týsdagur 6. november 2007síða 6

6 tíðindi Nr. 215 - 6. november 2007 Fólkaflokkurin verð­ur fyrsti flokkurin, tá Rás2 í kvøld byrjar at senda valsendingar Sendingarnar verða á skránni klokkan 20 tey trý komandi kvøld­ ini. Í kvøld hevur Fólkaflokkurin mikrofonina, mikukvøldið eigur Tjóðveldi torn, og hóskvøldið verður tað Javnaðarflokkurin, ið fer at senda sín boðskap. Fríggjakvøldið verður kjaksending úr Miðlahúsinum, og hendan verður send frá klokkan 16 til18. Mánakvøldið hava teir tríggir flokkarnir aftur ein tíma hvør. Tá verður byrjað klokkan 20, og verður raðfylgjan tá Tjóðveldi, Javn­ aðarflokkurin og Fólkaflokkurin. Higartil hava hesir tríggir flokkar boða frá luttøku. Val á Rás 2 í kvøld Flokkarnir fara nú at senda sínar egnu valsendingar á Rás 2. Tann fyrsta verður í kvøld Savnsmynd Fjølmið­lanevndin stað­festir, at Dimmalætting átti at givið­ Summar Festivalinum høvi at svara atfinningunum í greinini 13. august, har funnist verð­ur at trygdini á Summar Festivalinum. Har­ við­ hevur Dimma­ lætting brotið­ góð­­ an fjølmið­lasið­, er nið­urstøð­an hjá nevndini Úrskurður Kári Mikkelsen karim@Sosialurin.fo Summar Festivalurin við Steintór Rasmussen, stjóra, kærdi til Fjølmiðlanevndina um eina grein, sum stóð í Dimmalætting 13. august 2007, ið Summar Festival­ urin heldur er brot á góðan fjølmiðlasið. Kæran varð send Dimma­ lætting til ummælis, og blaðið hevur í skrivi dagfest 18. september 2007 gjørt teirra viðmerkingar til kæruna: Summarfestivalurin upplýsir at: Dimmalætting prentaði 13. august 2007 grein við yvirskriftini: »Nógvar atfinningar móti trygdini á Summarfestivalinum«. Greinin var høvuðssøga á forsíðuni, har yvirskriftin var: »Ivasom trygd á Summ­ arfestivalinum: Alt ov fáar vaktir«. Í greinini tosar blaðfólk á Dimmalætting við tvey fólk, ið starvaðust á Summ­ arFestivalinum. Tey greiða frá sínum upplivingum, siga eisini frá upplivingum frá øðrum og koma við hørðum atfinningum ímóti fyriskipanini og trygdini á Summar Festivalinum. Fleiri ítøkiligir pástandir eru í greinini, og tey bæði starvsfólkini sleppa í stóran mun at siga sína søgu uttan mótspæl. Hetta kærir Summar Festivalurin um, tí greinin eftir teirra tykki stríðir móti góðum fjølmiðlasiði. Og álvarsamasta brotið er, at Summar Festivalurin ikki sleppur at svara skuldseting­ unum. Víst verður á, at ein av grunnleggjandi lutunum í journalistikki er, at ein partur, sum verður skuld­ settur fyri nakað, sleppur at svara skuldsetingunum. Víst verður eisini til før­ oyska uppskotið um góðan fjølmiðlasið, har tað í grein 4.13 verður sagt: „Persónar, ið verða ákærdir, eiga, um tað á nakran hátt ber til, at sleppa at svara aftur sam­ stundis, tá ið tað snýr seg um ítøkiligar upplýsingar. Orðaskifti, atfinningar og tíðindaflutningur eiga ikki at verða forðað av, at partar ikki vilja bera fram hugsan sína ella luttaka í orða­ skifti“. Summar Festivalurin varð ongantíð biðin um eina viðmerking í samband við greinina í Dimmalætting 13. august 2007. Vikuna frammanundan høvdu Dimmalætting og Sosialurin greinar í kjalarvørrinum av avlýsta festivalinum, og umboð fyri Summar Festi­ valin svaraðu spurningum í tí samanhanginum. Harvið hevur Summar Festivalurin á ongan hátt roynt at sníkja seg undan ábyrgd ella royna at sleppa undan at svara kritiskum fyrispurningum. Summar Festivalurin vildi eisini gjarna komið til orðanna í greinini 13. august, men fekk ikki møguleikan til tað. Summar Festivalurin orðaði sjálvur eitt skriv, sum varð prentað nakrar dagar seinni í Dimmalætting. Teir halda, at framferðin hjá Dimmalætting stríðir ímóti góðum fjølmiðlasiði. Í greinini 13. august eru nýggjar, ítøkiligar atfinn­ ingar, sum Summar Festi­ valurin kundi svara. Teir halda, at summar upplýsing­ ar eru misvísandi og yvir­ tulkaðar, men teir fingu ongantíð møguleikan at svara álvarsomu skuldseting­ unum. Víst verður eisini á, at Dimmalætting gjørdi nógv burtur úr greinini, og teir halda, at brotið á góðan fjølmiðlasið er serliga grovt, tá ið blaðið ruddar forsíðuna orsakað av hesi grein. Harafturat hingu sonevndu matarleparnir við somu skuldsetingum eisini uppi á sølustøðunum kring landið. Eftir stendur ein ein­ síðug grein, har tann skuld­ setti parturin ikki sleppur at svara fyri seg. Víðari skrivar Fjølmiðla­ nevndin, at Dimmalætting upplýsir í ummæli sínum at: Dimmalætting skrivaði fleiri ferð um Summar Festi­ valin 2007. Tann 6. og 8. august vóru greinar um Summar Festivalin, har fyrireikararnir søgdu frá um trygdina. Í greinini 13. august siga fleiri fólk frá, at tað ikki er so einkult, sum Dimmalætting hevur skriv­ að. Tey vísa á, at trygdin var ikki so góð. Dimmalætting førir fram, at í veruleikanum er greinin aftursvar til tað, sum millum annað Steintór Rasmussen hevur sagt við Dimmalætting tann 6. og 8. august. Víst verður á, at í greinini í Dimmalætting 13. august verður víst til tað, sum fyri­ skiparin Steintór Rasmussen hevði sagt við blaðið um, at Summar Festivalurin ikki hevði sett fólk til at fylgja við vindmátingunum, og at fyriskiparunum møguliga vantaðu dirvi til at taka avgerðirnar nóg skjótt. Dimmalætting metir, at blaðið við hesum hevur lat­ ið fyriskipararnar komið til orðanna, og at dekningurin hevur verið í samsvari við góðan fjølmiðlasið. Serliga tí greinin 13. august er ein partur av einari avdúkandi greinarøð, sum Dimmalætt­ ing hevur havt um trygdina á Summar Festivalinum. Avgerðin hjá Fjølmiðlanevndini: Fjølmiðlanevndin hevur á fundi tann 24. oktober 2007 viðgjørt kæruna. Í viðgerð­ ina av hesum málinum lut­ tóku Halgir Winther Poul­ sen, Ingolf S. Olsen, Johann Mortensen og Nella Festir­ stein. Fjølmiðlanevndin kom til fylgjandi úrskurð: »Viðmerkjast skal fyrst, at Fjølmiðlanevndin í við­ gerðina av kæruni ikki hev­ ur tikið støðu til innihaldið í greinarøðini hjá Dimma­ lætting um Summar Festivalin. Vísandi til tey sjónarmið, sum síggjast aftur sum grein 4.13 í uppskotinum um góðan fjølmiðlasið held­ ur Fjølmiðlanevndin, at Dimmalætting átti at givið Summar Festivalinum høv­ ið til at svara atfinningunum samstundis í greinini 13. august. Av tí, at Dimmalætt­ ing ikki royndi at fáa við­ merkingar frá Summar Festivalinum áðrenn almannakunngerð, hevur Dimmalætting brotið góðan fjølmiðlasið, jb. grein 43, stk. 1 í fjølmiðlaábyrgdar­ lógini, og hetta avgjørdi Fjølmiðlanevndin at átala. Avgerðin er endalig innan fyrisitingina«. Undirskrivað vegna Fjølmiðlanevndina, Nella Festirstein, formaður. Dimma fær átalu fyri fjølmiðlasið Greinin í Dimmalætting 13. august brýtur við góðan fjølmiðlasið, staðfestir Fjølmiðlanevndin