mánadagur 14. apríl 2008síða 15

15 tíðindi Nr. 71 - 14. apríl 2008 nøvn , hvat so? Sjúrður Skaale, Norðuratlants­ bólkurin Sjúrður Skaale málaði eina skemtiliga mynd av ríkisrættarligu støðu Føroya og Danmarks. Sjúrður greid­ di frá, hvussu hann hevði kært sína neyð fyri táverandi ST­aðalskrivaranum Kofi Annan, og fortalt honum hvussu Føroyar vórðu kúgaðar av Danmark. Kofi Annan hevði áhugaður spurt, hvussu nógvir føroyskir frælsisstríðsmenn vórðu dripnir av dønum, og hvussu nógvir føroyskir politikarar sótu fongslaðir í Danmark. Tá Sjúrður so svaraði, at eingin var dripin ella sat í gegli, spurdi tann undrandi ST­aðalskrivarin so, hvussu Føroyar vórðu kúgaðar. Og tað var tað so at Sjúrður svaraði, at danir kúgaðu føroyingar við at tveita hundraðtals milliónir av krónum eftir teimum árli­ ga. Henda søga er áður er brúkt sum atfinning og niðurger av Tjóveldinum og arbeiði teirra, men Sjúrður Skaale brúkti hana skemtili­ ga til at undirstrika høvuðs­ evnið á Studentadegnum, sum var: “Farvæl til blokk­ stuðulin – og hvat so?”. Peter Skaarup, Dansk Folkeparti Peter Skaarup gjørdi eins og Naser Khader og Sjúrður Skaale, og valdi skemtiliga inngangsvinkulin til sítt upplegg. Hann endurgav søguna, sum danska gratis­ avísin MetroExpress kun­ gjørdi 1. apríl, um at hann einki hevði ímóti at selja Grønland, nú USA hevði bjóðað 1,2 milliardir krónur upp á landið. Tí, sum Peter Skaarup var endurgivin fyri at siga, so hevði Grønland ikki volt Danmark annað enn trupulleikar seinastu árini. Síðani minti Peter Skaarup á, at tað er annað enn blokkstuðul, sum bindir londini í ríkisfelagsskapin­ um saman. Eitt sjónarmið, sum allir røðarar førdu fram. Peter Skaarup skapti annars ikki øsing á sama hátt, sum Søren Espersen gjørdi til seinasta Studenta­ dagin, og Peter Skaarup segði seg enntá, at hann var positivt sinnaður yvir fyri spurninginum um “selvsty­ re”, sum hann tók til. Men tá tað snýr seg um “selv­ stændighed” er støðan ein onnur, gjørdi hann greitt. Margrete Vestager, Det Radikale Venstre Margrethe Vestager frá Radikale Venstre gav Føroy­ um so at siga einki pláss í sínum uppleggi. Tá góðir tíggju minuttir vóru farnir, og hon enn ikki hevði nevnt Føroyar við einum orði, vóru tað fleiri sum fóru at ivast í, um hon hevði mis­ skilt sína uppgávu á degn­ um. Men tá talitíðin var um at vera uppbrúkt, nevndi hon at enda tær 18 oyggjar­ nar fyri norðan. Hon stað­ festi, at støðan hjá Grønlandi og Føroyum ikki er sambar­ lig, og at tað eisini var orsøk­ in til, at hon ikki hevði umrøtt Grønland, Føroyar og Danmark samstundis. Felags var tó, at týdningurin av at londini gjørdu avtalur, har pláss var fyri báðum pørtum, var tann sami, undirstrikaði Margrethe Vestager. Eins og hinir polit­ ikararnir ynskti Margrethe Vestager, at kjakið aftaná fór at snúgva seg um, hvus­ su londini í ríkisfelagsskap­ inum hava brúk fyri hvørj­ um øðrum, heldur enn spurningin um blokkstuðul­ in. Bertel Haarder, undir­ vísingarmálaráðharri Bertel Haarder úr Venstre, byrjaði við persónliga vinkl­ inum til Føroyar og Grøn­ land. Eins og øll hini, so hevði sjálvt undirvísingar­ málaráðharrin eisin fleiri góðar upplivingar í Føroy­ um og Grønlandi – fakligar eins væl og persónligar. Bertel Haarder brúkti síðani nógva tíð upp á at umrøða studentareformin, hvussu hann virkaði og hvørjar broytingar skulu gerast, tá hann skal tillagast aðrastaðni. Síðani var hann inni á, at man átti at gjørt øll Norðanlondini sum eitt áhugaverdari samstarvsøki. Her vísti hann á, at tað priv­ ata á nógvum økjum hevði yvirhálað politikararnar. At enda segði Bertel Haarder seg fegnast um, at vit seinnu árini hava dugað betur at samansjóða alsamt vaksandi talið av yvirtøkum, samstundis sum vit á øðrum økjum eru farin í tættari samstarv. Kristina Háfoss, mentamálaráðharri Kristina Háfoss tók fram tøl og fakta, sum siga, at alsamt færri føroyingar fly­ ta heimaftur eftir lokna útbúgving. Tað kann gerast okkara vanlagna, og keðili­ ga gongdin má vendast, vís­ ti Kristina Háfoss á. Hon helt, at Føroyar eiga at hava sum mál at gerast eitt kapp­ ingarført vitanarsamfelag, og tískil mugu fleiri pengar setast av til útbúgving, gransking og mentan. Tá landsstýriskvinnan umrøddi hetta evni, nevndi hon eisi­ ni, at Føroyar nærkast eini samstarvsavtalu við ES um útbúgving og gransking. At enda í síni fimm min­ uttir langu røðu, nam Krist­ ina Háfoss við spurningin um sentralisering og útjað­ aran. Ein spurningur, sum hevur verið nógv viðgjørdur heima í Føroyum. Her segði Kristina Háfoss, at Føroyar og Grønland eru at rokna sum útjaðarar, men at vit kunnu gera okkum galdandi, um vit eru við í fremstu røð á nøkrum úrvalsøkjum. Karsten Hansen, fíggjarmálaráðharri Karsten Hansen, fíggjar­ málaráðharri úr Miðflokkin­ um, vil hava føroyingar at skilja, at vit skulu rinda rokningina sjálvi. Tað var høvuðsboðskapur hansara, tá Karsten Hansen hann hevði orðið á Studentadegn­ um fríggjadagin. Upplegg hansara tók bein­ leiðis støði í yvirskriftini fyri dagin, nevniliga “Far­ væl til blokkstuðulin – og hvat so?” Við einum skeiv­ um smíli helt hann fyri, at tað fyri summi kanska kun­ di tykjast sum eitt paradoks, at ein fíggjarmálaráðharri brúkar orku uppá at frásiga sær pengar. Men síðani gjørdist andlitsbráið meiri álvarsamt, og landsstýris­ maðurin hjá Miðflokkinum gjørdi greitt, at vit mugu rin­ da rokningina fyri tað vit fáa. Eins og Kristina Háfoss staðfesti hann sjálvsagda týdningin av, at ung útbúgv­ in fólk venda heimaftur til Føroya, áðrenn hann kenslu­ borin rundaði av við at hug­ leiða um týdningin av, at tað vit hava er eins egna og okkara. Sendarin hjá Rás2 fluttur Nú er høvussendarin hjá Rás 2 á FM 102.0 Mhz fluttur frá Varða í Havn og út í nýggja húsið hjá R2 Net á Eggjarkletti á toppinum á Nólsoynni. Hetta merkir, at meira enn helvtin av øllum húsarhaldunum í Føroyum nú kunnu lurta á somu tídd fyri at hoyra Rás 2.