mánadagur 5. mai 2008síða 22

22 [ Nr. 84 - 5. mai 2008 ] Tvey met til Bjørk Fimm heiðursmerki komu burturúr, tá føroyskir íðkar­ ar um vikuskiftið tóku lut í Tårnby Games Bjørk Herup Olsen setti føroyskt met leygardagin, tá hon rann 800 m uppá 2.22,34 min og fekk silvur. Gamla metið á teininum, 2.24,90 min, setti Rebekka Fuglø í fjør. Sunnudagin setti Bjørk so nýtt føroyskt met á 3.000 m við tíðini 10.24,28 miní eini kapping, sum hon vann. Gamla metið, 10.48,95 min, setti Bjørk sjálv í somu kapping í fjør. Rúni Seloy fekk sera góða tíð á 800 m og 1500 m, avíkavíst 2.08,38 min og 4.34,25 min. Hesi avrik rukku til gull og bronsu. Johannes Kristensen fekk bronsu á 80m forðarenning. -www.athletics.com Bjørk Herup Olsen setti tvey føroysk met, og á 3.000 metra teininum rann hon seg til gull um vikuskiftið. Eisini Rúni Seloy vann gullmerki í Tårnby Guttorm vann hálvt marathon 29 menn og seks kvinnur tóku lut, tá Bragdið leygar­ dagin skipaði fyri kapping á hálvum marathon­teini. Favoritturin hjá monnunum, Guttorm Sørensen, legði seg á odda beinanvegin, og rann á mál sum trygg­ ur vinnari við tíðini 1 tíma 14 minuttum. og 40 sekund­ um. Næstur á mál varð Andrias Hansen við tíðini 1.16,53, og honum á baki kom Henry Olsen, í harðari kapping við Eirik Hansen, sum eftir ein góðan innsats mátti lúta fyri rutinuni hjá Henry. Teir runnu teinin uppá ávíkavist 1.20,03 og 1.20,13. Kappingina um fyrsta plássið hjá kvinnunum, stóð millum Árnu Helmsdal og Fridu Poulsen, Árna vísti seg at verða tann skjótara, og kom hon á mál 1 minutt og 12 sekund áðrenn Frida. Tíðirnar vóru 1.48,27 og 1.49,39. Karin Kirke kom á mál sum nummar trý við tíðini 1.55,42. Kappingina hjá veteranum vann Borgar Biskupstø úr Treysti við tíðini 1.21,15, frammanfyri Absalon Hansen. Triður á mál varð Hákun Djurhuus. Majbritt Vestergaard vann hjá kvinnunum. Super veteranurin Óli Olsen livir framvegis upp til heiti. hann vann sína kapping við imponerandi tíðini 1 tími 30 min. og 36 sek. -www.athletics.com Fyrsta tapið hjá Hødd Hødd legði í gjár rygg til sítt fyrsta tap í ár. Hødd tapti 1­2 ímóti Odd Grenland á Høddvoll­Leikvøllinum. Hødd fekk ringast hugsandi byrjanina uppá fyrireikingarnar í vikuni, tí fleiri spælarar hjá Hødd hava ligið sjúkir við magasjúku síðstu dagarnar. Odd Grenland legði seg á odda í 16. minutti við máli, sum Morten Fevang skeyt. Fimm minuttir aftaná steðgin økti Peter Kovacs til 2­0. Stutt áðrenn leiklok skoraði Joachim Magnussen fyri Hødd til endaliga úrslitið 2­1 til Odd Grenland. Nedved á veg til Japan Kekkiski stórspælarin Pavel Nedved sigst nú vera ávegis til Japan at spæla. Nedved er ein av veteranunum í Juventus, og nú hann er blivin 35 ára gamal, verður ikki roknað við, at Nedved heldur fram í Juventus. Japanska felagið Jubilo Iwata sigur, at tað er í samráðingum við Nedved um at fáa hann at spæla fyri teir eftir summarsteðgin. Hevði væntað meir av B71 Bartal Eliasen, sum skeyt tvey av málunum hjá ÍF ímóti B71, tók soleiðis saman um dystin. ­ Vit vóru nógv betra liðið, og skapti nógv fleiri málmøgu­ leikar. Teir hava kanska ein málmøguleika í øllum dystin­ um, segði Bartal, og leggur afturat, at hann hevði væntað meir av B71, tí at teir vístu einki. ­ Vit hava trúð uppá okkum sjálvar, og vit vita, at vit hava eitt gott lið. Vit hava eisini fingið nakað av fólki afturat hópinum, so vit eru styrktir, segði tvífaldi mál­ skjúttin. Hvør er málsetningur tykkara, nú tit liggja somikið væl fyri? ­ Málsetningurin er hin sami, sum hann var áðrenn kapp­ ingarárið. Fyri meg er málið eitt 5. pláss, segði Bartal Eliasen at enda. Ikki nóg uppsettir Hetta heldur 17 ára gamli Høgni Midjord, sum veruliga hevur gjørt vart við seg á B71­liðnum í ár. ­ Tað virkar sum vit ikki eru nóg væl uppsettir til dystin. Venjarin dugir tó væl at seta okkum upp til dystin, men eg haldi bara at vit vóru móðir. Vit kunnu avgjørt spæla betur, enn vit gjørdu í dag. Hetta var bara ein off­day, heldur Høgni. Hann vil tó ikki taka nakað frá ÍF. ­ ÍF spældi sera væl, teir vinna næstan hvønn bólt. Teir høvdu bóltin meginpartin av fyrra hálvleiki og skapa nógvar málmøguleikar. Teir vóru heilt óvæntað góðir í dag, og hetta vísur bara, at teir vilja nakað í ár, sigur Høgni Midjord, sum serliga er bergtikin av avrikinum hjá Bartali Eliasen. Uppflytararnir úr Fuglafirði eru í holt við at byggja fastan bústað í For­ muladeildini. Triðja sigurin í ár fingu teir í hús í gjár, tá ið teir vunnu tryggan 3­1 sigur á B71 FÓTBÓLTUR Pætur Albinus patur@sosialurin.fo Nýggi venjarin hjá ÍF, bretski David Jones, hevur veruliga fingið fótbólts­ maskinuna í Fuglafirði í gongd aftur. Eftir eina óhepna kappingarbyrjan, har ÍF tapti heili 0­4 fyri B36 í Gundadali, er gongd­ in nú vend. 10. stigið ognaði ÍF sær í gjár á heimavølli, tá ið eitt svingandi B71­lið var á vitjan. Eitt lið á vøllinum Á Sandoynni harmast við­ haldsfólk um, at B71 hevur trupult við at koma væl frá byrjan, og nógv taka til, at liðið bara spælir seinna hálvleik. Orðini komu til sín rætt í gjár, tá ið B71 enn einaferð spældi ein vána­ ligan fyrra hálvleik. ÍF vann sær skjótt takið, og longu eftir hálvum tíma var ÍF á odda 2­0. Bæði málini skeyt Bartal Eliasen, sum hesa­ ferð leikti álopinum, av tí at Balasz Sinko var leikbann­ aður og Jonn Thomsen aftur var tøkur í miðverjuni. Fyrsta málið sendi Bartal í netið skamt frá brotsteigar­ markinum, meðan hann slapp at økja til 2­0, tá ið B71­verjan ikki fekk beint bóltin burtur av vandaleið. Trygg leiðsla 2­0 sigst at vera vandamesta leiðslan í fótbólti, men hesa leiðslu dugdi ÍF væl at halda. Í seinna hálvleiki var ÍF eisini greitt omaná, og eftir góðum tíma økti Nenad Saric til 3­0. Gott smáspæl fór fram í høgru síðu, áðrenn Nenad trakk inn í vøllin og sendi bóltin í netið. Vellington Soares mink­ aði um munin 10 minuttir seinni, tá ið hann sendi eitt langskot avstað. Hetta gjørd­ ist eisini seinasta málið í dystinum, sum ÍF trygt stýrdi og hevði hevði tamar­ hald á. ÍF vísti gott smáspæl allastaðni á vøllinum, og vóru eisini tolnir at taka av røttu møguleikunum. ÍF má sigast at vera kom­ ið væl frá byrjan í Formula­ deildini, meðan tað ikki gongur heilt sum ætlað hjá B71. ÍF hevur nú 10 stig, meðan B71 verður verandi á fýra stigum. ÍF-B71 3-1 (2-0): ÍF buldrar víðari Fuglfirðingar sótu á mest sum øllum, tá B71 vitjaði sunnudagin