týsdagur 8. januar 2008síða 10

10 tíðindi Nr. 5 - 8. januar 2008 Allir flokkar uttan Javnaðarflokkurin vilja byggja nýggjan studentaskúla í einum skúladepli í Marknagili. – Uppskotið er eitt stórt »fuppnummar«, og Mentamálaráðið hevur eina dulda dagsskrá, sigur Kristian Magnussen úr Javnaðarflokkinum ÚtbÚgving Heini í Skorini heini@sosialurin.fo Javnaðarflokkurin liggur í buktini og forðar fyri einum nýggjum studentaskúla í Marknagili. Tað er greiða niðurstøðan, eftir at Sosial­ urin hevur spurt allar flokk­ ar á tingi um teirra støðu til framtíðar lagnuna hjá nógv umstrídda studentaskúlan­ um í Hoydølum. Sambært metingum av skúlanum hjá m.a. Arbeiðs­ eftirlitinum, Deildini fyri almanna­ og arbeiðsheilsu, Brunaumsjón Landsins og Teknologisk Institut í Dan­ mark er skúlin so niður­ slitin, at hann verður skírdur at vera óegnaður og bein­ leiðis hættisligur at hýsa eini 600 fólkum. Næsti fundurin um akuttu støðuna í Hoydølum verður tann 14. januar, tá Mentamálaráðið og Landsverk skulu finna fram til, hvat skal gerast. Við øðrum orðum skortar ikki við dómadagsprædik­ um um umstøðurnar í Dalin­ um Fagra. Stóri spurningur­ in er, hvat politiska skipan­ in fer at gera við studenta­ skúlan eftir valið. Javnaðarflokkurin er syndabukkur Í 2003 gjørdi táverandi sam­ gonga uppskot um ein skúla­ depil í Marknagili, sum eisini umfataði studenta­ skúlan í Hoydølum. Men síðani ABC­samgongan tók við, hevur mentamálaráð­ harrin ikki megnað at fáa semju í lag um nógv umstrídda studentaskúlan. ­ Síðani eg tók við sum mentamálaráðharri, hava eg og Fólkaflokkurin havt ynski um at byggja nýggjan studentaskúla í Marknagili, men eg havi ikki fingið fulla undirtøku frá sam­ gonguni, og tí er uppskotið fyribils strandað, sigur Jógvan á Lakjuni. Men hvør í samgonguni forðar fyri eini semju? ­ Tað vita øll, sum hava innlit í málið. John Johanne­ sen og Kristian Magnussen hava verið umboð Javnaðar­ floksins í fylgibólkinum, sum hevur viðgjørt spurn­ ingin, og teir hava ikki tikið undir við at flyta studenta­ skúlan í Hoydølum út í Marknagil. Tí havi eg ikki fingið grønt ljós frá sam­ gonguni, sigur mentamála­ ráðharrin. Kaj Leo Johannesen, for­ maður Sambandsfloksins, peikar eisini á lista C. ­ Tað er Javnaðarflokkur­ in, sum síðani 2004 hevur ligið í buktini, hóast stórur meiriluti í tinginum ynskir at byggja nýggjan studenta­ skúla í Marknagili, sigur Kaj Leo Johannesen. Høgni Hoydal, formaður í Tjóðveldi, harmast somu­ leiðis, at tað ikki skal bera til at fáa eitt mál ígjøgnum, sum út ímóti 30 tinglimum eru samdir um. ­ Vit gjørdu uppskot um nýggjan studentaskúla í Marknagili afturi í 2003, men so varð val útskrivað, og síðani er einki hent, hóast vit valla fáa ein breið­ ari meiriluta, sigur Høgni Hoydal. Og til seinast vátta bæði Miðflokkurin og Sjálvstýr­ isflokkurin, at teir eisini ynskja studentaskúlan at gerast part av deplinum í Marknagili, sum í dag umfatar Tekniska Skúla og Handilsskúlan. Flokkarnir meta, at hóast skúlarnir skulu varðveitast sum sjálvstøðugar eindir, gevur ein depil møguleikar fyri tvørfakligum samstarvi og harvið størri útboði og tænastum til næmingarnir. Við øðrum orðum eru allir flokkar – uttan Javn­ aðarflokkurin – samdir um, at skúladepilin í Marknagili eisini skal umfata studenta­ skúlan, sum í dag liggur í Hoydølum. Marknagil er eitt »fuppnummar« Men ein maður er ímóti. Og hann eitur Kristian Magnussen, formaður í ting­ bólki Javnaðarfloksins og limur í løgtingsins mentan­ arnevnd, sum eisini hevur sitið í fylgibólkinum, sum hevur viðgjørt málið um studentaskúlan. Og fram um aðrar tinglimir í Javnaðarflokkinum er tað Kristian Magnussen, sum av hinum flokkunum ítøki­ liga verður nevndur sum tann, sum hevur ligið í bukt­ ini í ABC­samgonguni. ­ Marknagilsverkætlanin er eitt »fuppnummar«. Fyri tað fyrsta hevði uppskotið hjá undanfarnu samgongu als ikki sett nóg mikið av peningi av, og fyri tað næsta hevur Mentamálaráðið eina dulda dagsskrá, sum fer at oyðileggja studentsútbúgv­ ingina. Øll eru vit samd um, at vit skulu hava ein nýggjan studentaskúla, men eg beri ótta fyri, at students­ útbúgvingin, sum í dag riggar sera væl, missir sín »unika« karakter, um hon gerst partur av einum skúladepli, sigur Kristian Magnussen. Men hvør er so »dulda dagsskráin í Mentamála­ ráðnum«, tá bæði mið­ námsálitið, sum varð lagt fram í heyst, og uppskotið frá 2003 leggja upp til, at talan framvegis skal vera um tríggjar sjálvstøðugar skúlar, hóast teir liggja á sama staði? ­ Nei nei, sanna dags­ skráin er at kollvelta núverandi skipan. Handils­ skúlin og Tekniski Skúlin eru orienteraðir móti vinn­ uni, og tað er studentaskúlin ikki. Lærarar í Hoydølum bera ótta fyri, at fakliga støðið lækkar, og at »unika« umhvørvið í Hoydølum fer fyri skeytið. Eg havi fram­ vegis ikki hoyrt nakra skila­ góða pedagogiska grund­ geving fyri at flyta studentaskúlan úr Hoydøl­ um, sigur Kristian Magnuss­ en at enda. Javnaðarflokkurin forðar studentaskúla í Marknagili 11 Studentaskúlanæmingar í Hoydølum frammanfyri skúlabygninginum, sum sambært professionellum metingum er beinleiðis hættisligur at hýsa umleið 600 fólkum. Allir flokkar á tingi uttan Javnaðarflokkurin eru samdir um at byggja nýggjan studentaskúla sum part av skúladeplinum í Marknagili, meðan Javnaðarflokkurin metir, at loysnin liggur í Hoydølum. - Uppskotið um marknagilsdepilin er eitt stórt »fuppnummar«, sigur Kristian Magnussen úr Javnaðarflokkinum Mynd: Jens Kristian Vang Lítið til íløgur í Vági Raksturin fer við nógv tí størsta partinum av útreiðslunum hjá Vágs kommunu í ár. Sambært fíggjarætlanini fer tað at kosta knappar 33 mió. krónur at reka kommununa í ár, og tað er næstan øll skattainntøkan, sum er mett til 36 mió. krónur. Fíggjarætlanin javnvigar við góðum 43 mió. krónum, og til íløgur hevur býráðið játtað knappar tríggjar mió. krónur. Skattaprosentið í Vági er 23,25 og barnafrádrátturin 4.000 krónur eins og í fjør. Ger íløgur í Danmark Herfyri boðaði grønlendska Royal Greenland frá, at fyritøkan hevði gjørt av at flyta sína flakaframleiðslu úr Glyngøre í Danmark til eitt nýtt virki, sum felagið hevur bygt í Póllandi, tí tað lønar seg betur fíggjarliga. Nú sigur felagið, at tað samstundis fer at gera stórar íløgur í virksemið, sum framvegis er í Glyngøre. Kortini væntar Royal Greenland, at umleið 100 fólk, sum nú arbeiða hjá felagnum í Glyngøre, fara at missa arbeiðið.