mánadagur 17. desember 2007síða 35

35 [ Nr. 244 - 17. desember 2007 ] Taptu hóast hattrick Upp á bara 16 minuttir skeyt Roque Santa Cruz hattrick, tá hann og Blackburn leygardagin spældu á útivølli móti Wigan. Vertirnir vóru á odda 3-0 eftir bert 37 minuttum, men tá 16 minuttir vóru spældir av seinna hálvleiki, hevði Santa Cruz mest sum einsamallur fingið javnvág í. Tað hjálpti tó lítið hjá Blackburn. Stutt fyri útjavnandi málið, varð Bret Emerton rikin av vølli. Og við tveimum málum seinasta partin av dystinum kundi Marcus Bent tryggja heimaliðnum sigurin. Bent hevði eisini skorað fyrr í dyst- inum, og tí gjørdist talan um tvey hattrick í sama dysti. Russland er heimsmeistari Tað eydnaðist ikki norsku hondbóltskvinnunum at koppa sterku russisku kvinnunum í HM-finaluni, sum varð spæld í Fraklandi sunnudagin. Norsku hondbóldskvinnurnar hava annars leikt eitt frálíkt HM, men uppgávan gjørdist ov stór, tá ið Russland í dag bíðaði teimum í finaluni. Russland vann dystin 29-24 frammanfyri 14.000 áskoðarum í París. Brekkan gjørdist serliga brøtt hjá Noregi, tá ið spælstýrari Gro Hamm- erseng stutt inn í seinna hálvleik mátti fara av vøllinum við skaða. Tað var eisini júst um hetta mundið, at Russland streyk frá norsku kvinn- unum. Serliga takkað Ljudmila Postnova, sum fekk nógv mál frá strik- uni. Hetta er triðja ferðin, at russiska hondbóltslandsliðið hjá kvinnum vinnur heimsmeistaraheitið. Fyrstu ferð var so seint sum í 2001. Heldur ikki sjeyndu ferðina var eydnan við Rafael Benitez. Í sjey royndum hava hann og Liverpool bert fingið eitt stig móti Manchester United Fótbóltur Jákup Mørk jakup@sosialurin.fo Arvafíggindarnir og tey bæði mest vinnandi liðini í enskum fótbólti, Liverpool og Manchester United, hittust á Anfield Road í Liverpool sunnudagin. Saman við hinum stór- dystinum sunnudagin – tann millum Arsenal og Chelsea – varð dysturin á Anfield róptur at vera ein av teimum, sum skuldi av- gera meistaraheitið. Og heldur hendan útsøgnin, so verður tað ikki í juni kom- andi ár, at Liverpool skal enda 18 ára longu bíðitíð sína. Tí hóast greiða leikliga yvirvág, so megnaði Liver- pool ikki at toga stigini til høldar sunnudagin. Stutt undan steðginum stóð lítli Carlos Tevez á júst rætta staðnum, og so kundi hann snara bóltinum í kassan eftir hornaspark. Liverpool hevði annars nakrar góðar møguleikar, men eydnan var ikki við teimum reyðu, og ístaðin átti Rooney at punktera dystin, tá hann móti dyst- arenda gjørdist púra leysur. Arsenal helt tørn Á Emirates Stadion í London var somuleiðis stórdystur, tá Arsenal tók ímóti grannunum úr Chelsea. Her fekk Chelsea ein dyggan smeit, tá teir eftir góðum hálvum tíma mistu John Terry, eftir at hesin hevði fingið eina harða stempling. Og tað skuldi gerast verri beint undan steðginum, tá Petr Cech avgjørt ikki líktist heimsins besta málverja. Hann fór flákrandi út eftir einum hornasparki, sum hann fór púrasta skeivur av, og so kundi fyrrverandi Chelsea-spælarin William Gallas stúta einsamalla málið í meskarnar. Sum 2. hálvleikur leið, spenti Chelsea álopsbogan alt meiri. Tað bar spentar støður í báðum endum við sær, men einki mál spurdist burturúr. Hjá Chelsea vóru tað Andrej Shevchenko og Shaun Wright Phillips, sum misnýttu stórar møguleikar. Arsenal misnýtti størstu møguleikarnar. Tvær ferðir vórðu mál kolldømd fyri rangstøðu, og innskifti Robie van Persie misnýtti størsta møguleikan av øllum. Tvey hattrick Hóast hesir báðir dystirnir vóru teir, sum tóku stóru yvirskriftirnar, so var eisini full ferð á í øðrum upp- gerðum. Ikki færri enn tvey hattrick vórðu skotin á JJB Stadium, har Blackburn vitjaði Wigan. Roque Santa Cruz megnaði nærum einsamallur at toga Black- burn aftur í dystin, tá hann skeyt hattrick, men við teimum báðum seinastu málunum fekk Marcus Bent eisini sítt hattrick og vissaði Wigan stigini. Og á Fratton Park hjálptu hagtølini lítið hjá Port- smouth í dystinum móti Tottenham. Portsmouth hevði annars ikki tapt í ellivu dystum, og Tottenham hevði ikki vunnið á útivølli hetta kappingarárið. Men við einsamalla málinum frá Berbatov kundu gestirnir kortini fara avstað við øllum. Og við einum 4-2 sigri á Bolton sníkti Manchester City seg eisini inn í topp fýra. Bolton legði seg annars á odda, men Manchester vísti enn einaferð, hví teir hava eina úrtøku upp á 100% á heimavølli í ár. Steven Gerrard heldur sær um høvdið. Heldur ikki hesa ferð eydnaðist Liverpool at vinna móti arvafíggindunum úr Manchester United Mynd: Polfoto/AP Devlarnir trívast á Anfield Úrslitini um vikuskiftið Birmingham-Reading 1-1 Derby-Middlesbrough 0-1 Man. City-Bolton 4-2 Portsmouth-Tottenham 0-1 Sunderland-Aston Villa 1-1 West Ham-Everton 0-2 Wigan-Blackburn 5-3 Fulham-Newcastle 0-1 Liverpool-Man. Utd. 0-1 Arsenal-Chelsea 1-0