mikudagur 21. mai 2008síða 20

2 BYGGIMESSAN Sosialurin 21. mai 2008 Fólk á Reykjavíkarleiðini aftra seg við at keypa fasta ogn (Mynd: Vísir) Fáar húsasølur Í síðstu vórðu 45 handlar við fastari ogn skrásettir hjá myndugleikunum í Reykjavík og har um vegir, og so fáir hava handlarnir ikki verið tey seinastu 12 árini, skrivar blaðið Vísir. Sambært blaðnum vóru handlarnir 74 í meðal um vikuna í februar, mars og apríl. Sethúsasølurnar í høvuðsstaðarøkinum eru eisini fækkaðar munandi í seinastuni, og kemst hetta ivaleyst av teimum stóru rembingunum í íslendska fíggjarheiminum seinastu tíðina. Fyrsta føroyska byggimessan verður í Ítróttar­ høllini á Nabb frá hósdegnum til leygardagin. Og talan er um eina umfatandi messu við nógv­ um ymiskum framsýnarum, fyri­ lestrahaldarum umframt undir­ hald, mat og drekka til alla familjuna Tað er nýggja fyritøkan, Kern, sum skipar fyri messuni. Fyri­ tøkan tekur sær í høvuðsheit­ um av marknaðarføring og bókhhaldi fyri smærri fyritøkur, umframt at hon ætlar at fyri­ skipa ymisk tiltøk. Tað eru teir fýra, Jóan Pauli Lamhauge, stjóri, Arni Winter­ eig, Sigríður á Plógv og Magni Brøðraberg, sum eiga og reka fyritøkuna. ­ Vit hava eitt sindur við byggivinnuna at gera, og hildu at tørvur var á einari messu, sum kundi savna vinnuna, bæði fyri at skapa sambond innanhýsis í vinnuni, men sjálvandi eisini fyri at kundin, sum ynskir at byggja hús, kundi hava møguleika at fáa allar veitarar á einum stað, greiðir Magni Brøðraberg frá. Á messuni verður møguleiki at fáa kunning og tilboð innan alt frá fígging, trygging til byggisnið og byggitilfar. Skapa samstarv Magni Brøðraberg sigur, at teir hava arbeitt út frá hugsjónini, at kapping er góð, men sam­ starv kann røkka enn longri. ­ Vit halda, at tað hevur manglað eitt føroyskt forum, har vinnan kann møtast, síggja nýggj produktir og skapa nýggj netverk. Á pállinum verða ymiskar framløgur, har fyritøkur millum annað kunnu sýna síni produktir og tænastur fram. ­ Fleiri fyritøkur hava fingið útlendskar undirleverandørar at koma hendan vegin at halda fyrilestrar, og onkur útlendsk fyritøka hevur eisini bás á messuni, sigur Magni Brøðra­ berg og nevnir íslendska fyritøku, sum bjóðar útlendska arbeiðsmegi til byggivinnuna. Eisini til góma og børn Hóast høvðusinnihaldið á messuni er bygging og alt sum hevur við bygging at gera, so hava fyrireikarnar lagt mess­ una soleiðis til rættis, at hon er til alla familjuna. ­ Við norðara endan á høllini hava vit eitt stórt útispælipláss, sum er innhegnað og har vaktir ansa børnunum. Her kunnu øll børn undir 15 spæla og hugna sær, meðan foreldrini kanna tilboðini inni í høllini, sigur Magni Brøðraberg. Inni verður tónleikur á palli­ num við Finni Jensen frá Páll Finnur Páll, og skipað verður eisini fyri kappingum, sum hava eitt hvørt við byggivinn­ una at gera, so sum at smíðja og bora um kapp. ­ Og so hava vit eisini mat­ stovu, sum Café Natúr stendur fyri. Matstovan hevur skeinki­ loyvi og bjóðar fyrstafloks mat, staðfestir fyrireikarin. Messan verður opin frá hós­ degi til leygardag, og fyrireik­ arnir vænta, at á leið 1000 til 1500 vitjandi verða um dagin. _____________________________ Dorit Hansen dorit@sosialurin.fo Mynd: Jens Kristian Vang Byggimessa fyri alla familjuna LÝSINGARTILFAR Tekna heimsins longstu brúgv Danska Cowi hevur fingið til uppgávu at tekna og sniðgeva eina brúgv, sum skal gerast millum Qatar og oyggjarlandið Bahrain í Miðeystri. Brúgvin verður ætlandi 40 kilometrar long og heimsins longsta. Cowi hevur havt ymsar uppgávur fyri stjórnina í Qatar tey seinnu árini, men hendan er tann størsta. Í løtuni leitar felagið eftir egnaðum medarbeiðarum til uppgávuna. Eitt altjóða samtak skal gera sjálva brúnna, sum verður liðug í 2013. Bahrain er eitt av oljulondunum við Persaflógvan (Mynd: Polfoto) Magni Brøðraberg er ein av fýra eigurunum í fyritøkuni, Kern, sum skipar fyri stóru byggimessuni í Havn hetta vikuskifti. - Tørvur er á einari messu, sum kann savna byggivinnuna og geva kundunum høvi at fáa øll tilboðini á einum stað, staðfestir Magni Brøðraberg