fríggjadagur 11. apríl 2008síða 4

4 tíðindi Nr. 70 - 11. apríl 2008 »Reinur og fríður – Klaksvíkar býur«. Soleiðis hevur tað ljóðað í Klaksvík í mong ár, og soleiðis ynskir býráðið eisini at tað skal ljóða í framtíðini. – Vit í býráðnum vilja fegin ganga á odda at fríðka bý okkara, sigur borgarstjórin, Steinbjørn O. Jacobsen Umhvørvi Snorri Brend snorri@sosialurin.fo Myndir: Høgni Thomsen Klaksvík: Seinnapartin í gjár var ein fittur skari av vaksnum fólki at síggja niðri á Hellisenda við Borð­ oyavík. Við nærri kanning vísti tað seg, at hetta vóru fólk úr umsitingini í Klaksvíkar kommunu. Við borgarstjór­ anum sjálvum, umhvørvis­ leiðaranum og øllum hinum var endamálið at rudda sandin á hesum vakra stað­ num. Tey ruddaðu eisini á sama staði í fjør, og kundu í ár staðfesta, at átakið í fjør hevði gjørt mun: Tað var væl minni av ruski á sandi­ num í gjár. ­ Okkara ynski er, at hetta skal vera eitt signal til hinar borgararnar um vit øll eiga at hugsa meiri um um­ hvørvið í okkara býi. ­ Vit hava ein vakran bý, og tað bæði ynskja vit og kunnu vit framvegis hava, um hvør tekur upp eftir seg sjálvan, sigur Steinbjørn O. Jacobsen. Seinni í hesum mánaði­ num sleppur øll Klaksvíkin at rudda, tá almenn um­ hvørvisvika verður á skránni. Útum eina løtu Klaksvíkar kommuna skip­ aði á fyrsta sinni fyri slíkum ruddingardegi í fjør. Hetta royndist helst so mikið væl, at avgjørt varð at endurtaka tiltakið aftur í ár. Í middegi hósdagin varð umsitingin í býráðnum í roynd og veru stongd, tí nú skuldu øll fólkini út at rudda – hesaferð í Borðoyar­ vík. ­ Vit sita jú inni so at siga allan dagin, og tí er ikki so galið at fara útum eina løtu, sigur borgarstjórin við ein­ um brosi. Herfyri fekk kommunan ein nýggjan umhvørvisleið­ ara – Tórhild Bjarkhamar – og tað er hon sum stendur fyri tí stóra átakinum, sum fer at sermerkja næststørsta bý okkara henda komandi mánaðin. Nú hetta átakið verður skotið í gongd, varð hildið rættast at fólkini í umsiting­ ini gingu á odda og ruddaðu líkasum slóð fyri øllum hin­ um. Fylti posan Eitt av aðalmálunum hjá kommununi hevur verið at hava býin so vakran og ruddiligan sum gjørligt. Út frá slagorðinum oman fyri hevur verið roynt at gera sítt til, at býurin kundi liva upp til hetta endamál­ ið. Men Klaksvík er annað enn býurin og bygdirnar í kommununi. Borðoyarvík er eisini ein partur av hon­ um, og tað vísir seg, at her er nóg mikið av upptaki, millum annað plastikki og nógvum rekaviði. ­ Ja, eg veit ikki. Eg eri beint nú komin, og tað tók mær bert eina lítla løtu at fylla tann fyrsta skrelliposan við ruski, sigur Steinbjørn. Hann leggur tó dent á, at henda uppgávan er ikki bert ætlað fólkunum í umsiting­ ini. Her má hvør einstakur klaksvíkingur taka lut. ­ Vit mugu gera hetta sam­ an, og vit í umsitingini vilja fegin ganga á odda, slær borgarstjórin fast. Pappír sløðist Millum ælini seinnapartin í gjár ruddaðu tey uttandura. Men sum ein part av átaki­ num skuldu tey eisini rudda innandura – á skrivstovun­ um hjá teimum sjálvum. ­ Vit hava verið sera effek­ tiv í dag, og eg ivist onga løtu í, at tá vit fara at rudda inni hjá okkum sjálvum, verða vit minst líka so effek­ tiv. ­ Sjálvandi eru fólk ymisk og rudda meiri og minni eftir sær. Men tað er sjálv­ andi altíð nógv pappír og annað sum sløðist á eini skrivstovu sum okkara. Hetta ynskja nú vit at fáa á sítt rætta pláss, sigur Stein­ bjørn, og leggur aftrat: ­ Á henda hátt vóna vit at skrivstovan og býráðshúsið verða ein fyrimynd fyri onn­ ur! Og tað kundi meiri enn so hent, at tey komu fram á okkurt gott uppskot til frama fyri Klaksvíkina, og sum í síni tíð varð lagt í nið­ astu skuffuna! Rudda slóð fyri hinum - Øll kunnu gera eitt sindur, sigur borgarstjórin Steinbjørn O. Jacobsen Klaksvíkar kommuna setti herfyri ein umhvørvisleiðara, Tórhild Bjarkhamar (fremst á myndini). Hon helt seg heldur ikki aftur, tá umsitingin í býráðnum ruddaði í Borðoyarvík seinnapartin í gjár Umhvørvisætlan fyri Klaksvíkar kommunu Tórhild Bjarkhamar varð herfyri sett í starv sum umhvørvisleiðari í Klaksvíkar kommunu, og longu nú sæst fyrsti farvegurin eftir hennara arbeiði. Herfyri varð hildin fundur, har eina ætlan um eitt stórt umhvørvisátak varð til viðgerðar. Umboð fyri allar deildir í býráðsumsitingini vóru uppmøtt, politikkarar og onnur. Bergmann Finnson frá Agenda 21 stovuni varð eisini boðin við og greiddi frá virkisøkinum hjá Agenda 21 stovuni, har serliga burðardygg menning er miðdepilin. ­ Týdningarmikið er at fáa allar borgarar við, tá ein umhvørvisætlan verður gjørd, hetta fyri at tryggja ein ognarskap í átakinum, vísti Bergmann Finnson á. Ruddingardagar fyri fríðum býi Eitt av arbeiðunum hjá nýggja umhvørvisleiðaranum, Tórhild Bjarkhamar hevur verið at evna eina umhvørvisætlan fyri alla kommununa. Ein partur av hesum er longu sett í verk, millum annað við ruddingardegnum í gjár, sum greitt er frá niðanfyri. Á skránni er annars hetta teir komandi dagarnir: Hósdag­ in ruddaði býráðsumsitingin í Borðoyarvík. Frá mikudegnum 7. apríl til og við sunnudagin 11. apríl fara allar deildir hjá umsitingini at rudda innanhýsis. Fríggjadagin 9. mai fer býráðsumsitingin at rudda upp í býráðshúsinum. Almenn umhvørvisvika verður í viku 18 har almenn umhvørvistiltøk verða alla vikuna, og leygardagin 2. mai verður almennur ruddingar dagur fyri alla kommununa