mikudagur 13. februar 2008síða 6

6 tíðindi Nr. 31 - 13. februar 2008 Mánadagin og týsdagin skipaði formansskapurin í løgtinginnum fyri ungdómstingi, og tað vóru vælnøgdir luttakarar, sum fóru til húsa aftur seinnapartin í gjár UNGDÓMSTING Leo Poulsen leo@sosialurin.fo Tað vóru spennandi og produktivir dagar í ung­ dómstinginum fyrst í vikuni. Tað halda í hvussu er tveir av »tinglimunum« í ungdómstinginum, Heri Arge og Elsbeth Petersen úr Argja skúla. Og sigast má, at limirnir í ungdómstinginum hava ikki ligið á latu síðuni. Inn vóru komin 11 uppskot frá seks ymiskum flokkum, umboðandi Sørvágs skúla, skúlanum við Ziskatrøð, Argja skúla (tveir flokkar), Eysturskúlan og Venjing­ arskúlan. Uppskotini vórðu løgd fram og fingu fyrstu viðgerð, áðrenn tey vórðu beind í nevnd mánadagin, nevndarviðgerð fór fram fyrrapartin týsdagin og seinnapartin fingu tey so endaliga viðgerð og komu til atkvøðugreiðslu. Seks av teimum ellivu uppskotunum vórðu sam­ tykt, meðan hini fimm vórðu feld. Einki uppskot fall burtur. Tá ungdómstingið end­ aði, kundi løgtingsfor­ maðurin boða frá, at limir­ nir í ungdómstinginum høvdu hildið 285 røður ella viðmerkingar í seks tímar og eitt korter. Teir høvdu havt 18 munnligar fyri­ spurningar til løgmann og landsstýrisfólk, so sigast má, at limirnir høvdu verið ógvuliga produktivir. Super feitt Tá ungdómstingið endaði, fekk Sosialurin orðið á tveir av tinglimunum, Hera Arge og Elsbeth Patersen úr Argja skúla. ­ Hetta var super feitt. Tað var stuttligt at sleppa at royna tað, sum politikararnir gera, vóru tey bæði samd um. Hetta ungdómstingið gjørdist nógv meiri spenn­ andi, enn tey bæði høvdu roknað við. ­ Vit trúðu slett ikki, at vit sluppu at vera so nógv við. Vit hildu ikki, at vit skuldu sita so nógv inni í tingsalinum, men roknaðu við, at vit bara skuldu lurta eftir politikarunum, søgdu Heri og Elsbeth. Ungdómstingið var skip­ að soleiðis, at øll tey lut­ takandi skuldu hava orðið í minsta lagi einaferð, men sum í tí veruliga tinginum vóru summi títtari á røðara­ pallinum enn onnur. Fyri flokkin hjá Hera Arge og Elsbeth Petersen var galdandi, at onkur meld­ aði til beinanvegin, meðan meiri trekt gekst at fáa kvotuna fylta. ­ Tað skuldu sita seks frá hvørjum flokki í tinginum, og eg var við uppá tað alla tíðina. Eg meldaði meg til sum tann fyrsti, tá tingið skuldi mannast, sigur Heri Arge. ­ Og eg var tann seinasta, sum kom við, leggur Elsbeth aftrat. Meðan Heri Arge framm­ an undan er politiskt áhuga­ ður, er tað meiri so sum so við hesum áhuganum hjá Elsbeth Petersen. ­ Men eg skilji í hvussu er nógv betur politikkin nú, sigur Elsbeth Petersen. Tey eru annars ovfarin av, hvussu seriøst tey eru blivin tikin av etableraðu politik­ arunum. Og at øll taka hetta í álvara sást væl av, at øll landsstýrisfólkini umframt løgmann vóru møtt upp til munnligu fyrispurningarnar frá ungdómstinginum. Ein uppliving, sum tey bæði, Heri Arge og Elsbeth Petersen, eru ógvuliga fegin um at hava fingið. Ungdómstingið fekk ein buldrasligan enda, tá úthurðin fór í smæsta smildur, tá ein genta skuldi lata hana upp Mynd: Álvur Haraldsen. Heri Arge og Elsbeth Petersen úr Argja skúla vóru sera fegin um at hava verið við til ungdómstingið Mynd: Álvur Haraldsen Seriøst ungdómsting Dýrur hjúnaðarskilnaður Sir Paul McCartney er í hesum døgum í rættinum í sambandi við hjúnaðarskilnaðin frá konuni Heather Mills. Tey bæði blivu gift í 2002, men hjúnaðarbandið helt ikki, og í 2006 fóru tey hvør til sítt. Áðrenn tað høvdu tey tó fingið eina dóttir saman. Rættarmálið byrjaði við grummum lagi á teimum báðum, men eftir rættarfundirnar í gjár tóktist lagið betri, og tað er nú nógv, ið bendir á, at tey skiljast í sátt og semju. Heather Mills hevði upprunaliga ætlað at kravtmillum 80 og 100 milliónir pund (800­1000 milliónir krónur), men væntandi endar tað við umleið hálvari milliard. Ikki so galið kortini. Credit Suisse niðurskrivar Sveisiski stórbankin Credit Suisse sleppur heldur ikki undan døpru avleiðingunum av subprimekreppuni, og bankin leggur nú fram eitt avlop fyri fjórða ársfjórðing, sum er 72% minni enn sama tíðarskeið í fjør. Tað eru niðurskrivingar á tilsamans 1,3 milliardir sveisarafrank (6,1 milliard krónur) á virðisbrøvum sum skuld og lán, sum oyðileggur úrslitið fyri fjórða ársfjórðing, sum gav eitt avlop á 1,3 milliard sveisarafrankar móti einum avlopi upp á 4,7 milliardir sama tíðarskeið í fjør.