mikudagur 5. desember 2007síða 41

Nr. 236 - 5. desember 2007 41 Starv sum tingskrivari/ skrivstovufólk í Løgtinginum Eitt starv sum tingskrivari/skrivstovufólk í Løgtingi­ num er leyst at søkja, til setan pr. 1. februar 2007. Uppgávurnar eru í høvuðsheitum hesar: At røkja starvið sum tingskrivari, annað vanligt skriv­ stovuarbeiðið og ávísar serligar uppgávur. Tingskrivarastarvið verður dagliga røkt av trimum tingskrivarum, við einum fjórða tingskrivara sum av­ loysara. Høvuðsábyrgdin av tingskrivarauppgávunum er býtt millum 1. og 2. tingskrivaran, men við tíðini og neyðugu royndunum skal høvuðsábyrgdin fyri ávísum uppgávum eisini leggjast á triðja tingskrivaran. Tingskrivarastarvið fevnir í høvuðsheitinum um at manna skrivarapallin í tingsalinum og diskin í komu­ høllini, at skriva gerðabók og skrá fyri tingfundir og annars at tryggja, at allar telduskipanir í tinginum virka sum tær skulu, og at neyðugu skrásetingarnar verða gjørdar. Av vanligum skrivstovuuppgávum skal tann, sum settur verður, hava ábyrgdina av, telefonavgreiðslu, móttøku, posti, nevndarinnkallingum og nevndar­ skjølum, ferðum, umframt annað vanligt skrivstovu­ arbeiði. Harumframt skal viðkomandi virka sum avloysari í sambandi við ávísar uppgávur. Neyðugt er tó, at allar skrivstovuuppgávur so vítt gjørligt kunnu røkjast av øllum, tá ið á stendur. Eisini kunnu broytingar í starvinum koma fyri. Av serligum uppgávum, hava vitjanir í tinginum stóran týdning. Hendan uppgávan verður eisini røkt av øðrum starvsfólki. Uppgávan fevnir um at taka ímóti fólki, ið biðja um at sleppa at síggja og fáa frágreiðing um tingið og tingarbeiðið. Løgtingið: Upplýsing um Løgtingið og løgtingsarbeiðið er at finna á heimasíðu okkara www.logting.fo. Førleikakrøv: Tann, ið settur verður, skal helst hava skrivstovu­ útbúgving ella samsvarandi útbúgving ella royndir á økinum. Ein treyt fyri at verða settur er, at viðkomandi er kønur í føroyskum, hevur royndir at arbeiða við teldu og hevur áhuga í politiskum arbeiði. Umsøkjarar, sum hava kunnleika til onnur mál, serliga enskt, hava fyrimun. Tað er eisini av týdningi, at tann, sum settur verður, hevur lætt við at samskifta og er opin, m.a. í sambandi við uppgávuna at taka sær av vitjanum. Setanartreytir: Starvið verður lønt eftir sáttmálanum millum Fíggjar­ málráðið og Starvsmannafelagið. Tað er ein treyt, at tann, ið settur verður, kann átaka sær at arbeiða út á kvøldið, tá tingfundir eru, og tá tað annars er neyðugt. Umsókn: Umsóknir saman við prógvum og møguligum ummælum skulu vera Løgtinginum, Tinghúsvegur 1­ 3, Boks 208, 110 Tórshavn, í hendi í seinasta lagi 17. desember 2007, kl. 16. Nærri upplýsingar um starvið fáast við at venda sær til Kristinu Samuelsen, starvsfólkaleiðara, á tel. 36 39 13 ella kristinas@logting.fo. Løgtingið lýsingar