hósdagur 6. mars 2008síða 15

Nr. 47 - 6. mars 2008 15 Andlát og jarðarferðir nøvn Dusina Kjærsgaard, vanliga nevnd Dus, fødd Mortensen á Geil á Argjum, andaðist mánadagin, 84 ára gomul. Jarðarferðin verður úr Hvalsø kirkju fríggjadagin kl. 10.30. Andlát og jarðarferðir Tøkk Hjartaliga takka vit øllum, sum sýndu samkenslu, tá kæra mamma, omma, vermamma og langomma okkara Sofie Sevdal Fía av Regni, ættað úr Leirvík andaðist og varð jarðað. Vit takka tykkum øllum hjartaliga, sum á ymiskan hátt vístu okkum samkenslu og hjálpsemi. Serstøk tøkk til tykkum á Vesturstovu fyri kærleika og umsorgan, tykkum, sum vitjaðu hana frá tíð til aðra og tykkum øll, ið fylgdu henni til hennara seinasta hvíldarstað her. Regin, Jógvan Páll, Hegin og Osla Dagurin 7. mars. Perpetua, deyð ár 202 ella 203. Trælkona í Kartago sum saman við hábornari konu Felicitas varð tikin av døgum fyri trúar sakir. Leygardagin 8. mars verður ein stuðulssending í Lindini, til frama fyri stovnsetan av eini kristiligari útvarpsstøð í Nuuk í Grønlandi Útvarp Snorri Brend Lindin hevur seinastu árini savnað pening inn til ymisk evangeliskt arbeiði kring heimin. Leygarkvøldið er ætlanin at hjálpa samkomum í Grøn­ landi, við m.a. at veita peningaligan stuðul og tekniska hjálp. Fríkirkjurnar undir INO ætla nevniliga at byrja eitt útvarpsarbeiði. INO “Inu­ unerup Nutaap Oqaluffa” fevnir um sjey samkomur, sum liggja í Nuuk, Mani­ itsoq, Sisimiut, Aasiaat, Ilulissat, Kullorsuaq og Upernavik. Í hesum sambandi fer Lindin at hava eina stuðuls­ sending komandi leygardag, har lurtararnir fáa høvið at stuðla við at ringja inn og tekna teg fyri eina ávísa upphædd. Sendingin byrjar kl. 15 og endar kl. 23. Í sendingini fara vit at hava áhugavert prát við fólk í Grønlandi og við fólk her á landi, sum hava eitthvørt serstakt at siga frá í sam­ band við Grønland, upplýsir Tór Arni Samuelsen, daglig­ ur leiðari í Lindini. Møguleiki verður eisini at hoyra sang og tónleik beinleiðis úr Evangeliihús­ inum. Millum sangararnar eru Martin Joensen, Sigrid Rasmussen, Theodor Peter­ sen, Birgit Thomsen, Krist­ ina Bærentsen og Karl Johannesen. Allir stuðlar hjá Lindini og onnur áhugaði eru væl­ komin í Evangeliihúsið leygardagin millum kl. 16 og 18 til ein drekkamunn og at hoyra góðan sang og tónleik. Kom væl við Í fjør varð gjørt av, at pen­ ingurin skuldi latast til “Børn kring heimin”. Hetta tiltakið fevndi um stuðul til trý støð: Eitt gentu­ heim í Nakuru í Kenya, summarlegur fyri børn í Rumenia og stuðul til arbeiðið millum børn í Kiev í Ukreina. ­ Stuðulin kom væl við hjá øllum, kanska á ein ser­ ligan hátt hjá gentuheimin­ um í Nakuru, sum við pen­ inginum fingu gjørt gentu­ heimið liðugt, júst áðrenn ófriðurin aftaná forsetavalið byrjaði av álvara, verður sagt úr Lindini. Lindin stuðlar grønlendskari útvarpsrás Tøkk Hjartaliga takki eg øllum, sum við gávum, telegrammum og blómum gleddu meg á 75 ára føðingardegnum. Eina serliga tøkk til tykkum sum hjálptu til við matgerð o. ø. og gjørdu mær kvøldið hugnaligt. Heilsan Kristianna Joensen 520 Leirvík Í apríl í ár verður Ribarhús í Fuglafirði karmur um eitt áhugavert listaligt skeið í myndaseyming. Kenda danska lista­ kvinnan Solvejg Refslund fer at undirvísa, og eingin tekur hana, tá ið tað kemur til skeið av hesum slagi. Solvejg er ”sjálvlærd” og hevur torað sera væl at gingið nýggjar og spennandi leiðir, og hevur verið ófør at funnið øðrvísi mátar at gera tingini uppá, hon hevur fingist við myndlist í eini 30 ár og hevur hildið skeið í nógvum londum, t.d. í Íslandi, Norra og Svørríki og í Føroyum var hon fyrst í 90­unum og helt skeið í Runavíkar skúla. Henda góða kona kemur nú aftur hendan vegin, og spennandi verður at síggja, hvussu hon fer at fáa skeiðs­ luttakararnar at sleppa hugflognum leysum, og við sínum seymimaskinum fara at mála hugtakandi myndir, bæði úr veruleikanum og úr hugans heimi. Skeiðið í myndaseyming verður sum sagt í Ribarhúsi í Fuglafirði, sum er eitt væl­ egnað stað til eitt tílíkt skeið í hugnaliga gamla pakkhúsinum, mettað við atmosferu har eisini handilin hjá heima­ virkisfelagnum er beint við hondina. Skeiðið sum verður frá 22. til og við 26. apríl frá kl. 9.00 til 17.00, er fyri øll, sum hava áhuga, men lut­ takaratalið er avmarkað, so skjótt má berast at, um tú ætlar tær við. Fáið meira at vita á okkara heimasíðu www. ribarhus.com/ Ella ring til Odvør tlf 444440/268690. Myndaseyming í Ribarhúsi Listakvinnan Solvejg Refslund