mánadagur 29. oktober 2007síða 18

[ Nr. 209 - 29. oktober 2007 ] Meðan FM rákin svinnur, verður stórur dentur lagdur á fyrireikingarnar til nýggja kappingarárið Fótbóltur Jákup Mørk jakup@sosialurin.fo Landskappingin 2007 er av. NSÍ hevur fingið FM steyp og gullkrónur og atgongu­ merkini til innleiðandi um­ farið í europeisku meistara­ kappingini. Harvið hevur NSÍ tryggjað sær eina stóra millión frá UEFA. Europe­ isku pengarnir verða ikki fluttir til NSÍ fyrrenn á sumri í 2009, men sjálvandi ber tað til at brúka hesar pengarnar sum trygd longu nú. FM rákin í Runavíkar kommunu kennist framveg­ is, og í fleiri feløgum er rák­ in av vónbrotið framvegis ramur. Ikki minst í gomlu stórfeløgunum: Í KÍ, har dagsskráin tíð­ liga á árinum var ein heilt onnur, enn tað hevði verið vónað og ivaleyst eisini roknað við. Uggin var, at flaggskipið so dánt fótaði sær fram ímóti kappingar­ enda. Í HB, har grundarlagið undir stórliði undan kapp­ ingarbyrjan kendist væl betri, enn tað gjørdist undan kappingarbyrjan í fjør, tá ið liðið vann FM. Men HB stórkiksaði, og tapið í steypafinaluni og fjórða plássið í landskappingini er langt frá tí, sum tað altíð verður vónað og roknað við í felagnum, sum hevur vunn­ ið meiri enn nakað annað. Í B36, sum leingi var í tættari kapping við NSÍ um FM heitið, men sum fall púrasta í fátt fram ímóti kappingarenda og eftir svíð­ andi tap í grannauppgerðini leygardagin datt heilt aftur á bronsuplássið. Tað var stórt vónbrot. Gott lag Í fimm feløgum eigur lagið at vera í topp, tí liðini stóðu seg so avbera væl: 50 ár eftir stovnanina hev­ ur NSÍ vunnið fyrsta FM heitið. Tí er lagið í toppi í Runavík. Í Sundalagnum varð rokn­ að við, at tað fór at verða striltið eftir vónbrotið í fjør. EB/Streymur er steypavinn­ ari, og silvurkrónurnar í landskappingini vórðu leyg­ ardagin vunnar við manér. Tí er lagið gott í Sundalag­ num. Í Gøtu er lagið gott. Í summar var GÍ í vanda fyri at flyta niður. Kortini megn­ aðu gøtumenn at sleppa út djúpum aldudali og fram á 5. plássið. Tað var framúr. Málið var at halda tørn um plássið í fremstu røð, sum B71 vann sær í fjør, og tað eydnaðist. Sandoyingar endaðu á 8. plássi, og av­ rikini vístu, at tað eru fleiri møguleikar í sandoyingun­ um og stuðlunum, sum teir hava uttanlands frá. Tí er fótbóltslagið gott á Sandi. Skála endaði á sætta plássi. Fyrstu umførini vóru katastrofal, og hóast úrtøk­ an ikki hevur verið nakað serlig í heyst, so er sætta plássið væl og virðiliga at liva við. Royna aftur AB og VB/Sumba eru ikki longur partur av Formula­ deildini. Tað er longu langt síðani, at niðurflytingin meiri og minni varð veru­ leiki. Merkisvert hevur ver­ ið, at bæði liðini – hóast vónbrotið – ikki hava lagt árarnar inn. Sammett við undanfarin ár hava botnliðini ikki lagt rygg til fleiri stórtap. VB/ Sumba hevur tvær ferðir tapt við fimm málum – 5­0 í Klaksvík og 6­1 í Streym­ nesi – og størsta AB tapið var 4­0 í Gundadali ímóti HB. B68 og ÍF fáa í 2008 møguleikan at vísa, at upp­ flytararnir ikki nýtast at flyta niður aftur beinanvegin – í hvussu so er annar teirra. Uttan mun til hvør flytir niður næsta ár, so tykist tað rættuliga sannlíkt, at tey bæði, sum fluttu niður í ár, skjótt fara at bjóða seg til aftur í fremstu røð. Pengarnir avgerandi Onkur spælaraflyting er longu kunngjørd, og næstu dagarnar fara fleiri at frætt­ ast. Í átta feløgum hava teir gjørt av, hvør skal vera venj­ ari. Í vikuskiftisblaðnum varð víst á, at talan er um átta føroyskar venjarar, og at sjey teirra – allir uttan meistaravenjarin Johan Nielsen – eru í tríati árun­ um. Felags fyri allar átta er, at teir – saman við landsliðs­ venjaranum – eru útbúnir í Føroyum. Tað vil siga, at miðvísa arbeiðið at útbúgva venjarar, sum FSF fór undir fyrst í níti árunum, í ríkt mát hevur borið frukt. Hvør fær bestu venjarar­ nar, og hvør fer at fáa undir­ skriftirnar frá bestu spælar­ unum valdast nógv um, hvar mestu pengarnir eru at finna. Um nakrar vikur verður farið undir fyrireik­ ingarnar til nýggja kapp­ ingarárið. 2007 er søga, og nú fer fótbóltsprátið at snúgva seg um 2008. Laudrup tapti aftur Eftir at Getafe, sum hevur danan Michael Laudrup sum venjara, vann í UEFA Cup kappingini hóskvøldið, var tað aftur gerandisdagur í sponsku kappingini í gjár. Getafe spældi ímóti Racing Santander og tapti týdningarmikla dystin 2­0. Harvið er framvegis stórt trýst á Michael Laudrup, og Getafe hevur bert vunnið ein av 9 dystum í sponsku landskappingini í ár. Súni stóran leiklut Tað gongur einki serligt hjá teimum báðu føroysku landsliðsspælarunum at vinna sær pláss ímillum teir fyrstu ellivu á besta AaB liðnum. Um vikuskiftið átti Súni Olsen stóran leiklut á næstbesta liðnum. Hann verður sagdur at hava verið millum teir stinnastu, tá ið AaB í 2. deild vestur vann 3­1 á útivølli ímóti Vanløse. Súni Olsen átti málgevandi sendingina, tá ið AaB eftir hálvan tíma javnaði til 1­1, og miðskeiðis í 2. hálvleiki staðfesti hann við fínum máli 3­1 sigurin. Hetta var fyrsta ferðin í hesum kappingarárinum, at Vanløse tapti á heimavølli. Í superliguni fer AaB mánakvøldið at spæla á heimavølli ímóti Esbjerg. Nýggj dagsskrá er longu sett NSÍ skoraði 250.000krónur, tá ið troyggjurnar hjá FM liðnum vórðu seldar á uppboði undir móttøkuni leygarkvøldið Fótbóltur Jákup Mørk jakup@sosialurin.fo Hvussu nógv kann tað hugsast, at virðið er í einari brúktari fótbóltsblusu. Sum í so mongum øðrum førum valdast tað um útboð og eft­ irspurning. Tá ið NSÍ ferðalagið leygarkvøldið í góðum hýri kom aftur úr Klaksvík við FM steypi og gullkrónum varð skipað fyri móttøku í ítróttarhøllini í Runavík. Har møtti nógv fólk upp, og lagið var gott. Seinastu árini hevur tað verið siður, at troyggjurnar hjá NSÍ spælarunum í For­ mula deildini hava verið seldar á uppboði. Tað plag­ ar at vera stuttligt, og tað plagar at geva ikki so lítið í felagskassan. Leygarkvøldið vórðu troyggjurnar seldar, og tað sást aftur á eftirspurning­ inum og harvið prísinum, at talan var um meistara­ troyggjur. Størsti spenningurin var, tá ið troyggjan hjá liðfor­ manninum og ivaleyst mest støðuga NSÍ spælaranum í ár varð seld. Tveir kappbjóðaðu upp á troyggjuna hjá Óla Hansen. Annar var mammubeiggin, gamli NSÍ álopsspælarin Símun Danielsen, sum arbeiðir í familjufyritøkuni OCD. Hin var Fritleif Olsen, sum er vinnulívs­ maður og formaður í nevnd­ ini fyri Eik. Síðsta boðið átti Símun Danielsen. Hamarin fall fyri boðnum upp á 75.000 krónur. Tá ið kappbjóðingin var avgjørd, bað Fritleif Olsen um orðið. Hann takk­ aði NSÍ fyri gott kapping­ arár, ynskti tillukku við FM heitinum, og so hand­ aði hann felagnum kekkin upp á 50.000 krónur, sum hann hevði í lummanum. Tí er tað ikki heilt skeivt at siga, at troyggjan hjá liðfor­ manninum gav felagnum 75.000 krónur og harafturat 50 túsund krónur ella í alt 125.000 krónur! Næsthægsti prísurin fekst fyri málmanstroyggj­ una hjá nú fyrrverandi NSÍ málverjanum Jens Martin Knudsen. Hægsta boðið ta ferðina átti SeaStar, sum rindaði 36.000 krónur í NSÍ kassan fyri troyggj­ una. Tilsaman gav uppboðið umleið 250.000 krónur, sum bæði feløg og privatir stuðlar rindaðu. Kanska hetta var eitt hugskot at royna hjá øðrum feløgum! 75 túsund fyri FM troyggju NSÍ var á gullferð í Klaks­vík leygardagin. Men hóas­t s­makkurin av hes­um enn s­itur hjá s­pælarum, venjara og leiðs­lu, s­o eru tankarnir longu nú s­avnaðir móti komandi kappingaári Mynd: Álvur Haralds­en 18