fríggjadagur 23. november 2007síða 19

19 [ Nr. 228 - 23. november 2007 ] Sørvágskvinnur vóru á vitjan hjá KÍF í Kollafirði mikukvøldið, og haðani fóru tær vestur aftur við viðførinum, góðum hýri og stigunum í skjáttuni FLOGBÓLTUR Niels Petersen niels@sosialurin.fo Sørvágskvinnur hava bert tapt tann eina dystin í ár, og tað var í øðrum umfari, tá tær spældu á Kambsdali móti ÍF. SÍ vann sín fyrsta dyst á árinum, og eftir tapið móti ÍF, hava tær vunnið tríggjar sigrar á rað. Tykjast fjálturstungnar Leikgongdin í fyrsta setti minti ikki sørt um útidystin móti ÍF, har SÍ løgdu væl fyri frá byrjan, fyri síðani at gera ov nógvir býttar feilir og tapa settið. Góðar servur, kvikt verjuspæl, blokkurin stendur væl og góð álop, serliga um miðjuna, vinnur settið fyri KÍF. Rokeringar virka SÍ framdi rokeringar og styrktu blokkin mitt fyri, og tað vendi hóttandi gongdini. Sørvágskvinnur fingu tak á góðu álopunum hjá KÍF, og SÍ spælið gerst tryggari, meðan KÍF byrja at fáa trup­ ulleikar við móttøkunum. Settið verður vunnið av SÍ og leiðin tykist stungin út í kortið. Triðja settið gerst tó nokkso tætt, men at enda menna SÍ seg og vinna við trimum stigum. Í fjórða setti var ongin ivi um nakað. SÍ stýrdi frá byrj­ an til enda. Samanumtikið hava SÍ, fleiri streingir at spæla uppá og vinna tí ein rættiliga tryggan sigur, men hann er ikki sannførandi. Spælið verður ongantíð leik­ andi lætt, móti einum, til tíðir, vælleikandi KÍF­liði. KÍF-SÍ 1-3 (25-19, 19-25, 22-25, 14-25) Triðji sigur á rað Stigatalvur hjá ávíkavist kvinnum og monnum: Meistaradeild kvinnur: D V-T Sett+/- Munur Stig 1SÍ 6 5-1 17-6 11 10 2 ÍF 5 5-0 15-5 10 10 3 KÍF 6 3-3 13-11 2 6 4 Dráttur 5 3-2 10-9 1 6 5 TB 6 2-4 8-12 -4 4 6 Mjølnir 4 0-4 4-12 -8 0 7 Fleyr 4 0-4 0-12 -12 0 Meistaradeild menn: D V-T Sett+/- Munur Stig 1 Mjølnir 5 4-1 13-4 9 8 2 SÍ 5 4-1 14-6 8 8 3 ÍF 3 2-1 6-6 0 4 4 Fram 4 1-3 5-9 -4 2 5 Fleyr 5 0-5 2-15 -13 0 FAKTA Dystirnir í Meistaradeildini hjá kvinnum og monnum, hetta vikuskiftið, verða: Meistaradeild kvinnur: Dato Kl. Stað Dráttur-Mjølnir 25/11 14:00 Giljanes ÍF-Fleyr 25/11 14:00 Kambsdalur Meistaradeild menn: Dato Kl. Stað Fleyr-SÍ 25/11 16:00 Gundadalshøllin ÍF-Fram 25/11 16:00 Kambsdalur FAKTA Steve Bruce, ið er nýggjur venjari hjá Wigan, sleppur ikki at standa við stírisvøðlin hjá Wigan, tá liðið fer á vitjan hjá Arsen­ al á Emirates leik­ vøllinum í London FÓTBÓLTUR Niels Petersen niels@sosialurin.fo Wigan mátti gjalda á leið 3 milliónir ensk pund (30 mió. krónur) fyri at loysa Steve Bruce úr sáttmála hansara í Birmingham City F.C., men hann slepp­ ur ikki at stýra Wigan enn, tí Birmingham vilja vera við, at Wigan má gjalda 220.000 pund afturat, fyri at handilin kann verða gjøgnumførdur endaliga. Arsenal og United Arsenal taka ímóti Wigan, meðan Manchester United fara á vitjan á Reebok Stadium, har Bolton eru vertir. Av teimum báðum, hevur Arsenal tey betru kortini á hondini, tí teir spæla heima móti botnliðn­ um Wigan, meðan United mugu á trupla uppgávu móti Bolton, ið hevur tað fyri at arga tey stóru liðini í Premier League. Torres kanska munurin Michael Owen hevði iva­ leyst dámt væl at skorað móti sínum gomlu liðfeløg­ um, men hansara skaðar í seinastuni forða honum, tí hann verður ikki við leygar­ dagin, tá Liverpool koma á vitjan á St. James Park í Newcastle. Í staðin kann tað gerast Fernando Torres, ið fer avstað við yvirskriftunum. Fernando Torres hevur verið ein ordans fongur hjá Liverpool, síðan skiftið frá Atletoco Madrid. Hann hev­ ur skorað átta mál í fjúrtan dystum, og má tað sigast at vera heilt hampuligt. Torres hevur eins og Owen, havt trupuleikar av skaðum, men hann er nú klárur aftur, eftir at hann ikki spældi landsdyst fyri Spania, mikukvøldið. Chelsea byrjar at hótta Chelsea fara leygardagin til Derby á vitjan. Og alt annað líka, má man meta at teir eru klassar betur enn Derby. Í øllum førum hvat lønum viðvíkur, eru Chelsea leikararnir fleiri ferðir hægri enn teir hjá Derby. Chelsea eru á ein­ um fjórða plássi, fimm stig aftanfyri Arsenal og Manchester United. London uppgerð Sunnudagin verður so eitt av sløgunum um London, tá West Ham vera vertir fyri Tottenham, ið hevur fingið eina góða byrjan undir nýggja venjaranum, spaniól­ anum Juande Ramos. Totten­ ham hevur ikki tapt undir leiðslu av Ramos, og mugu teir sigast at vera eitt slag av favoritti, ímóti einum West Ham liði, ið liggur sum nr. tíggju á stigatalvuni. Bruce ikki við á Emirates Flogbóltskapping á Tvøroyri Í vikuskiftinum verður stór flogbóltskapping í yngru deildunum á Tvøroyri. Kappast verður í Ítróttarhøllini og í fimleikahøllini, og vanligu reglurnar verða ikki nyttar. Vanligt er at um tað stendur á jøvnum eftir 4 sett, har tað verður spælt upp til 25 stig, skal eitt fimta sett til, fyri at avgera dystin. Hetta settið gongur vanliga upp til 15 stig. Í kappingini leygardagin verður kappast upp til 21 í hvørjum setti, og í triðja setti verður spælt upp til 15. Hetta fyri at gera kappingina áskoðaravinarliga og fyri at avgreiða allar kappingarnar innan eitt rímuligt tíðarbil. Fyrireikarnir duga at siga at kappingin er sera væl umboðað, og at tað ikki áður hava verið so nógvir íðkarar til eina slíka kapping. Fyrsta kappingin byrjar klokkan 8:30 leygarmorgunin í fimleikahøllini, har bólkurin Dreingir 10 ár seta hol á kappingina har. Í ítróttarhøllini byrja kappingarnar kl 9:00. Tað ljóðar frá fyrireikarunum, at teir vóna at nógv fólk møtir upp og stuðla tiltakinum og heppa á ungdómin í oynni, ið fer at mynda framtíðina í føroyskum flogbólti Karin Mikkelsen, ið saman við liðfeløgum sínum hava vunnið tríggjar dystir á rað Steve Bruce, í hansara tíð í Birmingham City F.C.. Hann hevur nú skift til Wigan Athletics F.C.