fríggjadagur 25. apríl 2008síða 26

26 tíðindi Nr. 79 - 25. apríl 2008 Atlantsflog hev­ur boðið ferðav­innufólk­ um úr øllum Ev­ropa, USA og Japan til Føroya at kunna seg um Føroyar og um føroyska ferðav­innu FERÐAVINNA Eirikur Lindenskov eirikur@sosialurin.fo Atlantic Airways er í hesum døgum – triðja árið á rað – vertur fyri stóra ferðavinnu­ tiltakinum, tey kalla Fly Faroe. Hetta er eitt tiltak, har Atlantsflog bjóðar tour­ operatørum úr øllum Evropa, USA og Japan til Føroya at kunna seg um Føroyar og um føroyska ferðavinnu. Tiltakið byrjaði í gjár og endar sunnudagin. Tað mesta av tiltakinum er á Hotel Føroyum. ­ Hesaferð eru keyparar úr USA, Japan, Ruslandi, Letlandi, Slovakia, Týsk­ landi, Hollandi, Belgia, Onglandi, Skotlandi, Dan­ mark, Noregi, Svøríki, og Íslandi íalt 43 fólk. Haraft­ urat hava vit fingið hópin av útlenskari pressu á vitjan eisini, hóast ikki øll luttaka alla tíðina á FlyFaroe, men heldur ferðast eitt sindur runt fyri at síggja oyggjar­ nar. Vit hava pressufólk úr Svøríki, Onglandi, Skot­ landi og Danmark, sigur Maria á Lofti, marknaðar­ samskipari hjá Atlantsflog. Tiltakið byrjaði við ein­ um ”Get together kvøldið” í Listaskálanum í gjárkvøldi fyri at samansjóða luttakar­ arnar. Tann stóri dagurin er í dag við nógvum áhuga­ verdum fyrilestrum. Bjørt Samuelsen, lands­ stýriskvinna í vinnumálum setti stevnuna í morgun. Skot­ in, Benjamin Garey, sum var ein av serfrøðingunum í ”National Geografic Trav­ eller”, sum valdi Føroyar sum nummar 1 av 111 oyggjasamfeløgum í verðini, og greiddi hann eitt nú frá, hvussu tey arbeiða við at fáa vistfrøðisliga ferðavinnu upp at standa í Føroyum. Íslandsføroyingurin, Dav­ id Samuelsson, greiddi frá, hvat hann leggur dent á at nevna og vitja, tá ið hann fyriskipar bólkaferðir úr Íslandi til Føroya og seinni í dag fer rithøvundurin og myndamaðurin innan sur­ fing, Yassine Ouhilal, at hava eina framløgu um sur­ fing í Føroyum og kanska eisini á Lofoten, har hann arbeiðir í løtuni viða t gera upptøkur til EuroSport um surfing. Hann var í Føroyum herfyri saman við kendum surfarum og gjørdi royndir við at surfa her. Seinnipartin í dag verða work­shop á skránni, har keypararnir kunnu gera avtalur face­to­face við før­ oysku veitararnar. Dagurin endar við einum hugnakvøldi í Sjónleikar­ húsinum fyri luttakarunum og innbodnum gestum. ­ Í morgin, leygardagin, fara allir gestirnir á útferð. Tey hava fingið møguleikan at velja millum fýra útferðir, Nólsoy Kirkjubø/Koltur um viðrar annars Gjáar, koyra í fýra­hjóls traktorum í fjøll­ unum við Vestmanna ella við Lakeside til Bøsdalafoss, har tey sum tora kunnu „rap­ ella“ niður eftir fossinum, sigur Maria á Lofti. Fly Faroe skal draga ferðafólk Skotin, Benjamin Garey, sum var ein av serfrøðingunum í ”National Geografic Traveller”, sum valdi Føroyar sum nummar 1 av 111 oyggjasamfeløgum í verðini, greiddi frá, hvussu tey arbeiða við at fáa vistfrøðisliga ferðavinnu upp at standa í Føroyum Mynd: Jens Kristian Vang Nógv føroysk ferðavinnufólk eru eisini á ráðstevnuni hjá Atlantsflog, har 43 útlendsk ferðavinnufólk eisini luttaka – alt til tess at fáa fleiri ferðafólk hendanvegin Mynd: Jens Kristian Vang Magni Arge, stjóri í Atlantsflog Mynd: Jens Kristian Vang Tróndardagar í Gøtu í summar Vikuskiftið, táið G! vanliga hevur verið, men sum er av­ lýst í ár, verður kortini skipað fyri hátíðar­ og veitslu­ vikuskifti í Gøtu. Á Tróndardøgunum, sum nýggja hátíðin eitur, 12. til 19 juli, verður loksins reist standmynd yvir Trónd í Gøtu, mætasta høvding føroyinga, og í eina viku verða tiltøk við tónleiki, sjónleiki, fyrilestrum, framsýningum, gongutúrum og øðrum, skrivar fyrireikararnir í tíðindaskrivi. Eftirlýsa upptøkur frá krígnum Í sambandi við verkætlanina »Føroyskar Søgur«, ið Eik Banki og danska framleiðslufelagið Substanz í felag hava tikið stig til, so hevur føroyski samskiparin, Uni L. Hansen, og starvsfólk hjá Substanz leitað land og ríkið runt, fyri at finna gamlar upptøkur, ið gjørdar eru í Føroyum seinastu 100 árini. Tíðarskeiðið undir krígnum er sera soltið við upptøkum. Tí kemur ein innilig áheitan frá samskipar­ anum, sum hava upptøkur frá 2. heimsbardaga, um at koma við teimum.