna og hava ábyrgdina av landsins leiðslu, sýttu fyri at fremja tað ætlanina, sum eftir øllum at døma nærum full semja var um, helst tí, at hendan loysnin varð mett at verða ov kostnaðarmikil. Tá ið bygdaráðið í fjør valdi ein veg niðri í bygdini heldur enn uppi í bygdini, var talan um tvey uppskot, har vegurin lá dygst oman – ella niðan fyri bygdarhúsið og fór beint gjøgnum bøin, besta byggilendi í bygdini, ið harvið varð mist. Við hes­ um uppskotið, har vegurin liggur uppi á Brekkum, omanfyri bøgarðarnar, verður missurin av byggi­ lendi sera avmarkaður. Allir politisku flokkarnir fingu eisini innbjóðing til kunningarfund í Bátasavn­ inum í Leirvík. Har møttu bert umboð fyri Sambands­ flokkin, Fólkaflokkin og Sjálvstýrisflokkin saman við arkitektaráðgevarum og umboðum fyri Leirvíkar Kommunu. Vit vórðu kunnaðir um støðuna hjá meirilutanum í bygdaráð­ num, og hví bygdaráðið hevði broytt støðu. Eftir hendan kunningarfundin skilji eg betur støðuna hjá meirilutanum í bygda­ ráðnum, hví tey ynskja vegin vegin omanfyri bygdina. Havi bíðað eftir at onkur politiskur flokkur ella ting­ maður fór at fylgja áheit­ anini um at taka málið upp, men tað hendi ikki. Bjarni Djurholm landstýrismaður hevur sagt, at stórur politiskur meiriluti var fyri verandi verkætlan, hann ger tí ikki meira, tí hann metir málið vera avgreitt. Viðmerkingarnar tiknar úr leysari luft. Byggitíðin og tryggleikin líka góður har niðri í bygdini sum har uppi. Eg eri ikki serfrøðingur á økinum, men tað tykist løgið, at ein høvuðsvegur niðri á havnalagnum, har nógv fólk dagliga ferðast tvørtur um vegin, sam­ stundis sum hús standa tætt við, skal verða líka tryggur sum ein ringvegur, ið liggur í óbygdum. Harafturat havi eg tikið útsøgnina 22. apríl 2006 frá Ráðnum fyri Ferðslu­ trygd til eftirtektar. Ráðið fyri Ferðslutrygd heitir staðiliga á Føroya Løgting um at velja eina loysn í sambandi við veglegging í Leirvík, sum er í samsvari við Nullhugsjónina. Verandi landsvegir ígjøgnum bygd økir eiga skjótast til ber at verða lagdir út um bygdirnar. Tað er løgtingsins ábyrgd at kanna, um allir møguleikar í sambandi við veglegging í Leirvík veruliga eru kannaðir til fulnar, áðrenn endalig avgerð verður tikin.Nógva ferðslan í dag loyvir ikki, at landsvegir ganga ígjøgnum bygdir, og tað er vitleyst at leggja nýggjar stórar ferðsluæðrar millum hús, har fólk búleikast. Bert 2,3 milliónir krónur eru nýttar higartil í ár av teimum 18 milliónunum, ið vórðu játtaðar til Leirvík­ arvegin í hesum fíggjar­ árinum. Restina hevur landstýrismaðurin í vinnu­ málum brúkt til onnur arbeiði í Eysturoynni. Nógv neyst, jørð, komm­ unalur vegur v.m. skulu keypast ella ognartakast; hetta er trupult og tekur langa tíð. Tað er sambært Bjarna Djurholm orsøkin til, at ikki meira er hent, og játtaði peningurin ikki brúktur sum ætlað. Verður vegurin lagdur í erva kann arbeiðast frá báðum síðum, tí er byggi­ tíðin í lógaruppskotinum ásett til at verða liðug seinast 1. oktober 2009. Hetta viðførir, sum rímu­ ligt er, at áleið 15 milliónir skulu játtast afturat teimum 10 á fíggjarlógini 2008 og 25 milliónir í 2009, tilsamans áleið 50 milliónir. Sigur løgtingsmaðurin ósatt Eg havi samskift við Leir­ víkar Kommunu um upp­ skotið, og eri onga løtu í iva um, at tann vitan, fing­ in er til vega á hendan hátt, er samsvarandi veruleikan­ um. Uppskotið frá Lands­ verk tók meira byggilendi enn hetta uppskotið ger, og hetta er eisini tað uppskot­ ið, sum er samtykt í bygd­ aráðnum og áheitan farin út til politiska myndug­ leikan um at fremja. Hvør loysn er tann besta? Semjan rakk til veg við lokarennu, men tað vildu samgonguflokkarnir ikki. Ringvegur verður nógva­ staðni gjørdur, har ein vil verja bygd ella bý, hetta er eisini ein náttúrlig loysn, sum tá hon fellur væl í lendi ikki skemmir náttúruna. Eg veit væl, at tað eru ikki allir leirvíkingar sum ynskja hesa loysnina, men fleiri eg havi tosað við siga, at ein loysn má finnast, og at verandi ætlan niðri á havnalagnum, er tann vánaligasta av øllum. Tá interkommunala brennistøðin skuldi byggjast, vildi ongin hava hana. Vegur bleiv gjørdur á Høga­Saltnesi og við Áir, áðrenn endaligu loyvini vóru fingin til vega og brennistøðin til seinast bleiv bygd á Hagaleiti í Leirvík. Nógv mótmæltu og gjørdu sítt ítarsta fyri at støðga hesi ætlan, tí sagt varð, at hon kom at oyði­ leggja framtíðar møguleik­ arnar í bygdini og fyri uppvaksandi ættarliðið. Í dag kunnu vit øll í felag gleðast um, at dómadags forsøgnirnar ikki høvdu hald í veruleikanum. Brennistøðin er eitt trygt arbeiðspláss hjá fleiri fólkum, og avleidda virk­ semi hjá Høvdavirkinum, er ein av grundstuðlunum og inntøkunum í Leirvík. Í summar helt Umhvørv­ isnevndin hjá Norðurlanda­ ráðnum summarfundin í Føroyum, eftir innbjóðing frá føroyska umboðnum í nevndini. Høvuðsevni var CO2 útlát og globala upphitanin. Vitja varð m.a. á SEV støðini á Eiði, har kunnað varð um vind, vatn og alduorku. Aftaná varð vitja á Høvdavirkinum, og norðurlendska ferðaliðið var áhuga og bergtikið av at síggja eina so stóra verkætlan, har avlopshiti, ið annars ónýttur hevði farið út í luftina, bleiv brúktur til framleiðslu úr fiskaavfalli. Úr hesum úrdráttum kundi fáast eitt útflutningsvirði fyri nógvar tíggjutals milliónir árliga. Hetta er ein umhvørvislig sólskinsøga Fyri meg er tað sum sagt ein samvitskuspurningur, at vegaføringin í Leirvík verður framd sum skjótast. Vil fegin halda givin lyfti og haldi, at meirilutin í bygdaráðnum hevur grund­ givið væl fyri ynskinum um, at vegurin skal liggja uppi á Brekkum, tí er uppskotið framlagt. Nú fáa so løgtingslimir høvi til at viðgera málið og tað verður Løgtingið, sum kemur at taka endaligu avgerðina. løgtingslimur Kári P. Højgaard Lærarastørv í Eysturskúlanum Eysturskúlin søkir eftir lærara í tíðaravmarkað starv. Hetta starv verður lýst leyst at seta skjótast til ber og fyribils til 1. januar 2008 Søkt verður eftir lærara, sum skal undirvísa 20 tímar um vikuna. Í framhaldsdeildini í enskum, lívfrøði og alis/evnafrøði, og í 6. og 7. flokki í smíð Starvið eru lønt í lønarflokkunum 18.1 –27.4 sambært avtalu millum Føroya Lærarafelag og Fíggjarmálaráðið Í Eysturskúlanum leggja vit dent á: • Í undirvísingini at taka støði í teimum mongu førleikunum • At leita eftir sterkum síðum hjá næminginum • At tollyndi skal verða grundleggjandi fyri alt okkara virksemi Søkt verður eftir lærara sum: • hevur læraraútbúgving • dugir væl at samstarva og samskifta • áhaldandi vil menna seg sjálvan og skúlan • ikki ræðist nýggjar avbjóðingar • setir tollyndi í hásætið Umsóknir: Umsóknir við avriti av prógvi, CV og møguligum viðmælum skulu verða skúlanum í hendi í seinasta lagi leygardagin 3. november Meira fæst at vita um størvini við at seta seg í samband við skúlastjóran, Eyðdis Eidesgaard á tlf. 302540 ella 214752 Eysturskúlin Tórgarðsgøta 17 100 Tórshavn Í Eysturskúlanum eru 509 næmingar í 1. til 10. flokki og 49 lærarar. Skúlin er skipaður í sjálvstýrandi toymi. Meginreglan er, at lærarar arbeiða í einum toymi burturav. Í hvørjum toymi eru 4-5 flokkar. Vit hava skúlaárið 2006/2007 arbeitt við at orða virðisgrundarlag Eysturskúlans. Vit hava valt at leggja dent á “Tollyndi” í fyrstu syftu, tí vit meta, tað hevur so stóran týdning og er grundleggjandi fyri alt virksemi skúlans. Lesið - so eru tit við Vegaføring um Leirvík