mánadagur 31. mars 2008síða 41

Nr. 61 - 31. mars 2008 41 tíðindi Magni Arge, stjóri í Atlantsflogi, segði á móttøkuni í hangar­ inum fríggjadagin, nú Atlantsflog hevur 20 ár á baki, at ferðasambandið og førleikin at ferðast er fyritreytin fyri trivnaði í framkomnu Føroyum Móttøka Vilmund Jacobsen vilmund@sosialurin.fo myndir: Jens kristian Vang - Eg minnist, sum tað var í gjár, tá eg fyrstu ferð trein inn um gáttina í hesum bygningi fyri skjótt 13 árum síðan. Eg gjørdist ovfarin av hesi vælskipaðu, dynam- isku fyritøku, ið eg annars bert kendi sum ferðamaður. Ein stálsettur og kolosalur vilji merkti fyritøkuna tá – og ger tað enn í dag. Á samkomuni fríggjadag- in ásannaði Magni Arge, stjóri í Atlantsflogi, at tað er hesin sami vilji og áræði til at taka upp nýggjar avbjóðingar og flyta mørk, sum hevur flutt felagið fram á leið. - Atlantsflog er í dag eitt felag, sum ræður yvir sjey flogførum, trimum tyrlum og 280 starvsfólkum við virksemi í fleiri londum. Merkisdagar Stjórin nevndi nakrar dagar í søgu felagsins, sum hann heldur hava verið meira merkisverdir enn aðrir. - Týdningarmiklasta markið í mínari tíð varð sett, tá roknskapurin fyri 1995 fyri fyrstu ferð vísti eitt avlop – og prógvaði, at eksperimentið bar til. Síðan hevur avlop verið á roknskapinum øll árini. - Vit eru errin um tey mál, vit hava rokkið higartil, 1) Ferðasamband til granna- lond, 2) Títtari fráferðir, 3) Høgt reglusemi eftir umstøð- unum og 4) Ment bygda- flúgving, leiting og bjarg- ing. Stjórin takkaði Magni Arge segði, at ferða- sambandið og førleikin at ferðast er fyritreytin fyri trivnaði í framkomnu Føroyum. - Vit vita, at tað eisini er neyðugt at skapa alternativar vinnumøguleikar í Føroyum við áhugaverdum og avbjóðandi størvum til tess at gera tað áhugavert at búgva her. Stjórin nýtti eisini høvi at takka øllum sínum starvs- fólkum hjartaliga fyri ágrýtni og dugnasemi. Á móttøkuni segði eisini nevndarformaðurin í Atlantsflogi, Christian Andre- assen, nøkur orð, og sama gjørdi Finnbogi Niclasen, flogvallaovasti, sum handaði Atlantsflogi ein málning í sambandi við dagin. Í sambandi við heiðurin sum Ársins Lærupláss 2007, segði eisini William Smith, teknikani, nøkur orð, og tað gjørdi danin, sum handaði felagnum heið- ursgávuna, eisini. Ársins lærupláss Millum 30 onnur lærupláss innan flogídnaðin í Dan- mark, Føroyum, Íslandi og Grønlandi var Atlantsflog herfyri kosið ársins læru- pláss 2007. Tað er TEC (Teknisk Erhvervs Center) í Dan- mark, sum stendur fyri kjós- ingini, og í hangarinum fríggjadagin varð heiðurs- gávan handað Atlantsflogi. Heiðurin er latin Atlants- flogi, tí sigur lærlingarnir: 1) trívast sosialt og hava góð arbeiðsviðurskifti, 2) verða virdir fyri sítt arbeiði og sum menniskju og 3) fáa avbjóðandi arbeiðsuppgáv- ur og uppliva at læruplássið ger nakað serligt fyri lær- lingin. Ferðasambandið er fyritreytin fyri trivnaði í Føroyum - Vit vita, at tað er neyðugt at skapa alternativar vinnumøguleikar í Føroyum við áhugaverdum og avbjóðandi størvum til tess at gera tað áhugavert at búgva her, segði Magni Arge, stjóri í Atlantsflogi Her fær Atlantsflog heiðurin fyri at vera Ársins Lærupláss í 2007. Felagið er valt út millum 30 feløg í Danmark, Íslandi, Grønlandi og Føroyum, sum arbeiða innan flogídnaðin Finnbogi Niclasen, flogvallaovasti, handar Atlantsflogi málning í sambandi við 20 ára dagin