týsdagur 17. juni 2008síða 13

Nr. 114 - 17. juni 2008 13 Góði babba Tað er so óveruligt, at tú ert farin - long tíð kemur fer at ganga, áðrenn eg vil viðganga, at tú er farin frá okkum. Eg hevði glett meg so nógv til í summar, tá ið tú og mamma skuldu koma yvir at vitja okkum - vit skuldu halda gullbrúðleyp fyri tykkum. Eg veit eisini, hvussu nógv tú hevði glett teg. Tú skundaði tær at fortelja mær, at nú hevði tú keypt billett til tann 27. august og minti dreingirnar næst- an hvønn dag á, at nú kem- ur abbi skjótt, men Guð hevði aðrar ætlanir við tær. Túrurin hesaferð var til himmals. Tað var so deiligt hesi seinastu árini at hava eina so smarta telefon, sum gav okkum møguleika at bara trýsta á ein knøtt, so vóru vit í køkinum hjá hvørjum øðrum. Kai Leo skuldi rópa á abba, minna abba á, at hann skuldi koma at byggja eitt træhús til hann. Hetta kemur hann ikki at skilja. Tað gleðir meg at vita, at hvussu gott tú hevði tað hjá okkum, og hvussu tú treivst her. Tey seinastu 11 árini eg havi búð í USA, vóru vit komin nógv tætt- ari at hvørjum øðrum. Tú hevði tað ofta betri við pín- uni - haldi hitin hjáltpi so nógv - tú virkaði altíð so glaður og flenti og spældi við dreingirnar dagin lang- an. Vit ferðastu nógv sam- an, í summarhúsi og vóru nógv úti og ótu og keypti á støðum, sum tú ikki hevði gjørt heima í Føroyum, tí í SMS fór tú ikki - hetta komi eg at sakna. Sjálvt um tú ert farin frá okkum, er tú altíð tætt hjá okkum í okkara hjørtum og tank- um. Vit koma at sakna teg so nógv. Eg skal passa væl uppá mammu fyri teg. Eg elski teg. Dóttir tín Janita Til minnis um Vermund Joensen Hóskvøldið gjørdist hend- ingaríkt og søguligt, tá tvinnar familjur í fleiri ætt- arliðum vitjaðu Skarvanes nú um dagarnar. Eftirkomararnir hjá Her- geir og Mariu Petersen, sum fluttu av Skarvanesi í 1974, tey fýra av systkjunum Óluva, Irena, Borgar og Gudrun við familju, eru í Føroyum og ferðast, og hava búleikast á Skarvanesi ein part av tíðini. Malborg McLaren, sum giftist eingilskmanni, flutti til Onglands í 1945, og vitj- ar saman við soninum Eddi á somuleiðis á Skarvanesi í hesum døgum. 86 ára gamla Malborg er ávikavist fastur og mostur at Liss og Jolanu, sum eisini vóru á Skarvanesi í góðveðrinum. Hósdagurin varð serligur “aftur-á-slóðina-dagur”, har næstringar vitjaðu tey heim- afturkomnu, og mong góð minnir flættaðust saman aft- ur hesa hendingaløtu. Byrjað varð við krabbafiskikapping, og tað stóð nógv á luttakandi liðunum, sum stríddust mill- um steinarnar í fjøruni. Aftaná varð farið til búgvi borð við øllum góðum, og skyldfólkini hugnaðu sær við práti, sangi og føroyskum dansi til væl út á náttina. Tað stóð kortini ikki á at fáa skjúts til húsa aftur hjá gestunum, tí yvirborgar- stjórin á Skarvanesi, Poul Jákup, trein í trompetina, tá farast skuldi til húsa. Nógvir træðrir eru styrktir og flættaðir saman aftur, hes- ar dagarnar tá tey á Skarva- nesi funnu aftur á slóðina. sb. Aftur á slóðina í Skarvanesi Eldri og yngri hittust á Skarvanesi at minnast aftur á gamlar dagar Mynd: bkv.fo Kunngjørt verður fyri vinum og kenningum, at Jens Cramer Århus andaðist mándagin 16. juni, 68 ára gamal. Jarðarferðin verður leygardagin 21. juni klokkan 10.00 frá Vor Frue Kirke, Vestergade 21, 8000 Århus C. Cecilie Z. Cramer og Malan Marnersdóttir Dagurin 18. juni. Leontius, deyður umleið ár 135. Heryvirmaður í rómverska herinum, sum varð tikin av døgum fyri trúar sakir. Lesið -so eru tit við!