mikudagur 9. januar 2008síða 13

Nr. 6 - 9. januar 2008 13 Fyri at eingin misskiljing skal vera, so lat meg sláa rimmarfast, at hóast fleiri av okkara politisku mót­ støðuflokkum leggja okkum og serliga meg persónliga undir at forða einum nýggjum studenta­ skúla í Havn, so er støðan beint tann mótsatta. Eg eri púra samdur við rektaranum í Hoydølum í hansara niðurstøðum í blaðnum í gjár. Hetta eru júst sjónarmiðini, sum eg m. a. havi ført fram, so at leggja tað út til, at eg eri ímóti einum nýggjum studentaskúla í Havn, er burturvið. Vit hava í sitandi samgongu bygt skúlar, so tað stendur eftir bæði í Suðuroy, í Klaksvík og nú í Vestmanna. Vit eru samdir um, at byggja nýggja Tekniska og Handilsskúla í Marknagili, meðan eitt nú Tjóðveldi í bestu uppgangs­ tíð nakrantíð, har teir enntá umsótu skúlamál, ongan skúla bygdu. So latið tykkum ikki tøla av hesum. Javnaðar­ flokkurin vil avgjørt taka stig til nýggjan studenta­ skúla í Havn, sjálvt um vit ditta okkum at seta spurn­ ing við, um júst hatta konseptið í Marknagili er tað rætta. Javnaðarflokkurin vil sjálvandi byggja nýggjan studentaskúla løgtingsmaður Kristian Magnussen Tað verður ongin Studentaskúli í Hoydølum í fram­ tíðini – punktum! So harðliga tekur Heðin Mortensen, borgarstjóri í Havn, til orðanna. Tað undrar hann stórliga, at ongin spyr kommu­ nuna, hvar skúlin skal liggja, tí kommunan hevur evsta valdið ÚtbÚgving Rigmor Dam Rigmor@sosialurin.fo Mynd: Jens Kristian Vang ­ Tað er ótrúliga løgið, at fólk bara taka tað fyri givið, at ein komandi studentaskúli kann liggja í Hoydølum, sigur Heðin Mortensen, borgarstjóri í Havn, sum vísir á, at evsti myndugleiki í býnum er kommunan, og at ongin er yvir býar­ planinum hjá kommununi. ­ Stórir partar av Hoyd­ ølum er friðað øki, og byggivirksemi í Hoydølum hevði kravt umfatandi undantøk, bæði í mun til býarplanin og byggisam­ tyktina. Undantøk, sum býráðið undir ongum umstøðum hevði góðkent, sigur borgarstjórin við Sosialin. Óðamannaverk Sambært Heðin Mortensen hevði tað verið óðamanna­ verk, at út­ og umbygt Stu­ dentaskúlan í Hoydølum. ­ Skúlin varð í síni tíð bygdur til einar 200 næmingar. Nú ganga har fleiri enn 600. So har er eitt øgiligt virksemi hvønn ein­ asta yrkadag, sigur Heðin Mortensen. Hann ímyndar sær, at skuldi skúlin hildið fram í Hoydølum, hevði tørvur verið á einari um­ fatandi um­ og útbygging. ­ Og ongin hevur spurt, um tey í heila tikið høvdu fingið loyvi til eina slíka útbygging. Tí tað høvdu tey ikki fingið, sigur Heðin Mortensen. Útbúgvingar í Marknagil Borgarstjórin vísir á, at í býarplaninum fyri Havnina er ásett, at Marknagil er útbúgvingarsentur burturav. ­ Har eru so ótrúliga nógvir fyrimunir við at hava útbúgvingarnar savn­ aðar á einum stað, nevniliga í Marknagili. Har koma næmingar úr øllum landi­ num, sum kunnu brúka Ringvegin á veg í og úr skúla. Hetta er eisini orsø­ kin til, at vit hava latið Fróðskaparsetrinum eitt stórt øki har úti, umframt økið til miðnámsskúlar, sigur Heðin Mortensen. Og hann leggur afturat, at Hoydalar er ein perla í býnum, sum ikki tolir stóra trýstið frá ferðsluni og nógva byggivirksemið, sum um­ og útbyggingar høvdu havt við sær. ­ Tað hevði verið tað reina kaos at bygt uppi í Hoydølum. Og hvar skuldu næmingarnir verið, meðan byggivirksemi fór fram, spyr borgarstjórin. Hann roknar við, at ein nýggjur miðnámsskúladepil kann vera klárur um tvey ár ella so. Og at Studentaskúlin antin kann vera ein intigrer­ aður partur av hinum skúlunum, ella ein stakur grannabygningur. ­ Soleiðis kunnu vit arbeiða við tveimum verk­ ætlanum, sum verða lidnar í senn, sigur hann. Semja í flokkinum Men borgarstjórin er sjálvur umboð fyri Javnaðarflokkin, sum verður lagdur undir at liggja í buktini, so ongin loysn er komin á málinum um framtíðar Studentaskúla. Hví hevur Heðin Mortensen ikki gjørt meira vart við seg undir orðaskiftinum? ­ Eg havi gjørt vart við tað á hvørjum fundi í flokkinum: At tað er upp til kommununa at gera av, hvar ein framtíðar studentaskúli skal liggja, sigur borgar­ stjórin. Hann sigur seg eisini undrast, tá meldað verður út, at tað nú er vorðin ein sannroynd, at tað er Javnaðarflokkurin, sum tvíheldur um, at skúlin skal liggja í Hoydølum. ­ Eg veit onki um, at Javnaðarflokkurin hevur tikið støðu til, at Studenta­ skúlin skal liggja í Hoydølum. Tað eg veit, er semja í flokkinum um, at skúlin skal út í Marknagil. Hví fólk áleggja Kristiani Magnussen slíkt vald, veit eg ikki at siga, sigur hann. Friðarliga perlan Borgarstjórin sigur seg eisini fleiri ferðir hava gjørt var við tað á fundum við myndugleikar, Landsverk og leiðsluna í skúlanum. ­ Men tað er eins og at ongin trýr uppá, at tað er kommunan, sum eigur síðsta orðið í hesum sam­ bandi, tí ongin er yvir býarplaninum, sigur hann og greiðir frá: ­ Millum annað, tá ið Landsverk helt seg kunnu trumla ein veg tvørtur gjøgnum Hoydalar, tí tað almenna eigur tað. Men har søgdu vit stopp. Tí tað var als ikki í trá við býarplanin. So nú skal Landsverk taka alt burtur aftur, og fer tað at kosta skattaborgaranum fleiri milliónir, sigur borgarstjórin. Spurdur, um restin av býráðssamgonguni er samd við honum í, at Studenta­ skúlin skal liggja í Markna­ gili, váttar borgarstjórin, at so er, og at hann kann ikki ímynda sær, at kommunan hevði givið loyvi til eina so stóra verkætlan í Hoydølum. ­ Hoydalar er ein perla, og skal brúkast til okkurt nógv friðarligari virksemi, sum veruliga hóskar til økið, sigur borgarstjórin við Sosialin. - Stórir partar av Hoydølum er friðað øki, og byggivirksemi í Hoydølum hevði kravt umfatandi undantøk, bæði í mun til býarplanin og byggisamtyktina. Undantøk, sum býráðið undir ongum umstøðum hevði góðkent, sigur borgarstjórin við Sosialin 10 Ongin studentaskúli í Hoydølum - punktum!