týsdagur 3. juli 2001síða 11

Nr. 124 - 3. juli 2001 21 gult21 cyan21 magenta21 svart21 Gamli verjuspælarin hjá gøtumonnum, sum nú er álopsálit hjá EB/Streymi, var aftur sunnudagin maðurin, sum avgjørdi FÓTBÓLTUR Jóannes Hansen Síðani á norðoyarstevnu hevur tað verið gott fót- bóltslag í Sundalagnum og á Eiði. Og sunnudagin gjørdist lagið uppaftur betri, tí tá eydnaðist tað EB/Streymi at vinna á heimavølli fyri fyrstu ferð í hesum kappingarárinum. Einasta málið fingu teir, tá eitt stórt korter var farið. Soran Anghel sendi horna innfyri úr vinstru, og enn eina ferð vísti Jón Sigurd Gleðisheygg, at tað liðið, sum letur hann standa púra leysan mitt fyri og fimm metrar úr málinum, tað verður sektað. Jón Sigurd drønstútaði, so bólturin fór í málið, og tað vísti seg at vera nóg mikið til sigurin og øll stigini. Sum at vinna FM Í 1986 var Jón Sigurd Gleðisheygg, sum tá var 19 ára gamal, ein av verju- spælarunum á GÍ liðnum, sum vann FM. Hann var á liðnum í Gøtu inntil hann í 1991 flutti til Danmarkar. Í 1997 kom hann aftur til Føroya. Hann búsettist í Sundalagnum og var í fjør við til at hjálpa EB/Streymi upp í bestu deildina – sum álopsspælari. – Tað var stuttligt í fjør, og tað er sera hugaligt, at tað hevur gingið so frægt í ár, sum tað hevur gjørt. Vit eru væl greiðir yvir, at tað verður ikki okkara lutur at kappast um heiðursmerk- ini. Fyri at teljast ímillum tey bestu, so er neyðugt, at tú hevur einar fimm spæl- arar, sum í fleiri ár hava spælt í bestu deildini, og sum harvið eru førir fyri at stýra dystunum. Tað hava GÍ, B36 og HB, men tað hava vit ikki, staðfestir Jón Sigurd Gleðisheygg, og hann heldur fram: – At fyritreytirnar eru vánaligar, og at tað er tor- ført ber við sær, at tað kennist uppaftur hugaligari at vinna. Tá vit vunnu á norðoyarstevnu, kendist tað næstan sum um vit høvdu vunnið FM, og tað var sjálvandi hugaligt at vinna á heimavølli ímóti NSÍ. Vit vóru hepnir, men vit kundu væl havt vunnið við fleiri málum. Í 2. hálvleiki, tá teir trýstu, fingu vit fleiri møguleikar upp á kontra, har ikki minst Soran Ang- hel var vandamikil. Eyð- finn Joensen fekk bóltin í málið aftanfyri Jens Martin Knudsen. Tað var kolldømt fyri rangstøðu. Tað kann væl vera, at talan var um rangstøðu, men um so var, so var tað sera tepurt, sigur Jón Sigurd Gleðisheygg. Einki hugflog NSÍ hevði bóltin kanska tríggar fjórðingar av tíðini. Men teir brúktu hann ikki serliga væl. Ian Højgaard royndi at skipa spælið, men tað fleyt ikki serliga væl, og sjálvandi kom tað illa við, at heimaliðið so tíðliga hevði fingið málið, sum legði eitt so stórt trýst á gestandi liðið. Onkuntíð vóru ábending- ar um, at teir í NSÍ væl vistu, at tað, sum ráddi um hjá teimum, var at taga spælið sundur, í síðunum at spæla seg til baklinjuna og so at leggja innfyri, men teir megnaðu hetta alt ov sjáldan. NSÍ sendi eina rúgvu av høgum bóltum inn ímóti málinum hjá EB/Streymi. Knút Vesturtún og Andrzej Pacek vóru miðvallarar, men teir hjálptu teimum í miðverjuni væl at halda tørn, og Gunnar á Steig royndist væl í málinum. NSÍ fekk eina rúgvu av hornaspørkum, men teir vunnu ongantíð luftkríggið í EB/Streyma brotsteig- inum. Menninir hjá NSÍ, sum eiga at megna at taka søkina í egnar hendur, tá kollektivið so at siga ikki megnar at lyfta liðið fram til sigur, eksploderaðu ongantíð so mikið, at tað kundi bera til, og tað hjálpti heldur ikki, tá Jens Martin Knudsen fram ímóti dyst- arenda fleiri ferðir fór framvið í hornasparks- støðum. EB/Streymur-NSÍ 1-0 (1-0) 1-0: Jón Sigurð Gleðisheygg 20 Dómari: Oddmar Andreasen (HB) EB/Streymur: Gunnar á Steig – Alfred Jacobsen, Ólavur Poulsen, Christian Carlsson – Halltórur Joensen, Knút Vesturtún, Andrzej Pacek, Andreas Dahl, Eyðfinn Joensen – Jón Sigurd Gleðisheygg, Soran Anghel NSÍ: Jens Martin Knudsen – Gert Langgaard, Arnfinn Langgaard, Djóni N. Joen- sen, Jónstein Petersen – Sonni L. Petersen, Ian Hø- jgaard, Brynjolvur Nielsen, Eddie Mikkelsen – Christ- ian Høgni Jacobsen, Ken Nónklett Fyri fyrstu ferð í ár vunnu teir hjá EB/Streymi ein heimadyst, og nú hava teir veruliga fingið luft í botnstríðnum Pólverjin trívist væl í EB/Streymi, har hann er fastur maður á miðvøll- inum og tekur sær av venjingini FÓTBÓLTUR Jóannes Hansen Viðhvørt loysir tað nógvar trupulleikar, at ein spælari flytir frá ein- um felagi og í eitt annað. Eitt gott dømi um hetta er pólverjin, Andrzej Pacek, sum fyri stuttum er fluttur til EB/Streym. Pacek, sum er 36 ára gamal (hann er føddur 10. november í 1964) kom til Klaksvíkar í 1999, og hann var hetta sama árið við til at gera KÍ til FM vinnara. Pacek var fastur fúsur á lið- num. Í fjør var Pacek aftur í Klaksvík, men tá gekk ikki so væl, og pólverski miðverjin var ikki so fastur maður á liðnum hjá Tomislav Sivic, sum hann hevði verið hjá Tony Paris. Eftir kappingarlok í fjør var greitt, at tíðar- skeiðið hjá Pacek í Klaksvík var liðugt. Landsmaður hansara, Piotr Krakowski, var vorðin venjari hjá B36, og har fekk Pacek høvi at royna seg í ár. Men tað var skjótt greitt, at tað fór at verða meiri enn torført hjá honum at vinna pláss í miðverjuni, har hann skuldi kappast við Arnbjørn Danielsen, Egil Zachariasen, Her- bert í Lon Jacobsen, Klæmint Matras, Pól Thorsteinsson, Jens Kristian Hansen og iva- leyst onkran annan eis- ini. Tí var tað, at Pacek flutti til EB/Streym. Har var hann fyrstu umførini í miðverjuni. Síðani hevur Bergur Magnus- sen gjørt av, at pólverjin skal røkja sentrala og verjukenda miðvallar- plássið, og at Knút Vesturtún skal flytast eitt sindur longri út í høgru. Hetta hevur riggað væl, og EB/ Streymur hevur fingið seks stig tríggjar teir seinastu dystirnar – trý í Klaksvík á norðoya- stevnu og trý á heima- vølli, tá NSÍ vitjaði síðsta sunnudag. Men Pacek hevur eis- ini víst aðrar dygdir, síðani hann kom til EB/Streym. Hesar sein- astu vikurnar hevur hann alt meiri tikið ábyrgd í at stýra venj- ingini. Bergur Magnus- sen hevur framvegis ábyrgdina av liðnum, meðan Pacek fyri tað mesta røkir venjingina. Neyvan mundu teir í KÍ og B36 gruna, at royndi maðurin hevur sovorðin evni, men sovorðið kemur ofta til sjóndar, tá evnini í smáu bygdafeløgunum skulu gagnnýtast sum frægast. Og hvør veit, kanska Pacek okkurt av kom- andi árunum fer at vera venjari í onkrum før- oyskum felag? Pacek stóran leiklut Tað er sum at vinna FM 21 20 Nr. 124 - 3. juli 2001 gult20 cyan20 magenta20 svart20 Í stórtapinum á Svangaskarði var tað ógvuliga týðuligt, at klaksvíkingar framvegir eru heilt illa fyri FÓTBÓLTUR Jóannes Hansen Eftir B68 tapið í Gøtu mikukvøldið søgdu vit, at hugburðurin hjá tofta- monnum var góður, og at teir ivaleyst kundu brúka hann í komandi dystunum. Sunnudagin hevði B68 vitjan av KÍ, og tað var eingin ivi um, hvat liðið hevði betri hugburð, og hvat liðið hevði meiri at bjóða uppá. B68 vann 4–0, og teir høvdu møguleikar at skjóta uppaftur fleiri mál. Onkra ferðina í 2. hálvleiki, tá yvirtakið hjá heima- liðnum var sera sjónskt, og møguleikarnir vóru upp- lagdir, vardi tvørtræið, og onkra aðra ferðina vardi Meinhard Joensen í KÍ málinum væl fyri. Eingin tyngd og sjálvsálitið er burtur Hjá klaksvíkingum vóru allir spælararnir tøkir uttan Alexander Djordjevic. Hann hevði meitt fótin undir venjing, og sjálvsagt var tað stórur saknur í honum. Alexander er førur fyri at temja bóltin og at avrika nakað einsamallur. Ikki minst í einum dysti sum honum á Svangaskarði var stórliga brúk fyri einum sovornum manni. Tá KÍ næstsíðsta sunnu- dag eftir tógvið stríð vann 2–0 á FS Vágum, varð tað lagt eitt sindur upp til, at nú mundi botnurin vera náddur, og at nú mundu stigini fara at koma. Avrikið á Toftum var ikki ein staðfesting av hesum. Á KÍ liðnum vóru tríggir spælarar, sum ikki vóru í nóg góðari venjingarstøðu at spæla í bestu deildini, og tað er einki at siga til, um tað viðhvørt tykist sum um unglingaspælararnir eru eitt sindur moyrir. Teir spæla í hvussu so er tvær ferðir um vikuna og við- hvørt tríggjar ferðir. Alt hetta hevði við sær, at eftiransingarnar ikki vóru nóg tættar, og tað var lítil broddur í framrættaða spælinum. KÍ hevði í øllum dystinum tvey forkølaði skot innanfyri málkarmin, og tað er einki at siga til, at tað í einum slíkum føri gongur út yvir lagið og sjálvsálitið. Tað kom so at siga ikki fyri, at ein KÍ spælari bjóðaði av ein ímóti einum og vann avbjóðing- ina, og so sigur tað seg sjálvt, at tað ber illa til at fáa nakað serligt burturúr. At mótstøðumenninir fingu fleiri mál, sum boð- aðu frá, at avtalurnar í verjupartinum sviku, gjørdi tað uppaftur minni hugaligt hjá klaksvíkingum. Alt gekk undan Fyrstu løtuna vóru eingir málmøguleikar, men í 17. minutti fekk B68 hol á. Arnold Joensen sendi horna innfyri úr vinstru, og Súni Fríði Johannesen var púra leysur við nærra stólpan, tá hann stútaði til 1–0. Tað lá í luftini, at tað heldur fór at vera heima- liðið enn gestirnir, sum fóru at fá mál, og lítla løtu undan steðginum gjørdist hetta veruleiki. Eftir at KÍ hevði vunnið bóltin í egn- um brotsteigi og royndi at byggja upp, mistu teir eftir tvørsending í høgru. B68 gjørdi skjótt av, bólturin varð spældur í vinstru til John Hera Dam, sum legði flatt innfyri, Súni Fríði Johannesen hevði ryggin ímóti málinum og trillaði út frá til Fróða Benjaminsen. Meinhard Joensen megnaði ikki at halda flata skot- inum, bólturin fór akkurát um strikuna, og teir reyðu fóru at hvíla seg við røttum ryggi, meðan teir bláu hingu við høvdinum. Í 2. hálvleiki gjørdist munurin uppaftur meiri eyðsýndur. Fróði Benjam- insen og Øssur Hansen stýrdu miðvøllinum, Jan Petersen stýrdi verjuni, og Oleif Joensen og Messias Perreira høvdu ongar trupulleikar at halda KÍ álopsmonnunum. Arnold Joensen skoraði triðja málið beinleiðis upp á horna úr vinstru, og tá B68 fekk fjórða málið, átti Súni Fríði Johannesen síðsta heimafótin. Tað sigur ikki so lítið um verjuspæl- ið, at høgrabeinti spælarin slapp at snara um seg sjálvan – til høgru, sjálv- andi – áðrenn hann næstan av baklinjuni sendi innfyri. Ólukkutíð fyri klaks-vík- ingar rakti bólturin í fótin á einum av teirra monnum og so var 4–0. B68 hevur við sigri ímóti HB møguleika at fara í hugaliga summarfrítíð, meðan tað einki er at siga til tað, um klaksvíkingar stúra fyri, at teir komandi vikuskifti skulu spæla í Gøtu. B68-KÍ 4-0 (2-0) 1-0: Súni Fríði Johannesen 15 2-0: Fróði Benjaminsen 44 3-0: Arnold Joensen 76 4-0: sjálvmál (Jan Andrea- sen) 80 Dómari: Suni Johansen (SÍF) B68: Magnus Poulsen – Oleif Joensen, Jan Peter- sen, Messias Perreira – Marlon Jorge, Arnold Joensen, Fróði Benjamin- sen, Øssur Hansen, John Heri Dam – Marcello Mar- cellino, Súni Fríði Johannesen KÍ: Meinhard Joensen – Atli Danielsen, Jan Andrea- sen, Ove Nysted – Harley Bertholdsen, Fríðin Ziska- son, Símun Joensen, Jan Joensen, Allan Joensen – Tomislav Sivic, Hjalgrím Elttør B68 setti KÍ so rudduliga upp á pláss Men føroysku spælararnir tykjast at vera mest sum horvnir úr norsk- um fótbólti NOREG Jóannes Hansen Flestu landskappingar- nar í Europa eru fram- vegis í summarfrí. Men í Noregi verður spælt av lívsins kreftum. Sunnu- dagin var trettanda um- farið á skránni. Tað vil siga, at nú er norska landskappingin hálv- runnin. 26. og síðsta umfarið verður á skránni síðsta sunnudagin í oktober. Burtursæð frá teimum vikuskiftunum, tá landsdystir verða á skránni, fara teir í Noregi at spæla hvørt vikuskiftið frá nú av og inntil síðst í oktober. Norskur fótbóltur er – sæð við føroyskum eyg- um – ikki so áhuga- verdur nú, sum hann var í fjør. Frá og við í dag av er Julian Johnsson ikki Sogndal spælari, men í staðin Hull spælari. Kurt Mørkøre er framvegis í Sogndal, men hann tyk- ist ikki at vera í nánd av besta liðnum. Sunnudagin var Sogn- dal og vitjaði í Bodø. Úrslitið var 2–2, og tað vóru serliga skiftisspæl- ararnir, sum gjørdu um seg. Tað restaðu fýra minuttir av vanligu leik- tíðini, tá Rune Buer Johansen, sum var inn- skiftur á Sogndal liðið, legði Sogndal framum 2–1, men gleðin yvir tað, sum teir hildu vera sigursmálið, var stokkut. Tá tríggir minuttir vóru farnir av eykatíðini, javnaði Vegard Sannu, sum hevði verið á vøll- inum síðsta hálva tíman, og tað var um reppið, at heimaliðið vann, tí í síðsta álopinum sendu teir á tvørtræið. Bodø/Glimt, sum spældi javnt fyri fjórðu ferð upp í slag, var komið á odda, tá fimm minuttir vóru farnir, og Mons Ivar Mjelde hevði javnað við rimmar fluktara í 34. minutti. Bodø/Glimt er á triði niðasta plássinum. Tað er hetta plássið, sum ber endaspæl um eitt pláss í bestu deildini við sær. Sogndal er, nú kapping- in er hálvrunnin, sjey stig omanfyri hetta plássið. Rosenborg kom á fyrsta plássið sunnu- dagin. Teir fingu eitt stig ímóti Brann úr Bergen. Úrslitið var 3–3. Merk- isvert var tað, at hetta var fimti dysturin á rað í landskappingini og steypakappingini, at Rosenborg ikki vann. Men javnleikurin var nóg mikið at fáa odda- sessin, tí Viking Sta- vanger tapti 2–1 í Molde. Bæði Rosenborg og Viking Stavanger hava 27 stig. Støðan, norska tippeligan vunnintapt mál- dystir v- j - t mál málmunur stig 1 Rosenborg 13 8-3 -2 32 12 20 27 2 Viking 13 8-3 -2 24 11 13 27 4 Odd. Grenl. 13 8-2 -3 21 11 10 26 5 Lillestrøm 13 8-2 -3 22 17 5 26 6 Stabæk 13 8-1 -4 17 20 -3 25 3 Brann 13 6-4 -3 29 17 12 22 7 Molde 13 6-3 -4 23 19 4 21 8 Moss 13 5-1 -7 16 17 -1 16 13 Lyn 13 3-4 -6 13 19 -6 13 9 Sogndal 12 4-1 -7 12 25 -13 13 10 Strømgodset13 2-4 -7 16 26 -10 10 11 Tromsø 13 3-0 -10 8 18 -10 9 14 Bodø/Glimt 13 1-6 -6 10 20 -10 9 12 Bryne 13 2-2 -9 12 23 -11 8 So bragdaði loksins hjá toftamonnum, tá teir vunnu sannførandi á heimavølli móti KÍ, sum hinvegin tykist vera steðgað heilt upp Sogndal aftur stig á útivølli C M Y K 20