mikudagur 24. oktober 2007síða 32

32 [ Nr. 206 - 24. oktober 2007 ] Herfyri helt Bragdið 60-ára stovningardag í Miðlahúsinum, og fitt av gestum vóru uppmøttir. Røður vórðu hildnar og mill- um annað fleiri av upprunaligu stovnar- unum av Bragdinum vórðu møttir. Onkur teirra hildu eisini røðu. Kaffi og gott ábit var eisini at fáa í Miðlahúsinum í Vágsbotni hendan oktoburs seinnapart FØÐINGARDAGUR Niels Petersen niels@sosialurin.fo Fitt av fólki var samlað í Miðlahúsinum hendan seinnapartin í oktobur. Fyrsti røðarin hendan seinnapartin var formaður Bragdsins, Robert Vilhelm­ sen. Hann fortaldi um byrj­ anina og tók stutt samanum, um søgu felagsins og takkaði stovnarum tess fyri megnar arbeiði teirra fyri frælsa ítrótt. Eisini treyv hann í týdningin av einum tílíkum felagi, og at tað nú loksins fær virðuligar umstøður. Røðarar Eftir at formaðurin í Bragdinum hevði hildið eina røðu, vóru ymiskir, ið hildu røðu og hugleiddu um farna tíð, framtíðina og útlit hennara. ­ Nógvur aktivitetur hevur verið síðan stovn­ ingardagin. Millum annað høvdu vit longu vitjan í 1949 av Ísafjørðinum úr Íslandi, segði formaðurin í Ítróttar Sambandi Føroya (ÍSF) m.a. Hann takkaði eisini fyri gott samstarv, gjøgnum tíðina, ið farin er og vónaði at tað fór at halda fram og mennast. ­ Tað er heilt fantastiskt at Toftamenn bjóðaðu seg fram til at gera eitt stadion, sum kundi nýtast í 1989, annars kundi ongir leikir haldast her, sama ár, sigur hann og leggur afturat, at krøvini økjast, og uttan ítróttarhøll til frælsan ítrótt, kunnu vit ikki fáa oyggja­ leikirnar hendan vegin í 2015, sum ætlað. Heri Ziska, formaður í Frælsum Ítrótti Føroyar (FÍF), helt eisini røðu, og gleðist hann um at vit kunna taka í nýtslu, eitt stadion á altjóða støði, og gleðist alsamt um at tað nú gongur væl, aftaná byrjunartrupul­ leikar í projektinum. Hann endar við at takka fyri megnar arbeiðið, ið stovn­ ararnir hava lagt eftir seg. – Uttan teir vóru vit ikki her í kvøld, og kundu nokk heldur ikki taka í nýtslu glæsuligt stadion, á sumri næsta ár. ­Hevur stóran týdning, at Bragdið hevur megnað at skipað fyri so nógvum stórslignum tiltøkum, gjøgn­ um tíðina, m.a. Tórshavn Marathon Íblásturin Millum aðrar, helt Palli Gregoriussen, ein av teim­ um átta stovnarunum av Bragdinum, eina røðu, har hann fortaldi um søguna, og um merkiligu kensluna, at standa her aftaná 60 ár. Vit vóru bert 15­16 ára gamlir, og høvdu allir alsk fyri frælsum ítrótti, og tiltikna olympiadan í Berlin í 1936, var kanska íblásturin til hetta felag. Einastandandi avrikið hjá litta ameriku­ manninum, Jesse Owens, fekk áhugan bert at veksa. ­ Tá Íslendingar, av Ísafjørðinum, vóru á vitjan í 1949, varð fótbóltsvøllurin í Gundadali máldur upp og nýttur, fortelur Palli frá og tekur at enda samanum og sigur at hann gleðist almikið um at tað enduliga eru nøktandi umstøður ávegis, fyri klassisku ítróttar­ greinina Frælsa ítrótt. Frælsur ítróttur bjarta framtíð Nakrir av stovnarum felagsins vóru møttir til hesa hugnaløtuna niðuri í Vágsbotni Robert Vilhelmsen, formaður í Bragdinum Útlendska vitjan Polina Notchevnova, Mall Kalve nøvn sum eru kend innan fimleikaheimin, serliga innan estetiska fimleikaheimin, eisini í Føroyum. Hesar hava verið í Føroyum og undirvíst okkara fimleikarum, venjarum og dómarum. Móttøka í Badmintonhøllini Stór móttøka verður í Badmintonhøllini í Havn í dag, kl. 17.00. Føroyska landsliðið, ið hevur verið í Grønlandi til Islands Badminton Event 2007. Føroysku íðkararnar koma heim við fimm heiðursmerkjum, og er hetta tað mesta nakrantíð.