týsdagur 12. februar 2008síða 7

7 tíðindi Nr. 30 - 12. februar 2008 Toll- og Skatt ynskti ein nýggjan samleika og eitt nýtt navn, sum skuldi vera lætt at siga og vera føroyskt. Í kapping millum starvsfólkið valdi Stephansons Hús út navnið TAKS SAMLEIKI Leo Poulsen leo@sosialurin.fo Tollur, Avgjøld, Kolvetni, Skattur. Hetta er grundarlagið undir nýggja heitinum hjá nú fyrrverandi Toll- og Skattstovu Føroya. Og so taldi tað við, at orðið eisini kann skiljast sum at vera til taks – fyri viðskiftafólkið. Á tíðindafundinum í Norð- urlandahúsinum í morgun greiddi Arnold Nielsen, stjóri í TAKS, frá, at uppgáv- an hjá stovninum er at tryggja landinum inntøkur gjøgnum skatt, avgjøld og toll. Og ein av orsøkunum til nýggja samleikan er, at teksturin skal gerast nógv meiri lætt skiljandi, tí ofta eru orðingarnar gjørdar á einum juridiskum máli, sum vanligi borgarin kann hava ilt við at skilja. - Tað skal verða lætt at gera rætt, sum Arnold Niel- sen tók til. Hinvegin skal tað gerast meiri trupult hjá teimum, sum tilvitað royna at sleppa undan at rinda avgjøld til landið. - Tað finnast eingi hagtøl yvir hetta, men hví skuldu føroyingar verið øðrvísi enn onnur fólkasløg í so máta, segði Hjørdis Gaard Nýggj heimasíða Ein av broytingunum, sum Ingvør Nolsøe hevur staðið fyri, er ein nýggj heimasíða. TAKS ætlar at fylgja við tíð- ini, og tað fer skjótt at bera til at avgreiða mvg-uppgerð- irnar umvegis teldupost. Hendan skipanin verður ætl- andi tikin í nýtslu í mai í ár. Sjálvuppgávan kann longu sum er latast inn pappírleyst um teldupostin, og hetta er ein skipan, sum bæði borgarin og TAKS vinna við. Ingvør Nolsøe greiddi eitt sindur frá, hvussu arbeiðið við at broyta sam- leikan til TAKS var farið fram. Tey hava alla tíðina arbeitt í tøttum samstarvi við starvsfólkini á stovnin- um, og í sambandi við heimasíðuna hevur lýsinga- fyritøkan spurt seg fyri hjá hópinum av fólki og virkj- um, fyri at fáa hana so við- komandi sum gjørligt. Øll broytingin fer fram tí stovnurin ynskir at verða so greiður, sum gjørligt í sam- skiftinum við viðskiftafólk síni, sum praktiskt eru allir tilkomnir føroyingar. Men hvat hesin nýggi samleikin kostar skattaborg- arunum, meldar søgan kort- ini einki um. Frá Toll- og Skatt til TAKS Arnold Nielsen, stjóri og Hjørdis Gaard, frá TAKS og Ingvør Nolsøe, frá Stephansson Húsi á tíð­indafundinum í Norð­ur­ landahúsinum í morgun Mynd: Jens Kristian Vang Gangsta rapp til Føroya Ein tann kendasti og best umtókti danski rapp-bólkurin, Suspekt, vitjar í vikuskiftinum. Bólkurin, ið er mannaður av teimumum fýra Bai-D, Orgi-E, Rune Rask og Troo.l.s, kemur úr harða umhvørvinum í Albertslund. Seinasta útgávan hjá Suspekt, Prima Nocte, tók ummælarar á bóli. Bólkur- in fekk eisini sera góð ummæli fyri sína konsert á Roskilde Festivalinum í fjør. Teir fingu seks stjørnur frá Gaffa. Umframt fleiri løg, sum hava verið tráðspæld í donskum útvarpi, hava teir fýra rappararnir úr Albertslund millum annað gjørt tónleik til Drengene Fra Angora. Suspekt, sum eisini arbeitt við føroyska myndamanninum, Bárði Eklund, hevur útgivið tríggjar fløgur. Suspekt fer at framføra í Eclipse fríggjakvøldið og í TB-húsinum leygarkvøldið. Krabbin doyði Um vikuskiftið lýsti tað stóra Fiski- og Sjó- vinnusavnið í Esbjerg við, at tað hevði fingið ein stóran kongakrabba úr Noregi, og at fólk vóru vælkomin at hyggja eftir honum, nú skúl- arnir hava vetrarfrí hesa vikuna. Men í gjár boðaði savnið frá, at krabbin var deyður. Morten Hahn-Pedersen, savnsleiðari, sigur við JydskeVestkysten, at helst var sjógvurin í tanganum á savninum og heitur. Hitin var 14 stig, og krabbin skal helst hava eini 8 stig. Alarmklokkurnar ýla og reyðu fløggini veittra, nú Ísland er komið á dagsordanin á altjóða fíggjarmarknaðunum FÍGGJARKREPPA Leo Poulsen leo@sosialurin.fo Tað nærkast einum fíggjar- ligum skrædli í Íslandi, eftir at íslendska krónan í gjár kavaði mótvegis evruni og harvið eisini donsku krón- ini. Tað vilja fleiri keldur verða við, sum blaðið Børsen hevur tosað við. Eitt stórt skrædl í einum av størstu íløgufeløgunum í Íslandi er ikki ósannlíkt, og áhugin savnast serliga um felagið Exista, sum er nær við at hava mist allan egin- peningin. Exista hevur gjørt stórar íløgur í eitt nú íslendskar og norðurlendskar fíggjar- ligar fyritøkur so sum Kaup- thing Banka og Sampo Group, sum hava mist virði undir kredittkreppuni. Avsanna kritikkin Exista sjálvt avsannar kritikkin og kallar báðar íløgurnar »langsiktaðar, strategiskar íløgur«. Exista er ein av størstu íslendsku fyritøkunum, mett eftir aktuella marknaðar- virðinum upp á 12,5 milli- ardir krónur. Men sambært útrokningum, sum Nordea hevur gjørt fyri dagblaðið Børsen, er fyritøkan nær við at vera tekniskt insolvent. Eginpeningurin er í sein- asta roknskapi gjørdur upp til 17,7 milliardir krónur, men rættingar í sambandi við kursfall á børsskrásettum partabrøvum umframt good- will, er í veruleikanum bert ein milliard krónur eftir í eginkapitali. Exista er høvuðsaktioner- ur við 23,7% av partabrøv- unum í Kaupthing Banka, sum eigur danska vinnu- bankan FIH. Harumframt eigur Exista 20% av finska tryggingarsamtakinum Sampo Group. Bæði eru uppgjørd til keypsprísin og eru tískil ikki rættað til sam- bært fallandi kursunum seinastu tíðina. - Verður bert hugt at børs- skrásettu aktivunum hjá felagnum og uppger tey til marknaðarvirðið, sam- stundis sum bókførda good- will’ið verður tikið burtur, vísa útrokningarnar, at skuldin í felagnum er nær- um eins stór sum aktivini, sigur partabrævaanalysu- stjórin í Nordea, Michael West Hybholt, við Børsen. Hann vísir tó samstundis á, at felagið hevur tryggjað sær fígging av virksemi sín- um fram til miðan 2009, og reint roknskapartekniskt einki skeivt hevur gjørt. Sett undir eygleiðing Íslendsku trupulleikarnir hava leingi verið samrøðu- evni millum stórar partar av fíggjarligu marknaðunum. Kredittmetingarfyritøkan Moody’s hevur nýliga sett Glitnir Banka og Lands- banka Íslands undir eygleið- ing, sum er fyrsta stigið móti einari endaligari niður- gradering. Moody’s tosar um myrk skýggj yvir bankasektorin- um, men sambært analysu- stjóranum, Michael West Hybholt, hava nógvir íleggj- arar leingi verið varnir, tá tað kemur til íslendsku bankarnar. - Øll á partabrævamarkn- aðinum undrast á, hvør hev- ur útvegað kapital, og tað sæst aftur í partabrævakurs- unum hjá bankunum. Og orsakað av krossognar- skapinum millum íslendsku feløgini er vandi fyri, at eitt kreppurakt felag hálar onn- ur við sær niður, sigur Michael West Hybholt við dagblaðið Børsen. Vandi fyri íslendskum skrædli Landsbanki Íslands er settur undir eygleið­ing saman við­ Glitnir Banka