týsdagur 8. mai 2001síða 13

24 Nr. 87 - 8. mai 2001 gult24 cyan24 magenta24 svart24 C M Y K Nr. 87 - 8. mai 2001 25 gult25 cyan25 magenta25 svart25 Klaksvíkingar vístu heilt øðrvísi hugburð, enn teir gjørdu ímóti GÍ, men tað var ikki nóg mikið ímóti HB, sum í 1. hálvleiki hevði fleiri stórar møguleikar 1. DEILD Jóannes Hansen Tað var summar í Klaksvík sunnudagin. Heiður himin, stilli og nógv fólk á gøtum og strætum. Út á seinna- partin vóru tað havnar- menninir, sum smíltust mest út eftir Fornagørðum og út í Klaksvíkina, og so bilti tað ikki so nógv, at ov- byrjaða strandferðsluskipið var ein hálvan tíma seink- að. HB hevði fingið tað, sum teir komu eftir. Støðið til 2–0 sigurin løgdu teir í 1. hálvleiki. Tá høvdu teir væl størri breidd í álopsspælin- um enn mótstøðumenninir, og teir spældu seg til einar tríggjar stórar málmøgu- leikar. Men teir megnaðu ikki at umseta nakran av hesum møguleikunum til mál. HB fekk bæði málini eft- ir persónlig mistøk hjá heimamonnunum. Tað fyrra kom, tá eitt korter var farið. KÍ misti í uppspælin- um í vinstru, og tríggir av HB monnunum, sum stóðu sterkastir í myndini, syrgdu fyri uppspæli og máli. Vagnur Mohr Mortensen sendi úr høgru langan bólt fram um miðjuna, Uni Arge var hægstur og longdi við høvdinum til Jón Róa Jac- obsen, sum dróg eitt sindur, áðrenn hann av brotsteigar- markinum smekkaði flatt framvið Meinhardi Joensen í KÍ málinum. Seinna málið fekk HB tríggjar minuttir undan steðginum. KÍ roynd at byggja upp varð steðgað eitt sindur frammanfyri miðjuna, Rúni Nolsøe stakk fram í vinstru til Rógva Jacobsen, sum var púra blankur, tí KÍ verjan var á veg fram. Álpops- kendi miðvallarin, sum onkuntíð hevur staðið sjón- skari í myndini í Klaksvík, enn hann gjørdi sunnudag- in, var púra kaldur, tá hann lyfti upp um eitt sindur tøv- andi KÍ málverjan, og so tóktist alt avgjørt. KÍ tók ikki av Klaksvíkingar vóru nógv meiri avgjørdir og ágan- gandi ímóti HB, enn teir vóru, tá gøtumenn fóru við øllum stigunum úr Klaks- vík. At KÍ kortini ikki megnaði at fáa mál og har- við stig burturúr komst fyrst og fremst av, at teir spældu ímóti einum liði, sum – sjálvt um Allan Mørkøre var skaddur og tískil als ikki var við – var javnt væl mannað á øllum plássum. Og harafturat tordi HB í 1. hálvleiki at hava nógv fólk frammi á vøllinum. KÍ royndi frá fyrsta bríksli at leggja trýst á aft- astu ketuna hjá HB. Hugs- anin tóktist vera, at mið- verjarnir skuldu kroystast at gera mistøk. Onkrar hálvvandamiklar støður stóðust burturúr, serliga eftir at Eyðun Klakstein var farin í vinstra borð, og Hjalgrím Elttør var komin í høgru síðu, men upplagdu málmøguleikarnir vóru heilt fáir. Nýggi jugoslavin, Alexander Djordjevic, vísti, at tað ivaleyst fer at verða fongur í honum. Hann hevði eitt fínt flukt- skot, sum Bárður Johannes- en, ið var tryggur í málin- um, bjargaði væl, og tað var hann, sum í síðsta álopin- um undan steðginum tiltu- skaði KÍ eitt brotsspark. Hetta var lagnuløtan hjá klaksvíkingum. Harley Bertholdsen, sum var tryggur úr ellivu metrum í fjør, sendi til høgru fyri seg sjálvan, men tað hevði HB málverjin lisið av, og so var hálvleiksstøðan 0–2. Lítið veiggj í Tað verður altíð ein hypo- tetiskur spurningur, hvussu tað hevði hilnast, um klaks- víkingar høvdu minkað um munin dygst undan steðg- inum. Ivaleyst høvdu teir havt fingið áskoðararnar meiri við sær, og teir høvdu havt orsøk at rokna við møguleikanum. Eftir steðgin spenti Tom- islav Sivic álopsbogan og fór frá 3–4–3 og til 3–3–4. Hann setti seg sjálvan og Ova Nysted inn, og Allan Joensen varð settur aftur í miðverjuna, har Jan Andr- easen rættuliga tykist vera komin upp í snúðningar. KÍ hevði bóltin meiri, enn teir høvdu havt í 1. hálvleiki, men málmøgu- leikarnir vóru heilt fáir. HB, sum sjálvsagt tóktist nøgt við støðuna, tók seg – ivaleyst ótilvitað – aftur á vøllin, bíðaði og dúvaði upp á skjótálop. Klaksvíkingar høvdu ilt við at spæla seg ígjøgnum. Í 2. hálvleiki tóktist tað liggja betri fyri í vinstru, men akkurát sum ímóti GÍ, so var tað mesta høgravent, um tað yvirhøvur var í borðunum, at tað gekk fyri seg. Sum tíðin leið, vórðu alt fleiri bóltar sendir høgt í HB brotsteigin. Tað var matur fyri Hans á Lag, sum – hóast hann leingi hevur verið burturi frá við skaða – stóð sterkur í myndini. Onkrar støður tóktust spentar frammanfyri HB málverjan, men tað kendist alla tíðina sum um HB hevði megnað at táttað í aft- ur – um tað hevði verið neyðugt. Sjálvandi vóru klaksvík- ingarnir ikki nøgdir í góð- veðrinum. Men um teir megna at varðveita hug- burðin, tá teir fara at spæla ímóti liðum, ið ikki hava somu styrkina, sum HB hevur, so fara teir ivaleyst at fáa mál, og so fer stiga- talvan kanska eisini at broytast. KÍ-HB 0-2 (0-2) 0-1: Jón Rói Jacobsen 22 0-2: Rógvi Jacobsen 44 Dómari: Niklas á Líðar enda (GÍ) KÍ: Meinhard Joensen – Atli Danielsen, Jan Andrea- sen, Niclas Niclassen – Harley Bertholdsen, Allan Joensen, Símun Joensen, Fríðin Ziskason – Eyðun Klakstein, Alexander Djor- djevic, Hjalgrím Elttør HB: Bárður Johannesen – Vagnur Mohr Mortensen, Hans á Lag, Jóhannis Joen- sen, Janus M. Joensen – Hallur Danielsen, Rúni Nolsøe, Rógvi Jacobsen – Jón Rói Jacobsen, Uni Arge, Andrew av Fløtum. KÍ-HB 0-2 (0-2): Havnarmenn sektaðu mistøkini hjá KÍ KÍ var við yvirlutan í klassisku uppgerðini í Klaksvík. Sera sigandi er Hjalgrím Elttør eisini kringsettur av mótleikarum á myndini Mynd: SjH KÍ hevur enn sín fyrsta sigur til góðar eftir tveir dystir í landskappingini, tá dysturin í Gundadali millum B36 og KÍ endaði við javnleiki 1-1, sum var eitt rætt- víst úrslit 2. DEILD Jákup Mørk Tað var B36, ið legði harð- ast út í landskappingardyst- inum móti KÍ leygardagin. Heimaliðið legði nakað av trýsti á KÍ málið og spældi seg eisini fram til onkran málmøguleika miðskeiðis í fyrra hálvleiki. Hesir vórðu tó misnýttir, og so var tað KÍ, sum átti tørn. Útiliðið hevði fleiri atsóknir á B36 málið, men antin bjargaði Rene Tór- garð í málinum ella beindi verjan bóltin burtur. Fimm minuttir fyri steðg- in eydnaðist tað KÍ at fáa hol á málskjótingina, og tað var tað fyrsta málið hjá KÍ í ár. Leon Bjartalíð fekk fat- ur á bóltinum beint framm- anfyri miðjuna. Hann slapp at reka ótarnaður oman móti málinum, og nakað uttanfyri brotsteigin royndi hann seg við skoti, sum fór dygst upp í hornið. Eitt vakurt mál, og KÍ kundi fara til hálvleik við eini eitt máls leiðslu, og tað mundi útiliðið verða væl nøgt við. B36 svarar straks aftur Tað var øllum greitt, at B36 ætlaði ikki at lata klaksvík- ingar fara norðuraftur við øllum stigunum. Tí vóru teir naskir at byrja við, og tað gav úrslit beinanvegin. Bara fýra minuttir inn í seinna hálvleik javnaði heimaliðið. Rógvi Róin fangaði bóltin uttalaga í brotsteiginum, og hann sendi innfyri eftir jørð, har Ragnar Poulsen stóð púra leysur og bara skuldi seta fótin á. Fleiri mál komu ikki í dystinum, men bæði liðini høvdu tó málmøguleikar, sum væl kundu givið mál. Tað eydnaðist ikki, og tí fingu liðini eitt stig í part, og tað var kanska rættvíst samanumtikið. Eftir góðu byrjanina við einum sigri á Sumba á úti- vølli, megnaði B36 ikki at fylgja hesum sigrinum upp. Havnarmenn skulu næsta vikuskifti til Tvøroyrar. TB hevur enn ongan dyst vunn- ið, so teir vera uppsettir at vinna tann dystin. KÍ hevur higartil spælt tveir javnleikir, so teir hava enn ein sigur til góðar í ár. Næstu ferð verður tað ímóti GÍ á heimavølli. GÍ hevur enn einki stig, so tað skuldi verið lag á manni at fáa fyrsta stigið til høldar. B36 – KÍ 1-1 (0-1) 0-1: Leon Bjartalíð 1-1: Ragnar Poulsen B36 – KÍ 1-1 (0-1): Liðini býttu stigini Tað endaði við javnleiki, tá teir næstbestu hjá B36 og KÍ hittust í Gundadali leygardagin Mynd: Álvur Haraldsen – Í gjáramorgunin fóru 20 næmingar undir eina nýggja útbúgving í Føroyum. SKÚLASKAPUR Áki Bertholdsen Í gjár byrjaði skúlagongdin í nýggja almanna og heilsu- skúlanum í Suðuroynni. Sostatt er enn eitt kapitt- ul lagt afturat føroysku skúlasøguni, tí hetta er fyrstu ferð, at tað ber til at taka almanna- og heilsu- útbúgvingar í Føroyum. Fyrstu næmingarnir, sum eru tiknir inn á skúlan, er ein flokkur av heima-hjálp- arum, sum skulu hava út- búgving sum almanna- og heilsuhjálparar. Hetta eru konur, ið hava verið heima- hjálpir í minst trý ár hesi seinastu fimm árini og sum hava arbeitt minst 24 tímar um vikuna. Næmingarnir eru úr øll- um landinum. Hvat heima- røktini viðvíkur, eru Føroy- ar býttar sundur í øki og tað eru tey ymsu økini sjálvi, sum hava sent heimahjálp- irnar á skúlabonk. Men av tí, at tær hava so drúgvar royndir sum heimahjálpir, varir útbúgv- ingin hjá teimum bara 26 vikur, men tær eru í starvs- venjing í gott helvtini av tíðini. Lagaliga byrjan Fyrsta skúladagin í gjár fingu næmingarnir eina lagaliga byrjan. Byrjað varð klokkan 9 í gjára- morgunin, tá ið borrðreitt var við morgunmati á skúl- anum lagið varð gott og tey trivu eisini í onkran sang. Men longu áðrenn døg- verða var tað álvari, tí tá byrjaði undirvísingin. Av álvara byrjaði skúlagongd- in kortini ikki, fyrrenn nú í morgun. – Hetta síðsta hálva árið hava vit arbeitt hart fyri at fáa alt at rigga, segði skúla- leiðarin, Susanne Høeg Olesen, tá ið hon beyð næmingunum vælkomnum í skúla í gjáramorgunin. Hon segði, at tá ið tey løgdu útbúgvingina til rætt- is, høvdu tey tikið útgangs- støði í eini skipan, tey kendu og laga hana til før- oysk viðurskifti, tí her eru umstøðurnar á mangan hátt øðrvísi enn tær eru í øðrum londum. – Men nú skal tað standa sína roynd. Vit eru til reiðar og við uppsmoygdum erm- um røkka vit eisini á mál, segði hon. Hon vónaði, at útbúgv- ingin fer at menna næming- arnar fakliga og persónliga. Og hóast 26 vikur kunnu tykjast longi, væntaði hon, at tá ið tey stóðu við prógv- inum í hondinum, fóru tey at halda, at tað var alt ov stutt, tí tey ætlaðu eisini at tíðin á skúlanum, skuldi knýta vinabond og felags- skap ímillum næmingarnar. Og stuttligt skuldi tað eisini vera. Ongin trupulleiki Tá ið skúlin varð settur á stovn, var tað stóra kjak- evnið, at hann lá ov illa fyri á Tvøroyri. Men tað halda næming- arnir ikki. Teir, vit tosaðu við í gjáramorgunin hildu ikki, at tað var nakar tvør- leiki at fara til Suðuroyar at ganga í skúla. Tvørurímóti var tað onkur ið sá hetta sum eina kærkomna og spennandi broyting í ger- andisdegnum, tí hetta var nakað nýtt og tað kundi eis- ini vera mennandi. Tey tóku tí ímóti hesum tilboðnum við opnum sinni. Í øllum førum er tað lætt- ari at fáa innivist í Suðuroy, enn tað er í Havnini og hjá tí eina næminginum, ið hevur eitt lítið barn við, er tað heldur ongin trupulleiki at fáa tað ansað um dagin. Tað var bara ein sum helt, at hjá teimum, sum komu úr Klaksvík, var tað eitt sindur tvørligt at sleppa heim um vikuskiftini..... Seinni í ár byrjar so tann longra útbúgvingin fyri tey, sum ongar royndir hava á økinum. Teirra útbúgvin byrjar 3. september og tá sleppa 24 næmingar í skúla. Fyrstu næmingarnir byrjaðir Hetta eru teir fyrstu næmingarnir á nýggja almanna- og heilsuskúlanum í Suðuroynni. Standandi frá vinstru eru tær Susanne Høeg Olesen, skúlaleiðari av Tvøroyri, Erna Hovgaard, Judith Árnastein, Aleth Blåsvær og Tonnny Jacobsen, allar úr Havn, Eydna Johansen úr Sandavági, Gurli Høgnisen úr Vestmanna, Anna Helena Múller úr Kvívík, Johanna Fløtt av Eiði, Hildigarð Djurhuus úr Fuglafirði, Sonja Hammer úr Syðrugøtu og Vigdis Nolsøe, lærari, úr Porkeri. Húkandi frá vinstru eru tær Sigrun H. Magnussen úr Runavík, Helena Berthelsen av Strondum, Selma Gullaksen úr Klaksvík, Judith Poulsen úr Klaksvík, Kertin Jacobsen úr Klaksvík, Jørghild Eið úr Vági, Sólrun Lisberg úr Sumba, Hildigarð Jacobsen av Tvøroyri, Súsanna Malena Nolsøe úr Dali og Arndis Nicolajsen úr Skopun – Hetta er eitt nýtt og spennandi tíðarskeið í tykkara lívi, sum nú er byrjað, segði Susanne Høeg Olesen, skúlaleiðari, tá ið hon beyð fyrstu næmingum á almanna ðg heilsuskúlanum vælkomnum Teir fyrstu næmingarnir á nýggja almanna- og heilsuskúlanum í Suðuroy, fingu eina lagaliga byrjan. Skúlagongdini byrjaði í gjáramorgunin kl. 9, men fyrst á skránni varð morgunmatur og sangur. Fremst á myndini eru tær Sonja Hammer úr Syðrugøtu, Judith Poulsen úr Klaksvík, Sólrun Lisberg úr Sumba og Gurli Høgnisen úr Vestmanna