mánadagur 28. januar 2008síða 29

29 [ Nr. 19 - 28. januar 2008 ] Manchester City blivu tey seinastu Premier League ofrini, ið ruku út úr glæsuligu ensku steypakappingini. Teir ruku út móti Sheffield United, tá hesir vunnu 2-1 í síðsta dystinum í fjórða umfari FÓTBÓLTUR Niels Petersen niels@sosialurin.fo Við málum frá Luton Shelton og Jonathan Stead innanfyri 12 minuttir vísti tað seg, at Shefield United høvdu gjørt nóg mikið til at náa til fimta umfar av FA- Cup. Lutakastið um, hvør skal møta hvørjum í fimta umfari verður í dag, og bert seks av Premier League liðunum eru eftir í heimsins elstu steypakapping. Ungt talent ávegis Manchester City liðið við svenska Sven-Goran Eriks- son sum venjara megnaði at minka um munin tíðliga í øðrum hálvleiki við máli frá unga og evnaríka Daniel Sturridge, men tað skuldi vísa seg at gerast ov lítið hjá City, ið ikki kláraðu at fáa meira burturúr. Hesin ungi Daniel Sturridge er systkinabarn Dean Stur- ridge, ið best var kendur sum áleypari í feløgunum Derby og Wolverhampton. City viðhaldsfólkið avgjørdu dystin City vóru upprunaliga avgreiddir innan 12 minutt- ir, men tað var partvís orsak- að av teirra egnu viðhalds- fólkum, ið høvdu valt at taka eina øðiliga rúgvu av luftballónum í bláum og hvítum litum til á tann hátt at seta lit á dystin. Men tey høvdu kanska ynskt at tey ikki tóku so nógvar við, tí ein av hesum ballónunum hevði beinleiðis ávirkan í fyrsta málinum hjá “The Blades”. Innlegg kom úr vinstra borði, har bólturin so boblaði uppá ballónina og framvið Michael Ball, ið tessvegna ikki fekk sparka vekk, og so var laga manni hjá manninum av Jamaica, Luton Shelton at leggja heimaliðið á odda. Málið er bert tað triðja hjá Shelton, síðani skiftið hjá honum frá svenska felagnum Helsing- borg. Hann kostaði Bryan Robson og hansara monn- um, 18,5 milliónir krónur. So okkurt man fyrrverandi Manchester United miðvall- arin hava lært hann í Shef- field. United og Liverpool Øll tey ”stóru fýra” vunnu sær atgongd til lutakastið til fimta umfar í FA Cup, og hetta gjørdu tey, við at vinna á ávíkavist Tottenham, Havant & Waterlooville, Wigan og Newcastle. Manchester United og Tottenham spældu ein spennandi og vælspældan dyst, har serliga Owen Har- greaves og Cristiano Ron- aldo skaraðu framúr. United vunnu dystin 3-1. Málini skutu Tevez, Ronaldo 2, og fyri Tottenham skoraði Robbie Keane. Liverpool hevði vitjan av Non-League liðnum Havant & Waterlooville, ið hava tikið øll á bóli í FA Cup í ár og rokkið so langt í kapp- ingini. Liðið liggur heili 123 pláss lægri enn Liver- pool, men hóast hesa sann- roynd, megnaðu teir at leggja seg á odda heili tvær ferðir í dystinum. Móti end- anum var tað tó ov stórur munur á, og taptu teir 5-2. Men dysturin vísir, at andin á FA Cup framvegis livir væl. Ein kapping, har mann aldrin kann vera vísur í, hvat úrslitið fer at verða, hóast tað eru 123 pláss á muni millum liðini. »The Blades« kutaðu City úr FA-Cup Málskjúttarnir báðir Jonathan Stead og Luton Shelton, fegnast yvir fyrsta málið í dystinum, ið kom á ein heldur undarligan hátt. Mynd: Polfoto/AP Úrslitini í fjórða umfari vóru: Arsenal-Newcastle 3-0 (Adbayor2, s.m.) Barnet-Bristol Rovers 0-1 (Lambert) Coventry-Millwall 2-1 (Hughes, Mifsud - Simpson) Derby-Preston 1-4 (Earnshaw - Hawley2, Whaley, Mellor) Hereford-Cardiff 1-2 (Robinson – McNaughton, Thompson) Liverpool-Havant&W. 5-2 (Lucas, Benayoun3, Crouch – Pacquette, s.m.) Mansfield-Middlesbrough 0-2 (Dong-Gook, Buxton) Man. Utd.-Tottenham 3-1 (Tevez, C.Ronaldo2 - Keane) Oldham-Huddersfield 0-1 (Beckett) Peterborough-W.B.A. 0-3 (Bednar, Koren, Phillips) Portsmouth-Plymouth 2-1 (Diarra, Kranjcar - Clark) Sheffield Utd.-Man. City 2-1 (Shelton, Stead - Sturridge) Southampton-Bury 2-0 (Surman, Raziak) Southend-Barnsley 0-1 (Campbell-Ryce) Watford-Wolves 1-4 (O’Toole – Keogh2, S.Elliott, Bothroyd) Wigan-Chelsea 1-2 (Sibierski – Anelka, Wright-Phillips) Lutakastið, um hvør skal møta hvørjum, í fimta umfari, verðu seinnapartin í dag. Atli legði upp til mál Danska 1. deildarliðið Frem spældi um vikuskiftið sín fyrsta venjingardyst. Dysturin var á útivølli ímóti AB. Í fyrra hálvleiki hevði Ab vindin í ryggin, og teir skoraðu tvey mál. Í seinna hálvleiki var sum vent í holuni, og nú var Frem omaná. Atli Danielsen sat á beinkinum frá byrjan, men hann kom inn, tá ið tað restaði ein hálvur tími. Atli hevði ávirkan á úrslitið, tí hann legði upp til útjavnandi málið hjá Frem. Dysturin endaði 2-2. Hvidovre fegnast um Cieslewicz Í Hvidovre fegnast tey um, at tað hevur eydnast felagnum at leiga álopsspælaran Lukasz Cieslewicz úr Brøndby. Lukasz, sum búði fleiri ár í Vági og spældi við VB, er annars sáttmálabundin í Brøndby, men har vilja teir nú hava Lukasz at royna seg í næstbestu donsku deildini , og tað kemur væl við hjá Hvidovre, har teir halda seg hava góða verja, men hava brúk fyri styrki til álopið.