mánadagur 21. apríl 2008síða 27

Nr. 75 - 21. apríl 2008 27 Andlát og jarðarferðir Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Kistan við Torvald Joensen, Norðagøta, fer úr ellisheiminum í Runavík mánakvøldið kl. 18. Jarðarferðin verður úr Gøtu Kirkju týsdagin kl. 14. Tey, sum vilja senda blómur ella krans, kunnu ístaðin lata eina peningagávu til Gøtu kirkju. Konta í peningastovnunum. Andlát og jarðarferðir Tøkk Hjartaliga takka vit øllum, sum sýndu samkenslu, hjálpsemi og á ein hvønn hátt hjálptu til, tá mamma, omma, langomma og vermamma okkara Brynhild Maria Johannessen doyði og varð jarðað. Somuleiðis takka vit fyri kransar, blómur og heilsanir. Ein serlig tøkk til starvsfólkið í Handarustovu á Lágargarði, fyri at tit vóru so góð við mammu okkara ta tíðina, hon búði har, og Hanus Simonsen, prest, fyri tey vøkru orð í kirkjuni. Familjunnar vegna Niels Símun og Álvhild Takkarkvøða Eina hjartans tøkk til øll tey, sum við vitjan, gávum, telegrammum og uppringingum gjørdu okkum 80 ára dagarnar so hugnaligar. Rigmor 26. august 2007 og Tórhallur tann 8. februar 2008. Heilsan Rigmor og Tórhallur 22.apríl verður Margit Thomsen í Havn 80 ár. Margit er fødd og uppvaksin í Havn, dóttir Jens Petur Egholm, skipara, vanliga nevndur Dess, úr Havn og Fridu fødd Djurhuus úr Haldarsvík. Margit átti tveir brøður, Jóan Hendrik, sum doyði í 2001, og sum búði í Esbjerg, og Elias, sum býr í Havn. Sum ung fór Margit á skrivstovuna hjá Valdemar Lützen at arbeiða. Har var hon í 6 ár, til hon fór at læra til sjúkrasystur. Tað at verða sjúkrasystir kom at verða hennara lívs­ starv. Eftir lokna útbúgving royndi hon seg sum sjúkra­ systir bæði í Danmark og Noreg, og heimafturkomin fór hon á Landssjúkrahúsið at arbeiða har hon var til hon fór úr starvið fyri aldur í 1995. Margit var formaður í Dans Sygepleje Råd, Føroya Deild árini 1969 til 73, og hon hevur eisini verið nevndarlimur í Havnar Sjúkrakassa. Í 1958 giftist hon við Tummas Paula Thomsen, skipsførara, úr Nólsoy, og tey bæði búsettust í Havn. Pauli andaðist í 1991. Tey fingu tveir synir, Eyðfinn, sum er giftur við Margretu Dalsgaard úr Havn, tey búgva í Havn í barnaheimin­ um hjá Margit, og Dess, sum er giftur við Kristinu Hoydal. Tey búgva í Stav­ anger í Noregi. Ommubørn­ ini eru 5 í tali, 3 gentur og 2 dreingir. Margit er væl kend mynd í Havnar gøtum, og henni dámar sera væl at práta við fólk. Føðingardagurin verður hildin sunnudagin 27. apríl millum kl. 11 og 15 í hølun­ um hjá Starvsmannafelagn­ um, har vinir og kenningar eru vælkomnir at heilsa upp á Margit. Margit Thomsen 80 ár Sunnukvøldið 6. apríl 2008 andaðist Ruth Olsen í Havn, 70 ára gomul. Ruth var borin í heim 19. juni 1937 í Brekkuni í Klaksvík, dóttir Annu og Jógvan Isaksen. Mamman var ættað úr Uppistovu á Trøllanesi, og pápin var úr Beiti í Lorvík. Tey vóru 7 systkin, og Ruth var nummar 5 í røðini. Elst var Bodil, so Korintha, síðani Jógvan og so Suffía. Tey yngru vóru Sigvør og Finn­ bogi. Nú eru bara tær tríggj­ ar systrarnar eftir Korintha og Fía, sum báðar búgva í Klaksvík, og so Sigvør, sum býr á Møn í Dan­ mark. Tá Ruth var 11 ára gom­ ul, doyði pápin brádliga bert 51 ára gamal, og mamman sat einsamøll eftir við fleiri smáum børn­ um, tað yngsta var bara 5 ár, tær báðar elstu døturnar vóru tá giftar. Jógvan hevði nøkur ár frammanundan keypt Atlantsfarið saman við Kjølbro. Tá ið Jógvan doyði, yvirtók Anna partin hjá Kjølbro og reiddi í fleiri ár sjálv skipið út. Tá ið Ruth var liðug við skúlan, fór hon til Dan­ markar á húsarhaldsskúla í Haslev. Aftur í Klaksvík hitti hon Regin Olsen úr Havn, sonur Napoleon (Bona) og Armgarð. Hann var leiðari í Norðoya Banka, sum var Norðoya deildin av Sjó­ vinnubankanum. Tey gift­ ust 8. november 1958 og búsettust í Klaksvík Í 1964 fluttu tey til Havn­ ar og bygdu sær hús á Sól­ teigi, og har hava tey búð síðani. Meðan børnini vóru smá, var hon, sum flestar konur tá í tíðini, heima. Seinni fór hon at arbeiða á Vøggustovuni á Lützens­ trøð, ið Nansy Bjørklund stóð fyri. Hon hevði ábyrgd­ ina av køkinum. Ruth dámdi væl at arbeiða við børnum, og dugdi sera væl við børnum. Hon tosaði tá um at læra víðari til peda­ gog. Men umstøðurnar vóru ikki tær somu tá, sum tær eru í dag, at læra, tá ið ein er vorðin tilkomin. Seinni, tá ið hon aftur hevði verið heima í nøkur ár, heitti Óluva Húsgarð á hana, um hon ikki kundi koma og hjálpa til í Heima­ virkinum. Tað førdi við sær, at hon arbeiddi fast á heimavirkinum í fleiri ár. Ruth hevði eitt lætt lyndi, og hon dugdi væl at tosa við fólk. Hon hevði tey vælsignaðu evni at fáa øll at føla seg væl. Hon var sera gestablíð, visti nógv um familju, og tíl hon gjørdist sjúk, fylgdi hon væl við øllum, sum fór fram í samfelagnum, og hóast hon nú hevði búð í Havnini í 44 ár, so hevði hon serligan áhuga fyri Klaksvíkini. Tað er mangur klaksvíkingur, sum hevur sitið væl inni hjá henni og Regin. Ruth og Regin fingu 4 børn. Fyrsta barnið, ein dóttir, doyði undir føðing­ ini í 1959. Síðani er tað Jákup, hann er giftur við Dorrit á Fløtum og tey búgva í Havn. Annika er gift við Niels Winther Poulsen, tey búgva í Hoy­ vík og Armgarð er gift við Oyvindi Brimnes. Tey búgva á Argjum. Ommu­ børnini eru 9 í tali, 6 gentur og 3 dreingir. Minningarorð Dagurin 22. apríl. Cajus. Pávi, sum doyði í árinum 296. Fríðrikur Petersen varð føddur hendan dagin í 1853 -har tað hendir