týsdagur 4. mars 2008síða 18

22 Shipping Føroyar 2008 Sosialurin 4. mars 2008 Tað er ikki óhugsandi, at verksmiðjutrolarin Hercules, sum brendi og sum Framherji nú eigur, verður riggaður til seismikkvinnu heldur enn til fiskivinnu. – Vit hugsa eisini um at hava onnur bein at standa á enn bara fiskivinnuna, sum er avmarkað í vavi, sigur Anfinn Olsen, reiðari Virksemið hjá føroyska fiski­ skipaflotanum kann ikki roknast sum shipping­vinna í orðsins rætta týdningi. Farmasigling er tað, sum vit vanliga hugsa um, tá ið orðið “shipping” verður nevnt. Men shipping fevnir eisini um virksemi í sambandi við eitt nú frálandavinnu. Tað er her, at felagið Framherji og tann manning, sum felagið hevur undir sínum veingjabreiði, kann koma at gerast ein partur av føroysku shipping­vinnuni. Framherji eigur Fagraberg, Vesturvón, Høgaberg og Stapan, og í september síðsta ár keypti felagið eisini stóra verksmiðjutrolaran Hercules, sum Thor í Hósvík átti. Eldur kom í tvey av stóru verksmiðjuskipunum hjá Thor, og Hercules var hin fyrri sum brendi. Eldur kom í Hercules í apríl mánaða í fjør – og eldur kom í Athenu í juli. Framherji keypti Hercules frá Tryggingarfelagnum Føroya. Fifty fifty Anfinn Olsen, reiðari, sigur, at Hercules enn liggur í Chili. ­ Vit hava ruddað skipið, og tungoljan er tikin upp. Nú verður stálið skorið niður, sum vit vita skal skiftast, og meðan hetta arbeiði verður gjørt, verða vit noyddir at taka endaliga avgerð um, hvat skipið skal brúkast til. Hann sigur, at felagið í næstum fer at biðja um tilboð upp á at seta skipið í stand aftur. ­ Vit hugsa bæði um fiskivinnu og seismikk, og tankin um seismikkvirksemi liggur ikki longur burtur enn hin. Møguleikin er fifty fifty, sum reiðarin tekur til. Anfinn vísir á, at fiskivinna og seismikkvinna ikki liggja so langt frá hvørjum øðrum, sum onkur kundi hildið. ­ Í báðum førum snýr tað seg um at reka skip, og her hava vit føroyingar bæði dugnaligt fólk, drúgvar royndir og førleika. Hann sigur, at einasta ekspertisan, sum felagið ikki hevur í sambandi við møguligt seismikkvirksemi, er at gera sáttmálar við feløg, men her ber saktans til at brúka meklarar til at leggja sær lag á. ­ Eg veit, at eitt systirskip til Hercules er umbygt til seismikkvirksemi, og nú vit eiga hetta skipið, er eingin loyna, at vit fegin vilja hava okkurt nýtt bein at standa á í eini aðrari vinnu enn fiskivinnuni. Vælegnað skip Anfinn heldur, at tað í fyrsta lagi er støddin á hesum skipum, sum eru 105 metrar long og 20 metrar breið, ið ger tey vælegnaði til seismikkvirksemi, ið krevur nógv pláss. Skrokkurin á Hercules er eisini ísstyrktur, sum ger skipið vælegnað í økjum, har ísur annars kann verða ein trupulleiki. ­ Tá ið umvælingararbeiði er útboðið, og tilboðini eru komin innaftur, vita vit betur, hvørja leið vit fara at ganga við Her­ cules. Fiskivinnan er avmarkað, og tað liggur í ”sagens natur”, at vit vilja menna felagið til at fevna um meira enn fiskivinnu, sigur Anfinn Olsen, reiðari. Áður hevur verið nevnt, at umvælingin av Hercules helst fer at kosta einar 200 miljónir krónur, men sambært gomlu eigarunum kosta hesi skip einar 400 miljónir krónur at smíða, samstundis sum leveringstíðin er long. Vilmund Jacobsen vilmund@sosialurin.fo Skála Skipasmiðja hevur júst latið Thor í Hósvík hin fyrra nýbygningin av tveimum. – Nógva virksemi í seismikk- og oljuvinnuni ger, at okkurt eisini dettur á okkum, samstundis sum vit við slíkum sáttmálum gerast eitt sindur meira fjølbroyttir í okkara virksemi, sigur nýggi skipasmiðjustjórin Eyðfinn Egholm, stjóri á Tórshavnar Skipasmiðju, sigur, at høvuðsuppgávan hjá teimum framhaldandi verður viðlíkahald og umvælingar av okkara fiski­ og farmaskipaflota, eins og av teimum skipum, sum koma higar til lands. Aftrat hesum hevur skipasmiðjan eisini longt nøkur skip og bátar. ­ Hetta er okkara høvuðsvinna, og hetta er tann støðugi marknaðurin, vit hava. Aftrat hesum kemur so skipasmíð, sum er ein meira skiftandi marknaður. Vit kunnu siga, at skipasmíð fylgir meira konjukturunum kring um okkum enn tann parturin, sum fevnir um viðlíkahald og umvælingar. Globalt vir og nýg Framherji umhugsar at byggja Hercules, sum felagið eigur, til seismikkvinnu Hercules kanska í seismikkvinnu