týsdagur 1. juli 2008síða 6

6 tíðindi Nr. 124 - 1. juli 2008 - Kreppan í fiski- flotanum verður ein harður umgangur nógva staðni í landinum, men hetta eitt gott høvi til at minka fiskiflotan og laga hann til fiskastovnarnar, sigur stjórin í Vinnuhúsinum Fiskivinnukreppa Áki Bertholdsen aki@sosialurin.fo - Vit halda ikki, at tað er rætt at geva fiskiflotanum almennan stuðul av nøkrum sum helst slagi. Marita Rasmussen, stjóri í Vinnuhúsinum sigur, at av prinsipiellum orsøkum er Føroya Arbeiðsgevarafelag ímóti at lata vinnuni stuðul og sostatt heldur felagið eisini, at tað er skeivt at geva fiskiflotanum almenn- an stuðul, hóast hann nú er í kreppu. Tí heldur hon, at vit skulu brúka hetta høvi til at lata fiskiflotan laga seg til og finna sína nátúrligu stødd og samanseting, so at tað verða tey mest rationellu skipini, sum verða eftir. Hon sigur, at tað, sum umræður, er sjálvandi at fiska tað nøgdina, vit skulu hava burtur úr stovnunum, so effektivt, sum gjørligt. Ì hesum sambandi nevnir hon teir stóru lemmatrol- ararnar. - Upprunaliga komu teir í flotan við tí endamáli at fiska á djúpum vatni eftir konga- fiski, blálongu, svartkalva og øðrum fiskasløgum uttanfyri sjálvan landgrunnin. - Tað var eisini teirra høvuðsveiða í nógv ár. Men tað er tað ikki longur, tí nú eru eisini teir stovnarnir illa fyri. Sostatt hevur fiski- skapurin hjá lemmatrolar- unum flutt seg og nú dúva teir mest upp á upsan. - Spurningurin er so um tað er mest rationelt at fiska upsa við teimum stóru lemmatrolarunum, sum brúka ógvuliga nógva olju, ella um tað er rationellari at fiska hann við øðrum skipum, sum eru bíligari í rakstri. Ein harður umgangur Stjórin í Vinnuhúsinum sigur, at kreppan, sum okk- ara fiskifloti er komin í, er uppstaðin hetta seinasta hálva árið, nú oljuprísirnir eru farnir til himmals. - Broytingin í fiskivinnuni hevur verið so ógvuslig og brádlig, at tað kann ongin vinna laga seg til. Og hon ivast ikki í, at tann tillagingin, sum nú skal til, verður ein harður umgangur, bæði hjá fiskivinnuni sjálvari og hjá samfelagnum annars. Ikki minst verður tað ein harður umgangur hjá teimum økjum úti um landið, har fiskivinnan er stór. Hinvegin staðfestir hon eisini, at tað hevur altíð gingið upp og niður í fiskivinnuni. - Í løtuni eru vit í einum aldudali við vánaligum fiskiskapi, lágum prísum og dýrari olju, men um eitt ella tveir ár, kann støðan vera heilt øðrvísi. Men hon heldur eisini, at tað almenna kann taka tann harðasta stoytin við at leggja tær almennu íløgur- nar, har kreppan í fiski- vinnuni rakar harðast. - Tað er vanligur fíggj- arpolitikkur, at økja um íløgurnar í vánaligum tíðum og at halda aftur í góðum tíðum. - Sum støðan er í løtuni, kunnu umraðfestingar ger- ast í íløguætlanum so at tær íløgur sum ætlanin hevur verið at gera úti um landi verða raðfestar meira frammaliga nú enn áður. - Sum støðan er nú, hava politikararnar møguleika at raðfesta tey økini framma- liga, sum eru harðast rakt av kreppuni í fiskivinnuni. Verða íløgurnar øktar úti um landið í teimum økjum, sum eru meinast rakt av kreppuni í fiskivinnuni, hevur fólkið har framvegis ein inntøkumøguleika. Marita Rasmussen heldur eisini, at tá ið almennu íløgurnar verða raðfestar, er eisini neyðugt at hugsa um, at talan verður um íløgur, har fólkið á staðnum hevur møguleikan at vera við. - At bora tunlar skapar eisini nakað av virksemið, men tað eru fyri ein stóran part útlendsk feløg, sum standa fyri teimum arbeiðnum og tí er avmark- að, hvat liggur eftir av Hetta verður ein harður - Hendan næsta tíðin verður hørð nógva staðni í landinum, men politikararnir kunnu bøta um støðuna í harðast raktu økjunum við at raðfesta almennar íløgur frammaliga í teimum pørtum í landinum, sum verða ringast fyri av arbeiðsloysi, sigur Marita Rasmussen, stjóri í Vinnuhúsinum Oljan framvegis oman fyri 140 Hóast prísurin er lækkaður nakað síðani í gjár, so er prísurin á eini tunnu av ráolju framvegis oman fyri 140 dollarar. Óttin fyri einum álopið á Iran heldur tó framvegis eitt ávíst trýst á prísunum. Óttin fyri kjarnorkuframleiðslu í Iran ber við sær, at eitt álop kann koma upp á tal, og hett kann aftur órógva oljuframleiðsluna í landinum. Mána- dagin rakti oljuprísurin sítt fyribils hægsta – 143,67 dollarar fyri tunnuna – tá amerikonsk embætisfólk aftur tosaðu um herd tiltøk mótvegis Iran. Í morgun kostaði ein tunna av olju 140,55 dollarar. Bíðitíðin á Klaksvíkar Sjúkra­ húsið verður nú longri Heri Ellingsgaard, umsjónarmaður á Klaksvíkar Sjúkrahúsið sigur, at ætlaðu sparingarnar sjúkrahúsinum merkja at ferðin sum heild verður sett niður. Við Norðlýsið sigur hann, at eingi starvsfólk verða søgd úr starvi, men at ymisk arbeiði verða útsett. Deildir verða samanlagdar og stongdar, og sum stjórin tekur til: Tað sum kann bíða, sleppur at bíða!