týsdagur 11. desember 2007síða 30

30 Nr. 240 - 11. desember 2007 tíðindi Stutt Sagt Kosova til ST Serbiska stjórnin sýtir framvegis fyri at góðtaka, at Kosova fær sjálvstýri, soleiðis sum tann albanski meirilutin í landslutinum ætlar. ES kunngjørdi í gjár, at øll limalondini uttan Kýpros taka undir við, at Kosova verður sjálvstøðugt ríki, og tað fekk alt fyri eitt serbisku stjórnina at leggja málið fyri ST. Serbiski for­ setin, Boris Tadic, segði í gjár, at málið verður lagt fyri trygdarráðið hjá ST við áheitan um at lata altjóða dómstólin í Haag gera úrskurð um, hvørt Kos­ ova hevur lógarheimild til at taka sjálvstýri ella ikki. Albanski meirilutin í Kosova sigur, at Kosova verður lýst sjálvstøðugt tíð­ liga næsta ár. Oyggj sum tulipan Í Niðurlondum hevur tjóð­ artingið sett eina nevnd at kanna møguleikarnar fyri at gera eina oyggj úti fyri norðsjóvarstrondini. Ætlan­ in er, at oyggin skal líkjast einari ovurstórari tulipan, og endamálið við oynni er at verja verandi strond og at útvega byggilendi. Niður­ lendingar eru serfrøðingar innan strandarverju, og tað er eisini neyðugt í einum landi, har lendið er so lágt. Herfyri vísti ein meininga­ kanning, at fólk í Niður­ londum stúra meiri fyri ein­ ari flóðaldu uttan úr Norð­ sjónum enn yvirgangi. Hin­ vegin er eingin ivi um, at áhugin at búseta seg á oynni verður stórur, og politikararnir vænta at fáa einar 75 mia. krónur fyri byggilendið á oynni. Viagra drepur Higartil í ár eru 47 norskir ferðamenn deyðir, meðan teir hava hildið frí í Tei­ landi. Norska sendistovan sigur, at í flestu førum er taln um menn í fimmtiárun­ um, sum eru deyðir eftir at hava tikið Viagra­tablettir. Í Teilandi kann ein keypa Viagra­tablettir í hond­ keypi uttan at tosa við lækna fyrst. Sendistovan vísir á, at nógvur hiti, rús­ drekka og Viagra­tablettir er ein vandamikil blanding, ið kann fáa álvarssamar avleiðingar. SAMBAND árNi joeNSeN fArtekSt@MAil.Dk - Eg sá bilføraran hjá Dianu og Dodi drekka, men tað var bara stjórin, sum kundi siga nakað við hann (barrvørður í París) útlond Høvuðsákærin við krígsbrotsmanna­ dómstólin fyri gamla Jugoslavia hevur lagt frá sær Í gjár helt Carla del Ponte fráfaringarrøðu í ST, og tað hoyrdist á orðalagnum og á røddini, at hon er alt annað enn nøgd við umstøðurnar hjá dómstólinum, sum bleiv settur til at viðgera málini ímóti teimum, sum eru ákærdir fyri krígsbrotsverk í gamla Jugoslavia. Hon duldi ikki fyri, at hon er bæði hørm og ill um, at myndugleikarnir í Serbia ikki hava útflýggjað teir báðar høvuðsmenninar aft­ an fyri fólkamorðið ímóti muslimunum í Bonsia, polit­ iska leiðaran Radovan Kara­ dzic og generalin Ratko Mladic. Carla del Ponte er ikki í iva um, at serbisku myndug­ leikarnir hava í fleiri førum verið vitandi um, hvar teir báðir hava fjalt seg, men at myndugleikarnir hava ikki lagt í at taka teir, hóast bæði dómstólurin, ES og USA hava kravt tað. Vanliga verður tað, sum Vladimir Putin sigur, og tí er lítið at ivast í, at næsti russiski forsetin fer at eita Dmitrij Medvedev ­ Eg havi havt nógv og gott samband við hann í meiri enn 17 ár, og eg havi av full­ um huga undir við honum sum valevni til forsetavalið 2. mars. ­ So greiður var Vladimir Putin, forseti, tá hann í gjár bleiv spurdur, hvat hann helt um, at Dmitrij Medvedev stillar upp til forsetavalið. Medvedev er valevni hjá flokkinum Sameint Russland og trimum øðrum flokkum, og við so stórum stuðuli og stuðuli frá forsetanum er lítil ivi um valúrslitið. Dmitrij Medvedev, sum er 42 ára gamal, er útbúgvin løgfrøðingur, og hann verð­ ur mettur sum ein hóvligur politikari við góðum sam­ bandi við russiska vinnu­ lívið. Hann hevur starvast í umsitingini hjá Putin síðani fyrst í nítiárunum, og í 2000 stóð hann á odda fyri val­ stríðnum hjá forsetanum. Hann hevur eisini verið starvsfólkaleiðari í Kreml og nevndarformaður í tí risastóra gassfelagnum Gaz­ prom. Roknað verður við, at alment verður Dmitrij Med­ vedev uppstillaður tann 17. desember. Undir Kalda krígnum hevði Danmark sjey radarar fram við strondini. Í næstum verður talið 29 Tað er ikki óttin fyri einum nýggjum køldum kríggi, sum hevur fingið myndug­ leikarnar at útbyggja radar­ kervið, men heldur ein roynd at forða skipum, sum hava óreglulig ørindi, at fjala seg nærhendis donsku strondini. Tí hava myndugleikarnir gjørt av at seta eina røð av nýggjum radarum upp ymsastaðni kring landið. Millum annað fáa havnar­ býir sum Hanstholm, Hirts­ hals og Skagen nýggjar radarar. ­ Undir Kalda krígnum skuldu vit halda eyga við skipum hjá londum í Warszawa­samgonguni, sum sigldu í donskum sjógvi. Í dag er støðan ein onnur, so nú eru tað yvirgangur og vandin fyri dálking, sum vit skulu halda eyga við, sigur Per Høj­ gaard­Jensen hjá Søværnets Operative Kommando við Jyllands­Postin. Teir nýggju radararnir hava tilknýti til aðrar ávar­ ingarskipanir so sum AIS­ skipanina, sum øll skip, ið eru størri enn 300 brutto­ tons, skulu hava. Tað ger, at radarkervið kann fylgja skipum, sum koma í dansk­ an sjógv. Danmark fær fleiri radarar Carla del Ponte givin Carla del Ponte er í øðini inn á serbisku myndugleikarnar Mynd: Polfoto Hann skal loysa Putin av Tann 42 ára gamli løgfrøðingurin Dmitrij Medvedev verður ivaleyst næsti forsetin í Russlandi