mikudagur 23. apríl 2008síða 41

Nr. 77 - 23. apríl 2008 41 tíðindi standa eini onnur hús somu­ leiðis í gerð. Og hesi ham­ arsløgini eru besta teknið um, at lív er í hesi lítlu bygd­ ini sunnarlaga á Eystur­ oynni. Fyri mong liggur bygdin kanska heldur fjarskotin frá umheiminum. Men spyrt tú Oddfinn og hini 100 fólkini í bygdini, so eru tey púra ósamd við hesum. ­ Tað er einki at tosa um. Vit hava bert 5 kilometrar til Rituvíkar og 6 til Runa­ vík, so har kunnu vit verða eftir lítlari løtu, slær hann fast. Oddfinn er í løtuni í ferð við at smíða tvey sethús, sum liggja lið um lið, fyri fyritøkuna, sum hann arbeið­ ir fyri. Annað teirra er hans­ ara egna. Hús hansara eru í tveim­ um hæddum – ovara hæddin er 128 fermetrar og niðara 145, umframt eitt bilhús. Øll ovara hæddin er av­ skildrað og loft er lagt í. ­ Og sjálvandi, eitt stikk til jólapyntið hoyrir eisini við til innrættingina. Tað verður sett undir væðingina her á niðaru síðu, sigur Oddfinn við einum brosi. Eingin broyting Oddfinnur er upprunaliga ættaður úr Streymnesi, men hesi 23 árini hann hevur búð í Æðuvík, hevur hann fingið bæði familju og fýra børn. ­ Eg fekk nógvar glósur frá vinmonnunum, tá eg segði teimum at eg fór at flyta higar. ­ Hvat teir søgdu til tað?! Skal eg vera heilt erligur, so hildu teir at eg var púra svakur at fara so langt burt­ ur, sigur hann, sum tá ein­ ans var 19 ára gamal. Hetta er eitt gott stað fyri eina familju at búgva í. Hóast skúlin varð niðurlagd­ ur í 1958, er hetta eitt gott hjá børnum at búleikast í, tí tey kunnu spæla frítt úti og hava ovmikið at takast við í tí dagliga. Tá Oddfinn flutti higar miðskeiðis í 80’unum, var hetta helst ikki ein avgerð, ið hann drálaði leingi við at taka. ­ Nú komi eg sjálvur frá eini lítlari bygd, og tí var ikki so stór broyting hjá mær at flyta til eitt annað lítið pláss. Her er sera gott samanhald – ikki bara í jóla­ mánaðinum, men eisini gjøgnum árið. ­ Vit ganga nógv inn at vitja hvønn annan og gera útferðir saman, so tú skilir, at her er gott at vera, sigur Oddfinn. Alt fæst í Runavík Tá fólk í síni tíð búsettu seg í Æðuvík, var hetta í sama øki, har menn í gomlum døgum hittust til Várting á staðnum teir nevna Ting­ hella. Ein skúli varð bygdur her, men fyri fimmti árum síðani varð hann niðurlagd­ ur. Hetta tók kortini ikki mótið frá fólki ella hugin at búseta seg her. Hetta vísa eisini hagtølini yvir fólkatalið. Fyri øll hesi er helst líkamikið um hvørki handil ella annað tænastuvirksemi er her. Børnini, sum ganga í skúla annaðhvørt í Rituvík ella Runavík verða heintað í bussi og koyrd heimaftur. Tá fólk tosa um at Æðu­ vík liggur avsíðis og ikki hevur lív lagað, so er Odd­ finn ikki samdur við teim­ um, sum siga slíkt. ­ Tá handilin gavst í síni tíð, varð hann nógv saknað­ ur, men í dag eru nógvir stórir handlar í Runavík. Tað er eisini har sum nógv fólk arbeiða. ­ Ja, tí støðan er í roynd og veru hon, at eg behøvist slett ikki at fara til Havnar at keypa. Eg fái alt sum eg skal brúka í Runavík, slær Oddfinn fast. Tapetisera Eftir at hava búð í einum minni húsum í mong ár, var tíðin komin hartil at hann avgjørdi at smíða sær síni egnu. Tað 720 fermetrar stóra grundøkið keypti hann frá Runavíkar kommunu. Tað kostaði beint niðanfyri 90.000 krónur, og byrjaðu teir at grava út í januar mánaði í fjør. ­ Húsini fara at kosta okkum umleið 1,4 mió krón­ ur, sigur Oddfinn so huga­ góður. Nú kann hann síggja fram til dagin, tá hann og familjan fara at flyta inn í hesi nýggju Suðuroyar­ húsini. ­ Tá eg nú fari at seta hitan til, kann eg byrja at tapetisera í erva. Men ætlanin er at tað skal verða seinni í ár, sigur hann við einum brosi. Ferðast til jólabýin Er tað nakað sum Æðuvík er kend fyri, man tað vera jólaprýðið sum bygdarfólkið veruliga gongur uppí við lív og sál. Hjá fleiri teirra hongur jólaprýðið uppi alt árið!! Umframt tann serstaka hugnan hetta skapar millum alt bygdarfólkið, dregur hetta nógv fremmand fólk til hesa føroysku jólabygdina. Hagtøl frá Landsverki vísa eisini hetta sama: Ferðslan meiri enn tvífaldast jólamánaðin, í mun til miðalferðsluna annars. Vanliga er miðalferðslan 350 akfør um samdøgrið. Men ferðsluteljingin á jólum í fjør vísti heilt onnur tøl: Frá 30. november til 25. desember ferðaðust tilsamans 21.816 akfør til og frá Æðuvík. Í meðal er tað 873 um døgnið! Við øðrum orðum meiri enn tvífaldaðist ferðslan til og frá Jólabygdini í jólamánaðinum. ­ Eg haldi, at hetta er eitt fínt tiltak. Eg hongdi sjálvur nakað av pynti uppá okkara hús seinastu jól, hóast eingin búði í teimum, sigur Oddfinn Olsen við einum brosi. »Støðan er í roynd og veru hon, at eg behøvist slett ikki at fara til Havnar at keypa. Eg fái alt sum eg skal brúka í Runavík« »Her er sera gott samanhald – ikki bara í jólamánaðinum, men eisini gjøgnum árið« »Og sjálvandi, eitt stikk til jólapyntið hoyrir eisini við til innrættingina. Tað verður sett undir væðingina her á niðaru síðu« - Æðuvík er eitt gott pláss, bæði fyri børn og vaksin, sigur Oddfinn Olsen. Besta prógvið um hetta eru øll tey nýggju húsini í bygdini, sum eru bygd og sum verða bygd í framtíðini