hósdagur 26. juni 2008síða 29

29 [ Nr. 121 - 26. juni 2008 ] Aragones til Turkalands Turkiska stórfelagið Fenerbache hevur nú boðað frá, at spanski landsliðsvenjarin, Luis Aragones, verður nýggjur venjari í felagnum. Fenerbache koyrdi fyri mánaði síðani brasilska Zico úr venjarastarvinum, og síðani hava gitingarnar verið nógvar. Eitt nú ljóðaði eitt skifti, at Michael Laudrup skuldi verða nýggjur venjari. Men tað verður so 69 ára gamli Aragones, sum nú setir seg í sessin eftir fýra ár sum spanskur landsliðsvenjari. Doping-kríggj móti Tour’inum Hóast tað enn eru 10 dagar, áðrenn Tour de France byrjar, so er kríggið móti doping longu farið ígongd. Fleiri enn 30 luttakarar eru longu testaðir, og sambært kappingarleiðsluni verða millum 20 og 30 súkklarar afturat testaðir, áðrenn kappingin fer ígongd. Umframt vanligu blóðroyndirnar fevna kanningarnar í ár eisini um vakstrarhormon. Gølurnar við doping í Tour de France hava verið nógvar. Eitt nú, tá danski Michael Rasmussen í fjør varð tveittur úr kappingini. Hann var tó ikki testaður positivur, men hevði ikki hildið upplýsingarskyldu sína mótvegis altjóða súkklusamgonguni. Guus Hiddink hevur ótrúlig úrslit at vísa á sum landsliðsvenjari hjá ávikavist Suður- Korea, Hollandi, Avstralia og Russlandi Fótbóltur Heri Simonsen heris@sosialurin.fo Sum so mangur annar góð­ ur venjari, so var Guus Hid­ dink ikki nakar úrmælingur sum aktivur fótbóltsspælari. Hiddink ­ sum er føddur í 1946 ­ var ein javnt góður miðvallarspælari, tá hann varð aktivur yrkisleikari, árini millum 1967 og 1982. Í Hollandi spældi hann við De Graafschap, NEC Breda og PSV Eindhoven, áðrenn hesir veruliga fóru í holt við at hótta Ajax Amster­ dam og Feyenoord Rotter­ dam. Hiddink spældi eisini fótbólt í USA, árini 1976 og 1977. Amerikumenn royndarkoyrdu eina fótbólts­ deild tá, sum var nevnd North American Soccer League (NASL), men hon fór av knóranum miðskeiðis í 1980­unum. Men har eydn­ aðist tað so Hiddink at spæla fótbólt í bæði Wash­ ington og í San José. Stóri sigurin í 1988 Men tað, sum Guus Hiddink ikki rakk, sum spælari, hev­ ur hann rokkið, sum venjari. Árini 1982­1984 var hann hjálparvenjari í De Graaf­ schap. Í 1984 tók hann við, sum hjálparvenjari hjá PSV Eindhoven, sum tá hevði stórar ætlanir at koppa lið­ unum úr Rotterdam og Amsterdam av trónuni. Á vári 1987 var hann sum hjálparvenjari við til at vinna meistaraskapið. Árið 1987­1988 var fyrsta árið, hann fekk evstu ábyrgdina av hópinum hjá PSV, og tað skal sigast, at hann tók av. Í 1988 framdi PSV eitt satt bragd, sum Hiddink var heilin aftanfyri. PSV vann bæði Evropa Cup fyri meist­ aralið, hollendska meistara­ heitið, og hollendsku steypa­ kappingina. Millum hetjur­ nar hjá PSV á 1988­liðnum vóru donsku landsliðs­ legendirnar, Frank Arnesen, Ivan Nielsen og Søren Lerby. Hiddink vann aftur hollendsku greipuna við PSV í 1989, og í 1990 vann liðið steypakappingina triðja árið á rað. Ikki so gott í Spania Hiddink hevur sum oftast prógvað, at hann kann standa seg væl uttanlands, men sigast má, at Turkaland og Spania hava verið und­ antøkini. Sama Turkaland, sum tapti hálvfinaluna ígjár ímóti Týsklandi, og sama Spania, sum Hiddink skal royna at koppa í kvøld. Hid­ dink var venjari hjá turkiska Fenerbache kappingarárið 1990­1991. Árini 1991­ 1994 var hann venjari hjá Valencia, men hetta var tíðin tá “The Dream Team” hjá Johann Cruyff yvir­ skuggaði alt og øll í Spania. Hiddink helt Valencia uppi í ovaru helvt, men talan gjørdist ikki um nakað heiti hesi árini. Kortini gjørdist hann hetjan hjá mongum í Spania, tá hann gav boð um, at rasistisk slagorð skuldu burtur frá leikvølli­ num hjá Valencia. Hansara offensiva fótbóltsfilosofi var væl umtókt í Valencia, har manglaði bara tað síðsta – at vinna nøkur heiti. Hid­ dink vandi Real Madrid í 1998­1999, og Real Betis Sevilla í 1999­2000. Tað eydnaðist honum at vinna Intercontinental Cup við Real Madrid, sum gjørdist tað einasta heitið hann vann við einum sponskum liði. Hiddink var aftur venjari hjá PSV Eindhoven árini 2002­2005, og tað gekk sum eftir ánni. Árið 2002­ 2003 vann liðið hollendska meistaraskapið, og í 2004­ 2005 vunnu teir greipuna. Men tað er, sum landsliðs­ venjari Guus Hiddink er blivin ein alheims fótbólts­ legenda. Holland fyrst Størsta avbjóðingin hjá Hiddink kom, tá hann gjørd­ ist hollendskur landsliðs­ venjari. Hann brúkti harðan disiplin, og tá EM­enda­ spælið var í Onglandi í 1996, sendi hann Edgar Davids heim, og var tað ikki uttan svørðslag. Við HM­endaspælið í Fraklandi i 1998 var Holland ímillum tey liðini, sum spældu tann besta fótbóltin, men í hálv­ finaluni tapti Holland ímóti Brasilia aftaná brotssparks­ kapping, og gjørdist hetta síðsti dysturin hjá Hiddink sum hollendskur landsliðs­ venjari. Í 2000 tók Hiddink við einari risastórari avbjóðing. Suður­Korea varð saman við Japan vertur hjá HM­ endaspælinum í 2002. Suður­Korea hevði ikki vunnið ein dyst við eitt HM­endaspæl, áðrenn 2002. Koreanska pressan var ikki blíð við Hiddink, og varð mong síða skrivað um, at Hiddink brúkti ov nógva tíð saman við unnust­ uni, og ov lítla tíð saman við koreanska landsliðs­ hópinum. Men Hiddink læsti kjaftin á øllum. Í bólkaspælinum vann Suður­Korea 2­0 á Póllandi, 1­0 á Portugal – sum var millum favoritarnar tá – og spældi Suður­Korea eisini javnleik, 1­1 ímóti USA. Í 1/8­finaluna møtti Suður­Korea Italia. Aftaná longda leiktíð eydnaðist tað Suður­Korea at vinna 2­1. Í fjórðingsfinaluni vann liðið hjá Hiddink á júst Spania aftaná brotsparks­ kapping. Í hálvfinaluni tapti Suður­ Korea 1­0 ímóti Týsklandi, og bronsudystin tapti Suður­Korea 3­2 ímóti Turkalandi. Koreabúgvar vóru ovur­ fegnir um góðu úrslitini hjá Hiddink, og gjørdist Hid­ dink fyrsti útlendingurin, sum gjørdist heiðursborgari í Suður­Korea. Avstralia og Russland Í 2005 gjørdist Hiddink avstralskur landsliðsvenjari, og her eydnaðist tað honum at føra Avstralia til HM­ endaspælið, sum var í Týsklandi í 2006. Hetta var fyrsta HM­luttøka hjá Avstralia síðani 1974, sum eisini var í Týsklandi. Avstralia vann 3­1 á Japan, teir spældu 2­2 ímóti Kroat­ ia, og taptu 2­0 ímóti Brasilia. Í 1/8­finaluni bíðaði Italia. Hóast Avstalia spældi 11 ímóti 10 í yvir 35 minuttir, so eydnaðist tað ikki at koppa Italia, sum vann 1­0 uppá eitt brots­ spark. Hetta gjørdist síðsti dyst­ urin hjá Hiddink, sum avstralskur landsliðsvenjari, men avstraliumenn vóru meir enn nøgdir við úrslitið. Eftir HM­endaspælið í 2006 tók Hiddink við russ­ iska landsliðs­venjarastarvi­ num, og tað eydnaðist Hiddink at spæla Russland til EM­endaspælið, við at koppa Onglandi út úr kapp­ ingini. Í kvøld verður ein nýggjur kapitul skrivaður í landsliðs­ venjara­søguni hjá Hiddink. Vónandi verður hann ikki minni spennandi enn hinir kapitlarnir. Hóast hann ikki var tann stóri fótbóltsspælarin, so hevur Guus Hiddink sum venjari vunnið sær status sum sonn legenda Mynd: Polfoto/AP Garvaði ganda- kallurin Hiddink