fríggjadagur 7. desember 2007síða 11

11 tíðindi Nr. 238 - 7. desember 2007 Heimið hjá Lis Helgu­ dóttur verður um vikuskiftið karmur um framsýning við sniðgivnum klædnapløggum, lekrum lutum úr leiri og løttum málningum eftir fimm skapandi havnardamum Framsýning Rigmor Dam rigmor@sosialurin.fo Mynd: Jens Kristian Vang Lis Helgadóttur og maðurin Lars hava brúkt næstan alla frítíðina seinastu árini til at seta húsini í Niels Finsens gøtu 40 í stand. Nú tey eru komin undir land við øllum umvælingunum, gongur eis­ ini ein annar gamal dreymur hjá Lis út. Nevniliga at leggja lunnar undir eitt ný­­ skapandi konsept í føroysk­ um høpi, sum fevnir um eitt skapandi umhvørvi fyri kreativar sálir at virka og sý­na fram í. Fyrsta úrslitið av hesum dreymi kunnu vit uppliva um vikuskiftið, tá Lis skipar fyri einari hugna­ ligari jólasøluframsý­ning við klædnasniðgeving, sáp­ um, keramikki og málninga­ list. Umframt Lis, sum snið­ gevir og bindur troyggjur, fara fý­ra áðrar havnardamur at sý­na fram tað, sum tær hava latið úr hondum sein­ astu mánaðirnar. Tær eru Barabara í Gongini og Elin Lindenskov við sniðgivnum klæðum, Hildur Hermansen við vælumtóktu leirlutunum og Durita Dam við máln­ ingum. – Hetta er ein gamal dreymur, sum nú gongur út, sigur Lis, sum umframt tær tríggjar hæddirnar í ný­um­ vælda húsinum, eisini ætlar at innrætta 70 fermetra stóra síðubygningin út móti Havnar á, sum rennur beint undir húsinum. Hetta er bygningurin, sum Volvo helt til í, og sum hevur stað­ ið tómur í nøkur ár nú. – Tá eg og Lars keyptu hesi húsini var tað ongantíð ætlanin, at tey bara skuldu vera til okkum at búgva í. Vit ynsktu, at tey skulu rúma skapandi virksemi og vera karmur um handar­ beiði, list og framsý­ningar, sigur Lis Helgadóttir, sum vanliga undirvísir á frisør­ linjuni í Tekniska skúla í Havn. Eisini undirvísir hon á ný­stovnaðu klædnalinjuni, sum varð sett á stovn í summar. Útbúgvin bindi­ designari Hetta leiðir okkum beint víðari til aðrar førleikar hennara, nevniliga binding­ in, sum er stóri áhugi henn­ ara eisini. Lis er útbúgvin bindidesignari, sum hon sjálv sigur, og hevur bundið nakrar sera lekkrar troyggj­ ur, sum eisini verða partur av framsý­ningini um viku­ skiftið. – Eg fái íblástur úr altjóða mótaheiminum og leggi meg eftir at binda mjúkar, vælsitandi og klassiskar troyggjur úr mjúkari merino­ull, sum eg síðani tøvi. Eg eri ikki til føroysk bindimynstur og tógv sum prikar, tí eg haldi at klæði skulu vera lekkur at vera í. Troyggjurnar eru ikki heilt lidnar, tá eigarin fær tær, tí tær skulu forma seg til kroppin hjá viðkomandi, sigur Lis. Nógvar av troyggj­ unum eru slá­om, sum verða festar við einari nál. Nýggjur skapandi depil Nú framsý­ningin hjá teim­ um fimm er sett upp, og dyrnar lata upp seinnapartin fríggjadagin klokkan 16, sigur Lis, at tað er sum ein sonn forloysing at síggja allir lutirnir, klæðini og málningarnir í síni heild. – Vit fý­ra eru ikki pro­ fessionellar, men hava allar arbeiði við síðurnar av. Bar­ bara í Gongini roynir har­ afturímóti at gera seg gald­ andi á altjóða marknaðinum, og eg haldi veruliga, at hon hevur uppiborið at fáa størri viðurkenning her á landi, tí hon ger nøkur fantastiska lekkur klæði, sigur Lis, sum vónar at kunna bjóða fólki inn í ný­ggja bygningin um eitt ár ella so. – Tey etableraðu hava síni arbeiðs­ og framsý­ningar­ høli. Og í mun til siðbundið heimavirki, so hava tey eis­ ini síni støð at arbeiða og sý­na fram í. Tað, sum eg mangan havi saknað, er eitt stað til feminint listahand­ verk og list, til okkum, sum fáast við alt møguligt, men sum ítriv. Eitt stað, har tú kanst koma inn í eitt tíðar­ skeið og arbeiða. Ella at skipa fyri skeiðum fyri allar hesar kreativu kvinnurnar, sum duga so nógv, sigur Lis, sum eisini ætlar at hava framsý­ningar og at bjóða fólki inn at síggja. Privat initiativ Og hon er væl greið um, at tað ber ikki til at liva av slík­ um í Føroyum, og at hon tí má hava tað afturat vanliga arbeiðinum. – Í londunum uttan um okkum er tað inn at bjóða fólki inn á gátt, ikki bara at eta og drekka, men eisini til eina uppliving. Hetta haldi eg vera sera inspirerandi. Og tað eri eg, sum geri av, hvør sleppur framat, tí hetta er eitt útilokandi privat initiativ, sigur Lis flennandi. Hon hevur ikki lý­st við framsý­ningini á vanligan hátt, men kunnað um hana via teldupost og munn til munn metoduna. Jólasøluframsý­ningin heima hjá Lis verður um vikuskiftið í Niels Finnsens­ gøtu 40, beint omanfyri Skræddaran og Cosmeto. Framsý­ningin er opin soleiðis: fríggjadagin 16 – 20, leygardagin 12 – 18 og sunnudagin 14 – 18. Listaheimið hjá Lis Søluframsýningin verður á river-side Havnar á, omanfyri Skræddaran og Cosmeto. Skapandi damurnar á myndini: Fremst og aftureftir í sofuni Lis Helgadóttir, sniðbundnar troyggjur, Elin Lindenskov, endursniðgivin klæði og sápur, Durita Dam, málningar og Hildur Hermannsen, lutir úr leiri. Barbara í Gongini vantar á myndini, men sýnir fram Avant-garde klæði