mikudagur 16. apríl 2008síða 2

2 Nr. 73 - 16. apríl 2008 SAMBAND kári MikkelSeN kAriM@SoSiAluriN.fo tlf. 341800 tíðindi Lars Wegendal, formaður í mentanarnevndini hjá Norðurlanda­ ráðnum, hevur sagt sessin frá sær, tí hann góðtekur ikki sparingar innan mentanarøkið Mentan Rigmor Dam rigmor@sosialurin.fo Ætlanin er at spara fimm prosent av játtanini til men­ tan hjá Norðurlandaráðnum, soleiðis at globaliseringin kann verða raðfest hægri. Tí leggur formaðurin í nevndini fyri útbúgving og mentan, Lars Wegendal, nú frá sær. Stórar broytingar í fjør høvdu við sær, at meiri pen­ ingur skuldi fara til verkætl­ anir og minni til umsiting. ­ Hetta er syndarligt! Av­ gerðin at skava fimm pros­ ent av játtanini til mentan, fyri at lata meiri til arbeiðið við globalisering, er í and­ søgn við lyftini vit góvu teimum sum arbeiða við mentan í fjør. Eg kann ikki hyggja tey í eyguni aftaná hesa ráðagerð, sigur Lars Wegendal, sum er limur í sosialdemokratiska bólkin­ um í Norðurlandaráðnum. Norðurlendsku stjórnar­ leiðararnir hava longu av­ rátt, at Norðurlond skulu gerast meiri sjónlig og kapp­ ingarfør í globalum sam­ bandi. Til hetta endamál verða 60 mió. kr. tiknar úr vanliga rakstrinum í fíggjar­ ætlanini fyri 2009, harímill­ um eisini fimm prosent frá mentanini. Eftir hvat ið skilst, er tað eisini í hesum sambandi at orðaskiftið um játtanina til Norðurlanda­ húsið í Føroyum hevur stungið seg upp. Lars Vegendal heldur and­ søgn verða millum at vilja raðfesta globalisering og at skerja játtanina til mentan. Lars Vegendal, sum hel­ dur fram sum vanligur lim­ ur í Norðurlandaráðnum, boðaði frá avgerð sínari á fundi hjá Norðurlandaráðn­ um í Stavanger týsdagin, skrivar Norden.org. Hóast foreldur á Velbastað klagaði til kommununa í trý ár, hendi onki fyrr enn Sosialurin kom uppí leikin. Nú er bygdaskeltið endiliga flutt og rulluportrið tikið burtur, so børnini kunnu ferðast tryggari í ferðsluni Ferðsla Rigmor Dam rigmor@sosialurin.fo Tað kemur í heilum fyri, at vanligir borgarar koma ikki ígjøgnum til myndugleik­ arnar við klagum sínum. Ikki fyrrenn miðlarnir koma uppí leikin henda broytingar. Hetta var eisini galdandi, tá fólk av Velba­ stað og úr Kirkjubø uppí saman gjørdu vart við ótryggu ferðsluviðurskiftini omanfyri bygdina. Um miðjan februar skriv­ aðu vit grein undir heitinum: Skúlabørn í deyðsfellu á Velbastað. Í undiryvirskrift­ ini stóð: Við 80 km/t strúka bilarnir framvið smáu skúla­ børnunum, sum skulu yvir­ um vegin. ­ Vit spyrja okkum sjálvi, hvør okkara eigur fyrsta barnið, sum liggur undir einum bili, sigur Brynhild Høgnadóttir, óttafull mamma og limur í stað­ bundnu nevndini. Í greinini varð víst á, at hóast staðbundna nevndin hevði gjørt vart við trupul­ leikan í trý ár, hendi onki. Børnini, sum skuldu í frí­ tíðarskúla, máttu yvirum ein landsveg, umframt at tey noyddust at stríða seg yvirum eitt gamalt rulli­ portur á landsvegnum. Tað einasta Tórshavnar Komm­ una skuldi gera, var at flyta bygdaskeltið, so tað kom at standa soleiðis, at bilar á veg inn á bygt øki kundu lækka ferðina í góðari tíð. Nú er hetta hent, og vit kunnu enn einaferð stað­ festa, at tíverri hendir ofta onki, fyrr enn miðlarnir koma uppí leikin. Ê -  9 ,   Ê  1 Ê 7
/ , Leiðari til deildina hjá Smyril Blue Water í Tórshavn Um hetta passar til tín persón, so kunnu vit bjóða tær eitt avbjóðandi starv við einum dynamiskum gerandisdegi í okkara spennandi speditión – og shippingfyritøku. Smyril Blue Water setur trivnaðin hjá starvsfólkunum høgt og samstarv er grundarlagið í okkara gerandisdegi. Tú verður leiðari hjá 16 dugnaligum starvsfólkum. Vit ynskja, at tú hevur leiðsluroyndir, at tú dugir at brúka tínar persónligu eginleikar og royndir til at seta ting í verk, og at fylgja upp uppá tey. Høvuðsuppgávurnar eru m.a.: Framhaldandi menning av farmaleiðini ímillum • Føroyar og Europa At Smyril Blue Water gerst eitt spennandi og • dynamiskt arbeiðspláss At hava ábyrgdina av dagliga rakstrinum á • skrivstovuni At luttaka í sølufremjandi messum og tiltøkum • At umsita rakstrarætlan og enda rokniskap • Vit bjóða: Eitt spennandi og sjálvstøðugt starv • Luttøku í leiðslubólkinum, har víst verður til • stjóran í fyritøkuni Fakligar og persónligar avbjóðingar • Góðar starvstreytir og aðrar ágóðar • Fríðan bil • Starvið verður at seta skjótast tilber. Umsøknin skal vera okkum í hendi í seinasta lagi 21.04.2008. Umsøknin skal sendast til: Smyril Line pf. J. Broncksgøta 37 FO-110 Tórshavn Att: Andras Róin Meira fæst at vita um starvið við at venda sær til Bent Rasmussen, stjóra, á +45 40702156 ella teldupostadressu: bra@sbwcargo.dk. Smyril Blue Water bleiv í 2005 stovnað sum eitt joint venture ímillum Smyril Line og Blue Water; felagið hevur høvuðssætið í Tórshavn. Umframt skrivstovuna í Tórshavn, hevur felagið skrivstovu í Hanstholm og á Seyðisfirði í Íslandi. Ert tú ein liðspælari? ¾ Dugir tú at skapa framburð og góð ¾ úrslit? Dugir tú at skapa íblástur og trivna hjá ¾ tínum starvsfólki? Smyril Blue Water I www.smyrilbluewater.fo I tlf. 309 600 Fer frá vegna sparingar til mentan Lars Wegendal á fundinum hjá Norðurlandaráðnum í Stavanger Mynd: Johannes Jansson/norden.org Nú er skeltið flutt Nú er skeltið flutt og rulluportrið tikið burtur, so skúlaleiðin hjá børnunum er vorðin tryggari – men enn einaferð kunnu vit staðfesta, at ofta hendir onki, fyrr enn miðlarnir koma uppí leikin. Børn í Tórshavnar Kommunu, sum nú ganga í 1. flokki, sleppa nú eisini í frítíðarskúla í summarfrítíðini Børn og ung Rigmor Dam rigmor@sosialurin.fo Børnini í Havn sleppa í Frítíðarskúlan í Hoyvík í summarfrítíðini, um tørvur er á tí. Tað er eftir áheitan frá fleiri foreldr­ um, at kommunan nú, fyri fyrstu ferð, eisini bjóðar ansing í vikunum 27, 28 og 29. ­ Vit eru vorðin samd um, at tørvurin kanska er størstur í Hoyvík, tí her eru so nógvar barnafam­ iljur. Tískil er tað okkara frítíðarskúli, sum verður opin, sigur Levi Mørk, leiðari í frítíðarskúlanum í Hoyvík. Hann vísir eis­ ini á, at karmarnir hjá teimum eru góðir, og at tey eitt nú hava fingið ítróttarhøllina í Hoyvík til endamálið. ­ Vit koma at hava opið millum kl. 8 og 17, og longu nú hava fleiri tikið av hesum tilboði, sum ikki kostar foreldrunum nakað eyka, sigur Levi Mørk. Sagt verður eisini, at børn frá øðrum frítíðar­ skúlum í Tórshavnar Kommunu, kunnu boða frá hjá tí frítíðarskúla har børn teirra ganga, tí bæði børn og starvsfólk úr all­ ari kommununi verða knýtt at stovninum í Hoy­ vík hesar vikurnar. Frítíðarskúlin opin í summarfrítíðini