mikudagur 5. mars 2008síða 25

25 tíðindi Nr. 46 - 5. mars 2008 Stutt Sagt Zapatero vann Fyrrakvøldið var tann seinni sjónvarpsdysturin ímillum José Luis Rodrig­ uez Zapatero, forsætisráð­ harra og andstøðuleiðaran, Mariano Rajoy, undan tjóðartingsvalinum, sum verður í Spania sunnu­ dagin. Aftan á sendingina vísti ein spurnarkanning, at 49,2 prosent av hyggj­ arunum hildu Zapatero hava vunnið dystin, með­ an 29 prosent hildu Rajoy vera tann betra. So stórur er munurin ikki ímillum flokkarnar í meininga­ kanningunum. Tær sein­ astu kanningarnar benda á, at sosialistaflokkurin hjá Zapatero fer at vinna valið við fýra prosentstig­ um framman fyri ta borgarligu andstøðuna. Kongur í fongsli Amerikanski fjølmiðla­ kongurin Conrad Black er farin undir at sita dómin, sum hann hevur fingið fyri svik. Hann er dømdur hálvt sjeynda ára fongsul og hevur valt at sita dómin í einum fongsli í Coleman í Florida. Í rættinum varð Conrad Black ákærdur og dømdur fyri svik og fyri at hava forðað dómsvald­ inum at arbeiða, meðan hann bleiv fríkendur fyri eitt nú skattasvik. Tá Conrad Black var í væl­ maktini, átti hann bretska blaðið The Daily Tele­ graph og fleiri bløð í USA, Kanada og Ísrael. Hann var ein av fremstu stuðlunum hjá Margareth Thatcher, og Henry Kissinger var ein av vinmonnum hansara. Góður húsaprísur Ukrainska Elena Franchuk hevur keypt sær hús í Ken­ sington í London, og sam­ bært blaðnum Daily Mail hevur hon goldið 80 milli­ ónir sterlingpund fyri húsini. Elena Franchuk, sum er kend fyri sítt stríð ímóti eyðkvæmi, hevur tó neyvan goldið alt sjálv. Hon er gift ríkmanninum Viktor Pinchuk, sum sigst hava milliardir í bankanum. SAMBAND árNi joeNSeN fArtekSt@MAil.Dk -Tað skuldi ein Clinton til at rudda eftir fyrra Bush, og tað skal ein Clinton til at rudda eftir seinna Bush Hillary Clinton útlond Eftir ellivu ósigrar á rað vann Hillary Clinton eina sera spennandi valnátt við at vinna í trimum av fýra statum. Nú hevur hon aftur møguleikan at røkka Hvítu Húsunum ­Takk Ohio! Vit vita, at amerikanska fólkið at­ kvøður, soleiðis sum Ohio atkvøður, rópti Hillary Clinton, tá hon í morgun takkaði sínum stuðlum í býnum Columbus. Tað var týðiligt, at hon var fegin um úrslitið, og tað sást, at hon hevði fingið sjálvsálitið aftur, skrivar Reuters. Teir seinastu dagarnar hevur Hillary Clinton hert álopini á Barrack Obama. Millum annað hevur hon sagt, at hann er ikki nóg búgvin til forsetaembætið. Politiskir eygleiðarar siga, at álopini hava ávirkað fleiri veljarar, og meiningakann­ ingarnar vísa eisini, at meirilutin av teimum, sum tóku støðu í seinastu løtu, valdu at atkvøða fyri Hillary Clinton. Eygleiðararnir vænta tí, at hon fer at herða álopini á Barrack Obama teir næstu dagarnar. Obama hevur framvegis fleiri valmenn enn Hillary Clinton, og hann hevur eisini meiri pengar til tey seinastu uppstillingarvalini. Fyri Hillary Clinton vóru úrslitini í nátt avgerandi fyri, at hon yvirhøvur kundi halda fram. Eygleiðarar vænta, at hvørki teirra fer at fáa nóg nógvar valmenn fyri at tryggja sær meiriluta á landsfundinum hjá demo­ kratiska flokkinum í august, og tí kunnu úrslitini í nátt hava við sær, at flokkurin ikki hevur eitt greitt valevni at vísa á, tá landsfundurin verður. Obama góðar vónir Barrack Obama ætlar sær í hvussu er at stríðast til tað seinasta, og hann sigur seg hava líka góðar vónir enn. ­Vit eru líka langt frammanfyri, sama hvat hendir í nátt, og vit eru í ferð við at vinna uppstill­ ingina, segði hann við sínar veljarar í nátt. Tá var úrslitið úr Texas ikki komið, og Obama ynskti Hillary Clinton tillukku við sigr­ unum í Ohio oh Rhode Island. Sjálvur vann hann í Vermont. Í Texas bar ikki til at útnevna Hillary Clinton sum vinnara, fyrr enn 75 prosent av atkvøðunum vóru taldar. Hon fær kortini ikki fullan ágóða av sigrinum orsakað av teirri serligu vakskipanini har. Eftir reglunum fáa valevnini tveir triðingar av valmonnunum út frá úrslitinum á uppstilling­ arvalinum, meðan tann seinasti triðingurin verður valdur á serligum fólka­ fundum, og her hevur Barrack Obama ein fyrimun, siga eygleiðararnir. I am back, rópti ein ovurfegin Hillary Clinton, tá tað var greitt, at hon hevði vunnið í Ohio Mynd: AP I am back Aftan á uppstillingar­ valini í gjár er greitt, at John McCain verður forsetaval­ evni hjá republik­ anarunum John McCain vann sum væntað uppstillingarvalini hjá republikanarunum í Ohio, Rhode Island, Ver­ mont og Texas, og senator­ urin úr Arkansas hevur sostatt tryggjað sær teir neyðugu valmenninar til tann endaliga uppstillingar­ fundin hjá republikanska flokkinum. Sambært CNN hevur McCain fingið fleiri enn teir neyðugu 1.191 val­ menninar. Tað ger, at eingin kann fáa hann aftur, og í morgun boðaði hansara seinasti kappingarneyti, Mike Huckabee, frá, at hann gavst við valstríðnum. Samstundis segði hann seg styðja McCain sum republi­ kanskt forsetavalevni. Amerikanskir fjølmiðlar skrivaðu í morgun, at George W. Bush, forseti, hevði boðið McCain í Hvítu Húsini at vitja, nú tað er greitt, tað verður McCain, sum skal royna at varðveita Hvítu Húsini á republi­ konskum hondum. So hevur McCain tryggjað sær uppstillingina Tann 71 ára gamli John McCain hevur nú tryggjað sær uppstillingina Mynd: AP Eftir valini í nátt sær valmannabýtið soleiðis út: Demokratarnir: Barack Obama: 1.451 Hillary Clinton: 1.365 John Edwards: 26 Edwards er givin. Republikanararnir: John McCain: 1.226 Mike Huckabee: 251 Ron Paul: 21 Mitt Romney: 255 McCain hevur tryggjað sær uppstillingina.