týsdagur 15. januar 2008síða 25

25 vinnan Nr. 10 - 15. januar 2008 Ein av mest spenn­ andi verkætlanunum, har Føroya Kolvetni luttekur, er William­ boringin. Føroya Kolvetni gjørdist partur av hesi váðafúsu boringini í november 2007 eftir eina umbýting av loyvum við Shell Oljuvinna Hilmar Simonsen hilmar@sosialurin.fo Spurningurin hevur altíð verið, hvussu íðin oljufeløg eru eftir at fremja váðamikl­ ar leitiboringar. Boringar í einum ókendum øki við lítl­ ari jarðfrøðiligari vitan er altíð vágamikil, og hetta er galdandi fyri boringarnar inni á føroyska landgrunn­ inum, har tað í mestan mun er seismikkur, oljufeløgini hava at stuðla seg til. Men vitanin økist so hvørt fleiri brunnar verða boraðir: fyrst Brugdan í 2006, og nú William. Tá oljufeløg fáa leitingarloyvir, er tað van­ ligt at oljumyndugleikarnir krevja, at feløgini binda seg til at bora brunnar. William­boringin, sum BP er fyristøðufelag fyri, er neyvan nakað undantak í so máta. Felagið hevði frá fyrstu loyvisrundu bundið seg til at bora ein brunn aft­ urat tí fyrra, sum varð bor­ aður í landssynningshorni­ num í 2001. Saman við Shell, Anadarko, og nú eis­ ini Føroya Kolvetni og ein­ um suðurkoreanskum olju­ felagi, borar BP William­ brunnin í hesi løtu. Í november 2007 gjørdist Føroya Kolvetni partur av hesi boring, eftir at hava yvirtikið eina ognarlut á 5 prosent frá Shell. ­ Ein av grundunum til at vit eru við í William er ein býtishandil, vit gjørdu við Shell, har vit keyptu okkum inn í loyvir hjá teimum í Noregi og í William, sigur Nils Sørensen, stjóri í Før­ oya Kolvetni. Føroya Kolvetni ynskti at fáa lut í nøkrum minni váða­ fúsum loyvum hjá Shell í norskum øki, men afturfyri keypti Føroya Kolvetni 5 av teimum 20 prosentunum, sum Shell átti í William. William er sum vera man ein boring, har váðin er stórur. Sum at býta glansibíløt Lutirnir sum Føroya Kol­ vetni yvirtók frá Shell vóru 10 prosent í loyvinum Trym, har gass longu er staðfest, og 10 prosent í leit­ ingarloyvinum Granat – bæði í Noregi. Síðani hevur eitt suður­ koreanskt felag, STX Ener­ gy, eisini keypt ein ognarlut frá Shell í William (tvs. farmað in). Fyri stuttum keypti japanska oljufelagið Cieco seg inn í eitt loyvi hjá Føroya Kolvetni og Eni, har farið verður undir at bora Anne Marie brunnin vænt­ andi í 2009. Eitt annað japanskt oljufelag, Ide­ mitsu, liggur eisini framvið at keypa seg inn í føroysk leitiloyvir. Cieco keypti seg inn í Anne Marie prospektið í lutfallinum 2:1, tað merkir, at teir rindaðu 2 krónur fyri hvørja krónu, loyvið hevur kostað Føroya Kolvetni og Eni. Hetta kemst av, at ver­ andi loyvishavarar hava tikið allan váðan á seg higar­ til, samstundis sum teir hava arbeitt við økinum. Nils Sørensen vísir á, at í Noregi verða slíkir býtis­ handlar (farm in/farm out) ofta gjørdir í lutfallinum 3:1. ­ Hetta at selja burtur av sínum, og keypa frá øðrum, er heilt vanligt í oljuvinnuni. Áhugin fyri hesum byggir vanliga á tær strategisku ætlanirnar, sum oljufeløgum hvør í sínum lagi hava, vísir Nils Sørensen á, og leggur afturat: ­ Vit minnast frá skúla­ tíðini, tá genturnar dámdu væl at býta um glansibíløt. Hetta tí at tær sóu okkurt spennandi við glansibíløtu­ num hjá hinum gentunum. Tá oljufeløgini býta um loyvir við hvørt annað, so minnir tað ikki sørt um hetta sama. Tí er Føroya Kolvetni við í William Gongur væl í Grønlandi Hóast prísurin á fleiri fiskavørum og serliga rækjum er fallin, hevur tað ikki fingið so óhepnar avleiðingar fyri grønlendska búskapin, sum ein kundi væntað. Tað sigur formaðurin í Ráðgevandi nevndini viðvíkjandi Grønlandi, Christian Sørensen, við KNR. Professarin sigur, at ein orsøk til, at búskapurin stendur seg so væl, eru teir nógvu framtíðarmøguleikarnir innan námsvinnu og ferðavinnu, men Grønland má leggja dent á útbúgving, sigur hann. Grønlendski búskapurin stendur seg væl hóast fellandi rækjuprís (Mynd: KNR) Fogh til USA Danski forsætisráðharrin er boðin til USA at vitja George W. Bush, forseta. Eftir ætlanini skal Anders Fogh Rasmussen til Texas at vitja amerikanska forsetan síðst í næsta mánað. Eygleiðarar í Keypmannahavn siga, at tað eru bara nakrir fáir ríkis­ og stjórnarleiðarar, sum verða bodnir at vitja amerikanska forsetan í Texas, og at innbjóðingin er eitt tekin, um at amerikanski forsetin og danski forsætisráðharrin hava ikki bara politikk at tosa um. Áðrenn hann fer til Crawford í Texas, skal Anders Fogh Rasmussen hitta amerikanskar politikarar í Washington, skrivar JyllandsPosturin. Transocean Rather borar í løtuni William brunnin á føroyskum øki