mánadagur 28. januar 2008síða 14

14 Nr. 19 - 28. januar 2008 Kistan við Niels Bro­ gård fer úr kapellinum á Landssjúkrahúsinum sunnudagin klokkan 17. Jarðarferðin verður mánadagin klokkan 14 úr Vestmanna kirkju. Sungið verður sálma­ bókini Oliver Hansen Vest­ manna andaðist 24. jan­ uar í heiminum, 46 ára gamal. Andlát og jarðarferðir Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Andlát og jarðarferðir Í Sandvíkar bygd hann vaks til mans, Vinurin hann vit í dag munnu minnast Altíð so var tað stavnhaldið hans: Millum teir fremstu støðugt at finnast Á Tvøroyri hann í realskúlan fór At nema tað besta, tey kundu hann læra. Men tá kendist verðin alt ov stór, So best var fyrst til skips at fara. Tí hann hevur eisini verið við slupp, og sum rættur maður við vaðbeini staðið. Tó tíðliga mundi hann leggjast upp, Vildi heldur fáast við almannafæið. Á Gjaldstovuna norð hann mundi fara, har landsins ognir og skuld at hagreiða. Har mundi hann eisini tað kynstrið læra, Bæði tollarar og syndarar at avgreiða. Til Keypmannahavnar brátt leiðin gekk, Tó fyrst á Købmandshvile eitt skeið at fáa. Síðani tú tann mikla lærdóm fekk, Tey virki og stovnar rætt at grannskoða. Hjá Aage Dahl tit fingu tykkum búð, Og har mundu støðugt ætt og vinfólk finnast. Tí inni hjá tær og tíni vøkru frú, Vit mangar, góðar, ríkar løtur minnast. Og Ballerupfelagið tit skjótt komu í, Okkum øllum til alstóra gleði. Tí aldrin tit firnaðust nakað stríð, Men skipaðu dans og veitslur so fegið. Tú sjómannsvísur fyri okkum kvað, Og Torbjørn harmoniku spældi. Til Singapor´og Adelaid´ vit fóru av stað, Og seglini á “Taifununi” vit taldu. Og bleivst tú ei sjómaður burtur av Við gyltum snórum og gullknøppum. Tú hevur tó ført oss um tað kvæðahav Fylt við vøkrum moyggjum og avrekskøppum. Á mangari veitslu hava vit Ormin tikið, Og skotið Harra Hermann fyri bróstið, Og teir danir og sviar av bunka rikið, Og funnið Jákup djúpt í einum køsti. Og vit hava verið við i Runsival Og barst við risar við høvdum so ljótum. Men altíð so gekk tað líka væl, Tí tú - tú hevði dansin undir fótum. At takka fyri alt, tú okkum hevur givið, Tað megna vit ei av sonnum. Tí her hevði als eingin dansur blivið Hevði tú ikki lagt lag á hjá monnum. Nú ert tú ei longur blant oss á foldum, Í himnaskara tú lítur teg í kring. Og hóast eingin treður dansin undir moldum, Vit vænta tó, at tú skjótt slær ein ring. Og har mannst tú hitta teir kappar reystu Ja, Viljormur Kornus og Gudbrand við. Í himnasali nú kvøða teir treystu Og einglarnir dansa lið um lið. Føroyskt Felag í Ballerup Tórálvi Stenberg til áminnis Tøkk Takkað verður øllum tykkum, sum gleddu meg og gjørdu 90 ára dagin hugnaligan og minnisríkan. Hilma Dagurin Valerius. Var síðst í 3. øld biskupur í Trier í Týsk­ landi. Mynd frá ”realskúlaframsýningini 1916- 66” sum Jórunn Dánjalsdóttir skipaði fyri í Kommunuskúlanum í Havn í summar. Her er ein mynd av 2. millumskúlaflokki í 1925 Aftasta rað f.v.: Olaf Magnussen (Saksun), Jens Pauli í Dali, Heini Johansen (á Trøðni), Hendrik Jacobsen (hjá Mikk í Dávastovu), Óli Elingsgaard (Egilstrøð) (Eiði) og Adler Olsen (hjá Onnu Sam) Miðraðið f.v.: Kári Evensen, Niclas Andreasen, Theodor við Keldu, Erling Skarðhamar, Alif ?, Janus Kamban og Sigmund Hoydal Fremsta rað f.v.: Gunnar Isholm, Johan Mortensen, Svend Skarðhamar, Eliesar Johansen (Illeba), Jørgensen, lærari (hann var dani), ókendur, Ludvig Mohr, Viggo Andreasen og Jacob Højgaard, Toftir (bleiv seinni kommunulækni í Havn) Um onkur hevur hug at ogna sær hesa mynd, er viðkomandi vælkomin at venda sær til Jórunn Dánialsdóttir á telefon: 226024. Myndaeigari: Fornminnissavnið Millumskúlaflokkur í 1925 nýggjur lýsingarmiðil Tel 34 18 00 s-lysingar@sosialurin.fo