mánadagur 30. juni 2008síða 10

10 tíðindi Nr. 123 - 30. juni 2008 Leygarmorgunin var hátíðarløta á Skála, tá seinni nýbygningurin hjá Thor í Hósvík fór av bakkastokki NýbygNiNgur Vilmund Jacobsen vilmund@sosialurin.fo Væl av fólki var saman­ komið í góðveðrinum á Skála leygarmorgunin til móttøku. Seinni ný­bygning­ urin hjá Thor í Hósvík skuldi av bakkastokki, og fólk vóru forvitin eftir at síggja og fylgja hesi hend­ ing. Áðrenn skipið varð loyst í byggihøllini og kundi stevna út á sjógv, søgdu Mourits Mohr, rakstrarleið­ ari og Thormund Johanne­ sen, verkætlanarleiðari á Skála Skipasmiðju, nøkur orð. Skipasmiðjukórið setti eisini sín dám á hesa fyrstu løtuna av hátíðarhaldinum. Dýrd á vík… Alt gekk skjótt og væl fyri seg. Tá løtan kom, setti ný­­ bygningurin stevnið oman úr hurðagapinum og fór so hábærsligur omaneftir bed­ ingini og út á sjógv. Nakrir bátar lógu eisini út fyri Skála Skipasmiðju og fylgdu løtuni í silvitni og bakandi morgunsól. Eftir at skipið hevði ligið eina løtu úti á vánni, varð endi settur á, og ný­bygn­ ingurin varð sleipaður aftur til bryggju. Eftir sjóseting bjóðaði Skála Skipasmiðja til pinna­ mat og okkurt leskandi, samstundis sum Skipa­ smiðjukórið aftur setti sín dám á við sanginum »Dý­rd á vík og vág…« Alpha og Omega Hóast hetta seinna skipið hjá Thor í Hósvík enn ikki er navngivið, krógvast navn­ ið ikki, sum er sveisað á skipssíðuna. Thor Omega verður navn­ ið, og tað er kanska ikki so undrunarvert, tá fyrri ný­­ bygningurin, sum varð navngivin og latin eigar­ unum tíðliga í hesum árin­ um, fekk navnið Thor Alpha. Thor Alpha og Thor Omega eru systirskip. Hetta eru ný­bygningar nummar ávikavist 56 og 57 á Skála Skipasmiðju. Hetta eru veitingarskip til oljuvinnuna. Tey eru 55 metrar long og 13 metrar breið. Um ein lítlan mánaða fer Thor Omega niður til Assens í Danmark, har skip­ ið verður sandblást, metalliserað og málað, og sambært sáttmálanum verð­ ur ný­bygningurin latin eigarunum 14. september í ár. Helgi Davidsen, sum er ættaður úr Runavík, fer at føra Sancy, ið hugsandi verður »chasari« í seismikkvinnuni í Grønlandi SaNcy Vilmund Jacobsen vilmund@sosialurin.fo Djúpvatnstrolarin Sancy, sum hevur verið ein partur av føroyska fiskiskipaflot­ anum seinastu árini, er nú seldur til Noregs, har hann fer at sigla sum fylgiskip í seismikkvinnuni. Keypari er norðmaðurin Oddvar Vea, sum áður hevur keypt Froyu I og eitt nú chartrar Jónrit, sum er heimahoyrandi á Strondum. Í nakrar dagar hevur Sancy ligið í Runavík, har maskinverkstaðurin Meka­ nik er í holt við at yvirhála høvuðsmotor og ljósmotor. Hetta eru krøv, sum klassin setir. Helgi Davidsen, sum er ættaður úr Runavík, skal føra skipið, tá tað loysir aftur. Saman við honum verða fý­ra aðrir føroyingar, stý­rimaður, tveir maskin­ menn og kokkur. Enn er ikki endaliga gjørt av, um skipið fer at sigla undir føroyskum ella norskum flaggi. Helgi, sum í eini 10 ár hevur búð í Danmark, hevur siglt hjá Oddvar Vea í um­ leið hálvt annað ár, og hann hevur eisini ført Froyu I. Skiparin sigur, at tað er ikki óhugsandi, at Sancy verður tað, sum rópt verður, »chasari« í seismikkvinn­ uni í Grønlandi. Nakrir mans, sum fara at sigla við Sancy, eru nú í holt við at snøgga um skip­ ið, og fyrsta dagin koma málarar umborð. Helgi Davidsen sigur, at Sancy hevur verið uppi á bedingini hjá Tórshavnar Skipasmiðju, og hann vón­ ar, at klárt verður at loysa um fáar vikur. Sancy er farin úr føroyska fiskiskipaflotanum fyri Beinisvørð hjá Sancy Trawl, sum er keyptur úr Íslandi, og nú verður gamli djúp­ vatnstrolarin riggaður til oljuvinnu, samstundis sum Beinisvørð verður riggaður til fiskiskap. Stríð um kóp Um einar fjúrtan dagar fer ES­tingið at viðgera eitt uppskot um, at samveldið skal banna øllum handli við kópaskinnum. Verður uppskotið samtykt, fer tað millum annað at bera í sær, at ES gevst at innflyta kópaskinn. Uppskotið hevur vakt stóran ans í Grønlandi. Aleqa Hammond, landsstý­ris­ kvinna í uttanríkispolitiskum viðurskiftum, sigur við KNR, at tað fær sera álvarssamar avleiðingar í Grønlandi, verður uppskotið samtykt. Illir grønlendingar Í grønlendska fiski­ og veiðimannafelagnum KNAPK eru tey í øðini um, at ES­londini í altjóða hvalaveiðinevndini IWC settu seg upp ímóti einum uppskoti um at loyva grønlendingum at veiða 10 kúlubøkur. Fleiri í felagnum vilja hava landsstý­rið at senda mannarættindadómstól­ inum hjá ES eina kæru um avgerðina, og at fiskivinnu­ avtalan við ES skal endurskoðast. ES­londini eru júst nóg mong í tali til at forða einum uppskoti, sigur KNR. Aleqa Hammond fer í stríð fyri kópaskinnini (Mynd: KNR) Thor Omega av bakkastokki Í silvitni og bakandi sól stevnir Thor Omega so hábærsligur oman úr hurðagapinum og út á hav Mynd: Vilmund Jacobsen Thor-brøðurnir, Gunnbjørn og Hans Andrias og Gunnar Mohr, fyrrverandi skipasmiðjustjóri. Kvinnan á myndini er kona Hans Andrias, Súsanna Mynd: Vilmund Jacobsen Sancy í seismikkvinnu í Grønlandi Fimm av seks monnum við Sancy verða føroyingar Mynd: Vilmund Jacobsen