týsdagur 19. februar 2008síða 4

4 Nr. 35 - 19. februar 2008 tíðindi Fyrrapartin í gjár varð heimsins stórsta frímerki avdúkað á suðurendanum á posthúsinum í Klaksvík KlaKsvíK Anna V. Ellingsgaard anna@sosialurin.fo Myndir: Høgni Thomsen Fitt av fólki var saman­ komið, tá heimsins stórsta frímerki, sum mátar góðar tvær ferðir tríggjar metrar, varð avdúkað á suður­ endannum á posthúsinum í Klaksvík í gjár. Tað er Eward Fuglø, listamaður, ið hevur gjørt frímerkið í sambandi við 100 ára hátíðarhaldið hjá Klaksvíkar Kommunu í ár. Frímerkið skal síggjast sum ein skaldsligur fagn­ aður av Klaksvík, sigur listamaðurin. Klaksvík á heimskortið Sermerkta frímerkið er úrslit av samstarvi millum Frímerkjadeildina, mentan­ ardeildina hjá Klaksvíkar kommunu og listamannin Edward Fuglø. Eftir at hava bjóðað væl­ komin, gav Svanbjørg Manai, leiðari á Frímerkja­ deildini, Steinbjørn Jacob­ sen, borgarstjóra, orðið og heiðurin av avdúka ovur­ stóra frímerkið. Borgarstjórin fjaldi ikki yvir, at hetta kendist sum ein stór hátíðarløta. ­ Henda útgáva er við til at seta Klaksvík á heims­ kortið saman við einum av okkara fremstu listafólkum, Edward Fuglø, sum við hesum frímerkinum sera beinrakið lítur langt út í framtíðina, segði Steinbjørn Jacobsen millum annað. Eftir at frímerkið var avdúkað, vórðu øll boðin inn á posthúsið til ein bita og okkurt drekkandi aftur­ við. Hesa løtuna handaði Svanbjørg Manai borgar­ stjóranum og listamanninum hvør sítt innrammaða eintak av frímerkinum. Síðani var Edward Fuglø klárur at signera fyrstadags brævbjálvar, sum øll, ið høvdu hug, fingu høvi at ogna sær. Skaldsligur fagnaður av Klaksvík Hetta er ikki fyrstu ferð, Edward Fuglø teknar frímerki, og veit hann, hvat ein slík uppgáva inniber ­ Myndevnið má fyrst og fremst kunna fungera í lítla frímerkjaformatinum. Tí má tað vera lutfallsliga einfalt og markant, sigur Edward Fuglø, sum hesu­ ferð hevur tikið støði í pyramiduskapaða Kunoyar­ fjalli. ­ Grundleggjandi mynd­ evnið gav seg mest sum sjálvt, tí umhvarvið av Kunoyarfjalli er jú vorðið sjálv ímyndin av Klaksvík, sigur listamaðurin. Frá pyramiduskapinum er frímerkið bygt upp sum ein lýrisk brotamynd, har fiskurin ímyndar vinnuna, báturin endurspeglar sam­ ferðsluna, grønu teigarnir leita aftur til dyrkaða lendið og bóndasamfelagið, meðan húsini upp eftir fjallasíðuni siga søguna um heim og trivnað. Eisini tað søkjandi, droym­ andi og framtíðin eiga sítt pláss í merkinum í barninum, sum hyggur at mánanum og stjørnunum. Tær seks stjørnurnar ímynda tær seks norðoyggjarnar. Á nýggja merkinum hevur havið eisini fingið ein nýggjan listarligan búnað í aldutu skriftini í navninum ”Klaksvík”. Sambært Edwardi Fuglø er frímerkið ætlað sum ein skaldsligur fagnaður av Klaksvík í 100 ár. Klaksvík avdúkað heimsins størsta frímerki Netbanki - tá tí og hugur er til tess Gunnar Streymoy Íløguráðgevi Tlf. 516227 gst@skjernbank.dk Við netbanka-loysnini hjá Skjern Bank kanst tú keypa og selja virðisbrøv tá tú hevur tíð og hug. Set teg í samband við Gunnar Streymoy og fá meira at vita. Spenningurin var stórur, tá borgastjórin í Klaksvík avdúkaði heimsins størsta frímerki Nýggja frímerkið er úrslit av samstarvi millum Klaksvíkar Kommunu, Frímerkjadeildina og listamannin Edward Fuglø Góðar tvær ferðir tríggjar metrar mátar heimsins størsta frímerki, ið verður at síggja á suðurendanum á posthúsinum í Klaksvík alla hesa vikuna Eftir avdúkingina vóru leskiligir pinnamatar at fáa inni á posthúsinum