hósdagur 17. januar 2008síða 16

16 [ Nr. 12 - 17. januar 2008 ] Sea Star leingir við B68 Í gjárkvøldið undirskrivaðu B68 og fyritøkan Sea Star spon­ soravtalu fyri komandi kappingarár. Tað vóru formaðurin í B68, Jógvan Højgaard og annar av eigarunum av fyritøkuni Sea Star, Jákup Martin Kjeld, sum undirskrivaðu avtaluna. Teir, sum eiga fyritøkuna Sea Star, eru brøðurnir Jákup Martin og Høgni Kjeld, og saman við teimum var eisini Jan Danielsen, stjóri, við til undirskrivingina. Jógvan Højgaard, formaður í B68, sigur, at hetta helst er hin besta sponsorav­ talan, sum felagið hevur gjørt, og hann segði seg vóna, at fyri­ tøkan eisini kemur at fáa nakað burtur úr avtaluni. Newcastle valdi Keegan Tað verður 56 ára gamli Kevin Keegan, sum framyvir skal venja Newcastle. Hetta kunngjørdi felagið í gjár. Leitað hevur verið eftir avloysara fyri Sam Allardyce, sum fekk sekkin herfyri. Kevin Keegan er ein høgt virðismettur venjari, og hevur m.a. bæði leikt á enska landsliðnum, og verið venjari hjá tí í tíðarskeiðnum 1999 til 2000. Fram til 2005 var hann venjari hjá Manchester City, og eftir at hava gingið arbeiðsleysur síðan tá, er hann nú aftur venjari, ­ hesaferð hjá Newcastle, sum skal lyfta seg av einum vónbrótandi 11. plássi í Premier League. Nú hava teir mált hvussu nógv áskoð­ arnir á teimum ymsu leikvallunum í Onglandi larma. Manchester United er bert nr. 17 á hes­ um listanum ??? Heri Simonsen heris@sosialurin.fo Alex Ferguson hevur givið áskoðarafjøldini á Old Trafford av grovfíluni. Tá Manchester United leiktu sín heimadyst ímóti Birm­ ingham City, tók Ferguson til orðana, at tað mest av øllum minti um eina jarð­ arferð. Og desibelmáting­ arnar á teimum ymsu leik­ vøllunum í Premier League geva Ferguson lut­ víst rætt. Desibelmátingar­ nar á Old Trafford hava eitt meðal áljóðandi 117,5 desibel, sum er eitt sindur meir enn ein borimaskina, men eitt sindur minni enn eitt flogfar á einari land­ ingarbreyt. Men Ferguson hevur rætt, at United­ áskoðarafjøldin hevur nógv at læra av øðrum heimaáskoðarum. Sunderland best Hóast tað einki stendur til ítróttarliga hjá Sunderland, so er rómurin stórur á Stadi­ um of Lights. Sunderland hevur eitt meðal áljóðandi 129,2 desibel. Hetta er á markinum til pínslu fyri menniskjaliga oyra. Av teimum fýra oddaliðunum er tað bara Chelsea, sum er í ovaru hálvu, tá tað kemur til desibil­mátingarnar. Liverpool­áskoðarnir kunnu tó reypa av, at eiga desibil­metið við ein einstakan dyst. Hetta hendi, tá John Arne Riise skoraði í 1. minutti av Liga­Cup finaluni á Millenium Leikvøllinum í Cardiff í 2005. Rómurin og gangurin av Liverpool­ áskoðarunum náddi tá uppá 130,7 desibel, sum er heimsmet. Gamla metið áttu áskoðarnir hjá amerikanska fótbólts­ liðnum, Denver Broncos. Tað metið var frá 2000. Kanningin hjá »118 – 118« vísti eisini, at áskoðarnir hjá Everton eru teir, sum syngja oftast! Desibel-listin: Sunderland 129,2 Tottenham 128,2 Manchester C 127,4 Aston Villa 126,5 Everton 126,1 Chelsea 125,8 Middlesbrough 125,4 Derby 124,7 Newcastle 124,5 West Ham 123,8 Birmingham 122,7 Arsenal 122,3 Portsmouth 120,9 Blackburn 119,5 Bolton 119,1 Liverpool 118,9 Manchester U 117,5 Wigan 116,8 Reading 116,2 Fulham 115,4 Áskoðarnir hjá Sunderland larma mest! 42 ára gamli Jakob Jónsson verður partur av mansliðnum hjá Neistanum seinastu 6 og møguliga 8 dyst­ irnar av kappingar­ árinum Hondbóltur Jákup Mørk jakup@sosialurin.fo Hóast Neistin enn er á øðr­ um plássi í Atlantic Air­ ways­kappingini, so hevur gongdin hjá liðnum ikki verið eins góð seinastu dyst­ irnar, sum hon var tað fyrsta partin av kappingini. Og líkt er til, at leiðslan í felagnum avgjørt hevur ætl­ anir um at styrkja um hópin, nú seinastu og kanska avgerandi dystirnir standa fyri framman. Fyri stuttum var greitt, at Jacob Larsen nú verður aftur at síggja í málinum, og nú er so greitt, at ein annar Jakob eisini fer at gera um seg á vøllinum. Hóast 42 ára gamal, so telist Jakob Jóns­ son enn millum fremstu hondbóltssnillingarnar í Før­ oyum. Í vetur hevur hann virkað sum venjari hjá Neista­kvinnunum, sam­ stundis sum hann hevur hugn­ að sær á 2. deildarliðnum hjá Kyndli, men nú setir hann ferðina upp í so máta. ­ Ingi (Olsen, blðm.) spurdi meg, um eg ikki hevði hug at taka eitt tørn afturat. Og tað hevði eg. Sum kappingin er skipað, so ber eisini til hjá mær at vera venjari hjá kvinnunum, samstundis sum eg spæli við monnunum. Og tað ætli mær so at gera í seks og vón­ andi átta dystir, sigur Jakob Jónsson. Jakob ger come-back Harpiskið var annars sett á hillina, men nú verður Jakob Jónsson aftur at síggja í fremstu røð í føroyskum hondbólti Sjáldan man Kyndil hava havt tað somikið lætt móti VÍF, sum varð sent norður við rættiligum avsmurningi Hondbóltur Jákup Mørk jakup@sosialurin.fo Talan gjørdist ongan tíð um nakran spennandi dyst í Ítróttarhøllini á Hálsi í Havn mikukvøldið. Tá mansliðini hjá Kyndli og VÍF hittast, plagar hetta annars at borga fyri int­ ensiteti og spenningi, men tað var nú hampuliga langt millum snapsirnar miku­ kvøldið. Ja, somikið langt, sum tað sømir seg einum avhaldsfelag. Høgni við Sæð burtur frá fyrstu rótutu 10 minuttunum, har liðini kappaðust um at gera mistøk, so var tað nevnliga Kyndil, sum var greitt omaná. Teir grønu spílaðu seg sum so ongan tíð veru­ liga út, men fyri tað mest var talan um lítla og onga mótstøðu. Eli Müller í VÍF­ málinum hevði hópin av góðum bjargingum, men hetta munaði lítið, tá restin av ilðnum als ikki livdi upp til góða málmansavrikið. Hjá Kyndli var hugaligt at síggja, at Høgni Klein aftur er at síggja á liðnum. Enn er orkan ikki til hond­ bólt við fullari ferð í 60 min­ uttir, men tað var sjónligt, at tað gav meira flog, breidd og djúpd í spælið, at hann nú aftur er tøkur. Hvussu langt hesin styrk­ urin røkkur, er kanska ilt at siga, tí tað er als ikki víst, at Høgni verður í Føroyum kappingarárið á tamb. Men tvær hálvfinalur í steypa­ kappingini standa fyri fram­ man, og tað er helst fyrst og fremst í hesum, at Kyndil vil bjargað sær kappingarárið. Langt til FM-finaluna Tí í landskappingini er mun­ urin framvegis dekan ov stórur uppeftir. Her hevur Kyndil sjálvandi møguleik­ an, men tað krevur, at liðið mest sum als ikki missir stig seinasta partin av kappingini. Her var VÍF nakað nógv betur við undan mikukvøld­ inum. Og við einum sigri í Havn kundu teir veruliga lagt trýst á Neistan og H71, sum fara at dystast um viku­ skiftið. Men skulu vest­ menningarnir leggja trýst á, so fer tað krevja avrik, ið eru nakað nógv betri, enn tey vóru tað mikukvøldið. Kyndil-VÍF 31-25 (16-11): Kyndil sveittaði ikki Kyndil-VÍF 31-25 (16-11) 10 min: 3-3 20 min: 10-7 40 min: 20-12 50 min: 28-20 Málskjúttar Kyndil: Hans Áki Dal-Christiansen 10(6), Janus Einar Sørensen 9, Finnur Hansson 4, Josef Abrahamsen 3, Høgni Klein 3, Hanus Johansen 1, Hjalti M. Jacobsen 1 VÍF: Áki Olsen 5(2), Agnar Joensen 4, Johan P. Høgnesen 4, Niels Andreasen 3, John M. Andreasen 2, Daniel Rapa 2, Regin Joensen 2(1), Rói Lamhauge 1, Rúni Joensen 1, Bjarti Hansen 1 Brotskøst: Kyndil 6, VÍF 3 Útvísingar: Kyndil 1, VÍF 3 FAKTA Høgni Klein var aftur við hjá Kyndli, og tað kann væl hava við sær, at meistararnir nú fara at gera meira um seg Mynd: Álvur Haraldsen