týsdagur 17. juni 2008síða 12

12 Nr. 114 - 17. juni 2008 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Hósdagin 12. juni 2008 fingu 14 leiðarar handað prógv á Skeiðsdeplinum í Marknagili. Skeiðsdepilin arbeiðir við eftir- og víðari- útbúgving á Føroya Hand- ilsskúla og Tekniska Skúla. Hetta er fimta Diplomleið- arapróvtøkan á Skeiðsdepl- inum. Talan er um útbúgv- ing innan praktiska leiðslu. Diplomleiðarar fingið prógv Lærarar og leiðarar, f.v.: Ísak N.Jacobsen, útbúgvingarleiðari og Georg Suðurgarð, lærari. Tey sum fingu prógv: Æna Reinert (Landssjúkrahúsið), Egil G. Olsen (Almannastovan), Ingolf Joensen (Fiskaaling P/f), J. Maria Pedersen (Landssjúkrahúsið), Jóan Símun Saltá (Landssjúkrahúsið), John Mortensen (Almannastovan), Jóngerð Nielsen (Landssjúkrahúsið), Jónsvein Simonsen (Dimmalætting), Katrin Toftegaard (Landssjúkrahúsið), Pauli Hofgaard (LM-Electric), Susanne Høgh Olesen, Vagn Foldbo (Heimamissiónin) og Valborg H. Josephsen (Nærverkið). Jákup Jacob- sen frá LM-Electric vantar á myndini. Mynd: Jens Kristian Vang Sunnudagin 15. juni 2008 vóru júst 50 ár liðin síðani Randi Kilgour á Tvøroyri hevði sín fyrsta arbeiðsdag á Suðuroyar Apoteki. Tann 15. juni 1958 fór Randi, sum 14 ára gomul, fyri fyrstu ferð til arbeiðis á apotekinum. Hon varð biðin at koma sum summarferiu- avloysari fyri eina reingerð- arkonu og var í hesum avloysarastarvi í einari 3 vikur. Eftir hetta bað frú Jen- sen, sum Anna Jensen apo- tekari vanliga varð nevnd, Randi um at koma inn um skrankan at arbeiða – og har hevur hon arbeitt síðani í samfull 50 ár. Tey fyrstu árini, Randi arbeiddi á apotekinum, helt apotekið til á Tvørabakka, stutt frá heiminum hjá Randi. Men í fyrru helvt av 1960- unum varð nýtt apotek bygt úti á Tvøroyri, og tann 8. aug- ust 1964 flutti apotekið so í nýggju hølini. Síðani er apo- tekið úti á Tvøroyri eisini dagført fleiri ferðir, seinast fyri nøkrum árum síðani, soleiðis at apoteki í dag er eitt nútímans apotek. Hesi 50 árini hevur Randi arbeitt við fleiri apotek- arum. Tann fyrsti var Anna Jensen. Síðani var Annie Joensen apotekari í eitt tíð- arskeið, áðrenn Hera Mørkøre, núverandi lands- apotekara. Og í dag er Fríði Jensen apotekari á Suðuroy- ar Apoteki. Afturat teimum koma so eitt ótal av apotek- arum, sum hava verið avloysarar í summafrítíðini, greiður Randi frá. Nógv er broytt hesi 50 árini Randi greiður Suðuroyar- portalinum frá, at heilt nógv er sjálvandi broytt frá teirri fyrstu tíðini á apotekinum á Tvørabakka og fram til í dag. Til dømis blandaðu tey fyrr medisin, salvur, mix- ture og so framvegis á Suð- uroyar Apoteki, umframt at fylt var í gløs og etikettir settar á. Í dag verður alt blandað í Havn ella uttan- lands. Fyrr fingu tey t.d. eisini tabelettir í stórum nøgdum, sum tey so sjálvi fyltu í gløs, tað sama var galdandi við ymiskum salvum, sýrum os.fr. Í dag kemur so at siga alt í smærri pakn- ingini, klárt at selja. Eitt annað sum eisini er heilt broytt er, at apotekið í dag í stóran mun er ein sjálv- tøku handil – tó undantikið resept-medisin – har kundin sjálvur kann síggja og velja tað vøruna, tey vil hava. Fyrr stóðu kundarnir aftan- fyri skrankan og bóðu so um tað tey skuldu keypa. Eitt gott arbeiðspláss Randi sigur, at apotekið hevur verið sera eitt gott arbeiðspláss við góðum samstarvsfeløgum. Tað hevur eisini verið spennandi og stuttligt at arbeiða á apo- tekinum, ikki minst í teirri tíðini, tá tey blandaðu medi- sin, salvur o.a. á apotekinum á Tvøroyri. Kundarnir hava eisini altíð verið sera vinarligir og fyrikomandi, og tað hevur gjørt sítt til at tað hevur verið eitt gott arbeiðspláss. Sambandið við kundarnar hevur eisini gjørt sítt til, at arbeiðsdagurin hevur verið fjølbroyttur og áhuga- verdur. Hugaligur gongurtúrur til arbeiðis Øll árini Randi Kilgour hevur arbeitt á apotekinum, hevur hon at kalla hvønn tann einasta dag gingið til og frá arbeiði. Randi sigur, at tað altíð hevur verið ein hugaligur gongutúrur til arbeiðis, fyrst út á Tvøra- bakka og síðan 1964 út á apoteki úti á Tvøroyri. Soleiðis verður eisini í morgin tíðliga, tá Randi fer til gongu av Tvørabakka, eins og hon hevur gjørt tey seinastu 50 árini. Kelda: www.sudurras.com Randi Kilgour: 50 ára starvsdag á Suðuroyar Apoteki Gurið Joensen er í dag sett í starv sum stjóri á Útlendingastovuni. Gurið Joensen er 43 ára gomul og er útbúgvin løgfrøðingur. Seinastu 10 árini hevur hon starvast sum stjóri á Føroya Kærustovni. Áðrenn tað starvaðist hon á Landsskrivstovuni, Líkningarráðnum og eitt skifti sum advokatur. Gurið Joensen tekur við starvinum tann 1. juli 2008. Gurið nýggjur stjóri Myndin var í viku- skiftisblaðnum, men av tí at okkurt navn var komið skeivt fyri, er myndin aftur í blað- num í dag. Gurið Joensen -har tað hendir