mánadagur 5. mai 2008síða 11

11 tíðindi Nr. 84 - 5. mai 2008 1000 flutt av skipi Letlendska vaktar- og bjargingartænastan ger segn ú til reiðar at flyta knappliga 1000 fólk av ferðamannaskipin- um Mona Lisa, sum hevur rent seg fast uttanfyri lettisku strondina. Bjargingarmanning hevur alla nátt roynt at toga skipið av aftur einum sandbanka 18 kilometrar frá strond- ini, men teir eru nú givnir við royndunum. Nú skulu so tey 651 ferðafólkini og partar av 333 mans stóru manning- ini flytast av skipinum yvir á tvey lettisk herskip, sum síðani skulu sigla fólkið til Ventspils, skrivar Politiken. Gazza royndi sjálvmorð Falna fótbóltslegendan, Paul Gascoigne, royndi í gjárkvøldið at gera enda á sær sjálvum eftir at hann hevði skrivað seg inn á eitt hotel í miðbýnum í London. Hann bílegði ein búff frá room-service, men ringdi síðani niður í móttøkuna og bað um bert at fáa knívin. Men stúrin starvsfólk vildu ikki geva honum knívin, tí tey stúrdu fyri, at hann ætlaði at skera blóðæðrarnar av. Løgreglan varð boðsend og stutt eftir at hon kom á staðið, royndi Gascoigne at drukna seg í baðikarinum, skrivar enska blaðið The Sun. Landsstýriskvinnan í vinnumálum sær stórar møguleikar í eini veruligari matvøruvinnu í Før­ oy­um og tí vil hon menna kokkaskúlan í Klaksvík og gera hann til eitt stovn til at menna fínan, før­ oy­skan mat Matlist Áki Bertholdsen aki@sosialurin.fo - Er tað nakað, vit eiga at gera í Føroyum, er tað at gera fínan mat, sum kann seljast til allar okkara gestir. - Tað segði Bjørt Samuel- sen, landsstýriskvinna í vinnumálum, tá ið fíggjar- lógin var til viðgerðar í Løg- tinginum. Hon sær matvøruvinnuna sum eina sjálvsagda vinnu at menna í Føroyum, nú vit tosa um at fjøltátta okkara vinnulív, eitt nú at menna ferðavinnuna. Tí skjýtur hon upp, at vit menna kokkaskúlan í Klaksvík og gera hann til ein veruligan stovn sum skal menna fínari matgerð í Føroyum og fínari matvøru- framleiðslu. - Hann skal verða ein mið- depil fyri matlist í Føroyum, legði hon afturat. - Tí er tað rætt at menna kokkaskúlan í Klaksvík til at útbúgva kokkar og tænar- ar, sum kunnu arbeiða á teimum heilt fínu matstov- unum, tí ferðafólk gjalda fegin fyri fínan mat, tí tað er eitt tað týdningarmiklasta fyri ferðafólk. Hon sigur, at tað er ein stórur trupulleiki, at tað gongst so illa hjá okkara matstovuvinnu at fáa væl útbúnar kokkar og tí eiga vit at menna kokkaskúlan. - Vit hava allar møguleik- ar, tí vit hava eitt reint umhvørvi og vit hava ótrú- liga góða rávøru og í Klaks- vík hevði ein matvørustovn- ur ligið væl, tí har er nógv fiskivinna. Fleiri politikarar úr fleiri fólkum tóku fult undir við hugskotinum um at menna ein veruligan matvørudepil. Menna Føroyar við fínum mati Matlist er ein sjálvsøgd, framtíðar vinna í Føroyum, heldur Bjørt Samuelsen, landsstýriskvinna í vinnumálum Undir oljukreppuni í 1973 bannaði landsstýrið koy­ring sunnudag, eins og politisku my­ndug­ leikarnir í nógvum londum kring okkum, gjørdu. Í lesarabrævi í blaðnum í dag mælir Poul Hansen, advokatur, til aftur at innføra bann móti privatkoy­ring sunnu­ dag, ístaðin fy­ri at útby­ggja vatnorkuna Orka Kári Mikkelsen karim@sosialurin.fo Fyri at økja el-framleiðsluna frá verandi orkukeldum úr 45 til 55 prosent hevur SEV sett sær fyri at útbyggja vatnorkuna í Dølum og við Víkavatn á Streymoynni og allari eystursíðuni á Vág- oynni. Orsøkin sigst vera at minka um CO2 útlátið. Soleiðis byrjar Poul Han- sen, advokatur, eitt lesara- bræv í blaðnum í dag. Poul Hansen, sum er ivrigur rossamaður og ferðast nógv í føroysku náttúruni, heldur vera skeivt at útbyggja vatn- orkuna meiri í Føroyum. »Samstundis sigur nýggi SEV stjórin í Dimmu nr. 70 frá 11/4-2008 (Punktum.fo) at vit – Føroyar – eru á ein- um 5. plássi í Europa, hvat viðvíkur el-framleiðslu av varandi orkukeldum. Hetta prógvar, at okkara el-fram- leiðsla er ógvuliga ”grøn” og at einki er at finnast at henni hesum viðvíkjandi. Vit skulu minka um CO2 útlátið, men ikki við at útbyggja vantorkuna og seta fleiri av okkara fáu døl- um undir vatn ella turrleggja okkara fáu eftirverandi vatn- fátæku áir«, skrivar Poul Hansen, sum eisini heldur tað ver vitleyst fíggjarliga at útbyggja vatnorkuna »Okkara CO2 útlát skal minka og tað fer at minka av sær sjálvum komandi 2 árini, tá heimaflotin verður noyddur at tillaga veiðuork- una til tilfeingið. CO2 útlát- ið fer eisini at minka mun- andi næstu árini við teimum frambrotum ið henda innan sólkyknur, húsarhaldsmyll- um v.m. og vilja minka upp- aftur meira um løgtingið frí- tekur alla slíka útgerð fyri mvg. Harumframt vilja spar- ingar í olju/el-nýtslu eisini í stóran mun minka CO2 útlátið«, skrivar Poul Hansen og kemur við einum upp- skoti ístaðin at gera nakað fyri at avmarka bilkoyring- ina. »Lat okkum veruliga seta Føroyar á heimskortið – ikki við at hava fyrrverandi USA forsetar og varaforsetar 1 dag í Føroyum (einki galið í tí) – men við at minka CO2 útlátið á tann hátt, at vit banna allari privatkoyring sunnudag. Mær kunnugt hava onnur ikki gjørt tað, so hví ikki vera tey fyrstu at gera hetta og í verki veruliga vísa okkara virðing fyri nátt- úruni í staðin fyri at byrgja fáu livandi áir og dalar okk- ara aftanfyri betong og asfalt«. Hann heldur, at tað vit megnaðu undir oljukreppuni í 1973, megna vit aftur, um viljin er til tess. Poul Han- sen, sum var gestur í tíðinda- sendingini á Rás2 á mid- degi, vísir á, at tað verður heldur ikki verri fyri fólka- heilsuna, at fólk ganga og ikki koyra sunnudagar. Stjórin í Sev, Hákun Djur- huus, sum eisini var gestur í tíðindasendingin, sigur, at hann sjálvandi er til reiðar at taka eitt orðaskifti um vatnorkuútbyggingina, men vísir á, at hetta er ein polit- iskur spurningur at taka støðu til. Bannið koyring sunnudag Fyri 35 árum síðani bannaðu myndugleikarnir í nógvum londum, eins og í Føroyum, privatkoyring sunnudag orsakað av umfatandi oljukreppu kring alla heim. Poul Hansen (t.v.) heldur, at hetta eigur at verða sett í verk aftur ístaðin fyri at útbyggja vatnorkuna. Her avmyndaður saman við Hákuni Djurhuus, stjóra í Sev, eftir at teir báðir vóru gestir í tíðindasendingini á Rás2 á middegi Mynd: Jens Kristian Vang