mánadagur 11. februar 2008síða 27

Nr. 29 - 11. februar 2008 27 Stutt Sagt Obama verður myrdur Hevur bretski rithøvund­ urin Doris Lessing rætt, eigur Barrack Obama kanska at taka seg burtur úr valstríðnum í USA. Doris Lessing, sum hevur fingið Nobel­heiðursløn­ ina í bókmentum, sigur við svenska blaðið Dagens Nyheter, at verður Obama valdur til forseta í USA, fer onkur at beina fyri hon­ um. Tí hevði tað verið bet­ ur, um Hillary Clinton vann, sigur Doris Lessing, men best var, um hon og Barrack Obama stillaðu upp saman, soleiðis hann hann bleiv varaforseti hjá henni, sigur Doris Lessing við svenska blaðið. bin Laden og Omar í Pakistan Bæði leiðarin í al­Qaeda, Osama bin Laden, og leið­ arin í Taleban, mullah Mohammad Omar, eru í Pakistan. Tað segði ein týðandi amerikanskur embætismaður í gjár. Hann vildi tó ikki leggja navn til tíðindini. Embæt­ ismaðurin legði afturat, at teir næstu menninir hjá bin Laden og mullah Omar eru eisini í Pakistan. Amerikanskir talsmenn hava fyrr sagt, at teir ovastu leiðararnir í Tale­ ban fjala seg hjá vinfólki í Baluchistan, sum er fjalla­ lendið á markinum mill­ um Pakistan og Afghan­ istan. Burtur við el-stólinum Hægstirættur í ameri­ kanska statinum Nebraska hevur bannað fongslunum at avrætta deyðadømdar fangar við elektriska stóli­ num. Hægstirættur í stati­ num sigur í einum úr­ skurði, at tað er í andsøgn við amerikonsku grund­ lógina at brúka elaktriska stólin til at taka fólk av døgum við. Úrskurðurin hjá hægstarætti ger, at teir lokalu myndugleikarnir í Nebraska noyðast at broyta verandi lóg, so hon samsvarar við úrskurðin hjá tí ovasta dómsstólinum í statinum. SAMBAND árNi joeNSeN fArtekSt@MAil.Dk -Jonathan Motzfeldt er og verður landsfaðirin - bæði fyri okkum í Siumut og fyri grønlendska fólkið sum heild (Hans Enoksen) útlond Hillary Clinton tapti so dyggiliga uppstill­ ingarvalini um viku­ skiftið, at hon gav sín­ um fyriskipara sekkin Barrack Obama gjørdi eitt rimmar hál á uppstillingar­ valunum hjá demokratunum hetta vikuskiftið. Hann vann øll valini. Seinast í Maine í gjár. Har høvdu tey flestu væntað, at Hillary Clinton fór at vinna, men tá 87 prosent av atkvøðunum vóru taldar tíðliga í morgun, hevði Barrack Obama fing­ ið 59 prosent, og Hillary Clinton hevði fingið 41 prosent. Maine sendir 24 valmenn á uppstillingarfundin hjá demokratunum, og úrslitið í gjár merkir, at Obama fær 15 av teimum 24 valmonnu­ num og Hillary Clinton hin­ ar níggju. Sambært einari samanteljing hjá tíðinda­ stovuni AP hevur Barrack Obama nú tryggjað sær stuðul frá 1.106 valmonnum, meðan Hillary Clinton hev­ ur 1.135 í sínum parti. Fyri at fáa meiriluta skal annað valevnið tryggja sær 2.049 valmenn. Veljararnir í Maine løgdu nógv fyri fyri at sleppa á val. Nógvastaðni í statinum var illfýsið við nógvum vindi og kava, men kortini vóru bíðirøðirnar langar utt­ an fyri valhølini. Leygardagin vann Obama sannførandi í Washington State, Nebraska og í Louisi­ ana. Tann mest sannførandi sigurin vann hann kortini á Jomfrúoyggjunum, har 89,9 prosent av teimum 1.772 veljarunum atkvøddu fyri honum. Nýggjan fyriskipara Í gjár vóru bæði Barrack Obama og Hillary Clinton í Virginia, har uppstillingar­ val verður í morgin. Tá verð­ ur eisini val í Maryland og í høvuðsstaðnum Washing­ ton D.C., og meiningakann­ ingar vísa, at Obama er klárt á odda allastaðni. CNN vísir á, at felags fyri Virginia, Maryland og høv­ uðsstaðin er, at har búgva nógv svørt fólk, sum yvir­ høvur eru væl útbúgvin, og júst hesi eru kjarnuveljara­ skarin hjá Obama. Í gjárkvøldið kunngjørdi Hillary Clinton, at hon hevði fingið sær annan fyri­ skipara til valstríðið. Higar­ til hevur Patti Solis Doyle skipað fyri valstríðnum hjá Hillary Clinton, men eyg­ leiðarar halda, at tað sera vánaliga úrslitið um viku­ skiftið fekk Hillary at skifta hana út. Nýggjur fyriskipari er Maggie Williams, ið eins og Patti Solis Doyle hevur arbeitt saman við Hillary Clinton í mong ár. Solis Doyle heldur kortini fram í bólkinum, sum leggur val­ stríðið til rættis. Kann venda í Texas Eftir fleiri ósigrar í seinast­ uni og ivaleyst nakrar aft­ urat í hesum mánaðinum miðjar Hillary Clinton eftir at vinna uppstillingarvalini í teimum báðum stóru stat­ unum Texas og Ohio, sum verða fyrst í næsta mánað. Í hesum báðum statunum er veljarafjøldin sett soleiðis saman, at tað helst kemur Hillary Clinton til góðar. Í Texas eru nógv fólk av meksikonskum uppruna, ið verða hildin at styðja Hill­ ary Clinton, og í Ohio eru nógvir eldri veljarar og og harafturat nógv arbeiðsleys. Júst tey eldru og arbeiðara­ stættin eru millum kjarnu­ veljararnar hjá Hillary Clin­ ton. Tann størsta hóttanin ímóti heimsfriðinum er, at yvirgangsmenn kunnu fáa fatur á kjarnorkuvápnum ­ Tað er sera umráðandi, at lond, sum hava kjarnorku­ vápn, tryggja tey so væl, sum tað yvirhøvur ber til, tí tað er eingin ivi um, at kjarnorkuvápn á skrivum hondum eru tann mest álv­ arssama hóttanin ímóti heimsfriðinum og heims­ samfelagnum í dag. Tað segði stjórin í altjóða kjarnorkustovninum IAEA, Mohammed ElBaradei, í einari røðu, sum hann helt á einari ráðstevnu fyri verju­ ovastum leygardagin. Hann mælti samstundis øllum kjarnorkuveldunum til at skarva av sínum kjarnorku­ vápnagoymslum. ­ Lond, sum hava kjarn­ orkuvápn, aftra seg við at brúka tey, tí tey vita, at tey verða løgd í oyði, sjálvt um tey hava kjarnorkuvápn. Men yvirgangsmenn fara at brúka kjarnorkuvápn, fáa teir fatur á teimum, segði stjórin í IAEA. Mohammed ElBaradei mælti altjóða samfelagnum til at tingast við Iran fyri at fáa vissu fyri, at landið ikki brúkar sína kjarnorkutøkni til at gera kjarnorkuvápn við. ­ Vit fáa ikki álit á hvør øðrum uttan at tosa saman, segði El Baradei, sum fekk Nobel­friðarheiðurslønina saman við IAEA í 2005. Tann størsta hóttanin ímóti heimsfriðinum Mohammed ElBaradei: -Vit fáa ikki álit á hvør øðrum uttan at tosa saman Hann fór við øllum Barrack Obama vann øll uppstillingarvalini hjá demokratunum hetta vikuskiftið (Mynd: AP)