týsdagur 22. januar 2008síða 45

Nr. 15 - 22. januar 2008 45 tíðindi fyri 90 ára gomul skering, seyming, binding, hekling, patcwork, brodering, bókbinding, smíð, dreying, skera í træ, gera modelbátar og skip, umvæla og polstra gamlar møblar. Harumframt er frálæru í svimj­ing, fimleiki, talv, matgerð, ættargransking, teldulæru, dansi, drama/sj­ónleiki, støddfrøði, føroyskum, donskum, íslendskum, enskum, fronskum, sponskum, russiskum, tónleiki, kórsangi v.m. M.a annað fíggj­ar kvøldskúlin meginpartin av virkseminum hj­á GHM, Havnar Hornorkestri, Havnarkórinum, kórinum Glymur, Kamarkórinum, og kórinum Sólarmagn. Herumframt fíggj­ar kvøldskúlin størsta partin av tónleikavirkseminum í Margarinfabrikkini og sj­ónleik/ drama á Dramaverkstaðið á Hálsi. Hjálp til tilflytarar Í vár var ynski sett fram á stevnu í Miðlahúsinum um at hj­álpa tilflytarum, sum koma til landið, soleiðis at tey kunnu klára seg í dagligdegnum og í samfelagnum sum heild. Serliga verður hugsað um grundleggj­andi kunning um samfelagsstovnar og líknandi. Hetta eru fólk við ongum kunnleika til land- fólk og sam- felagsbygnað. Tí verður skeiðið “føroyskt og samfelagskunning fyri tilflytarar” boðið fram sum almenn lærugrein. Aðrar nýggj­ar lærugreinir eru m.a : “at liva við og í náttúruni”, “lívsstílur og fólkaheilsa” og “sniðgeving”. Tilsamans bj­óðaði skúlin 13 nýggj­ar lærugreinir út skúlaárið 2007/08. Eftir nógva prátið, sum hevur verið um PISA kanningina, hevur skúlin roynt at seta fokus á foreldur og bj­óðaði tí fram millum annað foreldrastøddfrøði, lesing og rættskriving, men her var ov lítil undirtøka. Kj­akið í sambandi við nýggj­asta PISA kanningin fer kanska at vísa á tørvin, so undirtøkan kann gerast størri. Listaskúlin Í Listaskúlanum er tilevning, tekning, modeltekning, máling, postalínsmáling, leirarbeiði, grafikkur, bein- og hornarbeiði, steinslíping og silvurarbeiði, videolæra, foto og mangt annað. Sum nakað nýtt verður fer undir- vísingin í foto eisini at fevna um digitala viðgerð av myndum og øðrum. Úrslitið av virkseminum innan listarliga økið sæst best aftur í várframsýning skúlans. Meiri vitan um kvøldskúla- virksemið sum heild fæst við at lesa faldaran sum bleiv borin út í hvørt hús í Tórshavnar kommunu. Eisini hevur tú møguleikan at fara inn á heimasíðuna hj­á Tórshavnar kommunu www.Torshavn.fo og velj­a mentan og skúlar. Í j­anuar ella februar mánaði komandi ár fær kvøldskúlin nýggj­a heimasíða. Avbjóðingar Við hesum stóra virksemi fylgir eisini hølistrupulleikar. Tað mest akutta er skrivstovuhøli og høli til skeiðið “at loysa úr lagdi”. Tó skal sigast, at arbeitt hevur verið í nógv ár við at fáa skúlanum betri karmar og at fáa ein samlaðan skúla, tó uttan at fáa ta politisku vælvild sum hetta krevur. Við einum samlaðum skúla hevði møguleiki verið fyri at skapt eitt livandi hús og umhvørvi, har aktivitetur var alt árið. Skrivstovan er opin alt árið og í tíðarskeiðnum, tá ið vanliga kvøldskúlaundirvísingin ikki er, er ætlanin at hava summarskeið, fyrilestrar, prógvhandanir og onnur tiltøk, eins og verkstøðini kunnu nýtast til skeiðsvirksemi og vitj­andi listafólk. Ein saml- aður skúli hevði verið ein miðdepil, sum kemur at vera sj­ónligur í umhvørvinum og til gagns fyri allar borgarar í framtíðini. Tað sær í løtuni út til, at býráðslimirnir eru áhugaðir fyri at veita kvøldskúlanum betri sømdir í spurninginum um nøktandi hølir. Kvøldskúlin eigur at stuðlast meira Kvøldskúlin í Havn er nógv størsti skúlin í landinum, tá ið hugsað verður um næmingatal. So nógv sum 4. – 5. hvør borgari í Havn hevur samband við skúlan. Hvussu nógv, ið kann fáast burtur úr kvøldundirvísingni sæst á teimum framsýningum, sum plaga at vera eftir, at skúlárið er liðugt. Tað kann stutt sigast, at tað er ikki smávegis, ið kemur av skafti, og tá er hetta bert fyri tær handligu lærugreinirnar. Stórt sæð kann sigast, at kvøldskúlarnir yvirhøvur eru væl umtóktir millum fólk. Í Danmark plaga fólk ofta í fj­ølmiðlunum at argast um, at nógvar lærugreinir eru “fj­as”, men slík sj­ónarmið hoyrast neyvan í Føroyum. Vanligu kvøldskúlarnir verða fíggj­aðir við brúkaragj­aldi og almennum tilskoti. Gj­aldið hj­á næminginum kann ikki vera so høgt, at fólk setast aftur. Hetta gj­ald er í ár í miðal upp til kr. 680. Hetta er ein rímiligur prísur, og eigur ikki at vera hægri. Havast má í huga, at kvøld- skúlin kann vera við at halda tey ungu burtur frá einari “skeivari” lívsleið og geva teimum tilkomnu og eldru eitt gott lívsinnihald í felagsskapi við onnur. Hetta er eisini við til at skapa lív í býnum um kvøldarnar til felags trivna fyri allar borgarar í Tórshavnar kommunu. Tí er tað nokk so umráðandi, at politisku myndugleikarnir hava hetta í huganum, so teir ikki gerast smáligir á hesum økinum. Her er talan um eina íløgu, sum so ella so kemur aftur, eisini hj­á næmingum, sum verða 90 ár! Hesi starvast á skúlanum, f.v. Kira Hendriksdóttir, Malan Guttesen og Jákup Strøm, skúlastjóri So snøgt kann tað gerast