týsdagur 1. juli 2008síða 9

9 tíðindi Nr. 124 - 1. juli 2008 Barrir og dansistøð fýlast á, at tey hava fingið kunning um roykibannið alt ov seint Royking Bjørk K. Olsen bjork@sosialurin.fo Almanna- og Heilsu- málaráðið sendi skriv út til barrir og dansistøð sunnu- dagin 29. juni og gav teim- um tí bert ein dag at fyri- reika roykibannið. - Eg havi sagt fleiri ferðir, at tað er ov illað kunnað. Í øðrum londum hevur tú havt høvið at fyrireika teg, áðrenn ávíst roykibann er komið í gildið, sigur Hans Andreasen, eigari av dansi- staðnum Glitnir, vit hava sjálvi kannað viðurskiftini, tí at vit einki hava fingið at vita frá almanna- og heilsu- málaráðnum. - Sjálvandi kann mann fýlast á, at kunningin hevur verið ov vánalig. Vit hava sæð og hoyrt til lógarupp- skotið leingi, og tí er hetta ikki komið sum eitt sjokk, sigur Janus Einar Sørensen, partaeigari í Byin.fo, men vit hava onga kunning fing- ið beinleiðis til okkum. Almanna- og heilsumála- ráðið greiðir frá, at ítøkiligt skriv er sent út til øll dansi- støð og barrir sunnudagin 29. juni, men hetta er alt ov seint til at fyrireika seg, siga teir báðar, Hans Andre- asen og Janus Einar Søren- sen. Tá ið Sosialurin tosaði við Almanna- og heilsu- málaráðnum, søgdu tey, at eingin ventilatiónsskipan er nóg góð at hava í einum rúmi, har ikki-roykjarir eru til staðar. Hans Andreasen er tó ikki samdur í hesum. - Hetta hølið er trý ára gamalt, og her ein venti- latiónsskipan, ið riggar sera væl. Míni starvsfólk, ið ikki roykja, siga seg ikki merkja nakað til royk, tá ið tey eru til arbeiðis í Glitnir. Tá ið Sosialurin spyr, hví barrir og dansistøð fýlast á kunningina, svarar Al- manna- og heilsumálaráðið soleiðis: - Lógin varð samtykt 10. juni í ár, men hevur verið nógv frammi áður. Tey mugu hava verið vitandi um lógina, tí tað hevur verið nógv frammi í almenninginum. Vit vita væl, at tað eru fleiri, ið siga, at kunningin er komin ov seint, men tá noyðist mann bara at taka til sín. Vit sendu skriv út til millum annað dansistað og barrir sunnu- dagin. Sambart nýggju royki- lógini er ikki møguligt hjá danstøðum og barrum at byggja sær roykirúm. Føroyska roykilógin er nógv strangari enn danska Stórur munur er á donsku og føroysku roykilógina, tá hugsað verður um undan- taksloyvir. Millum annað sigur danska roykilógin, at er ein barr minni enn 40 kvadratmetur, er loyvt at roykja inni. Er barrin hin- vegin størri enn so, ber til at hava roykirúm. Í Føroyum loyvir lógin bert privatum fyritøkum at hava roykirúm á arbeiðs- plássinum - men ikki al- mennum. Hetta er loyvt í Danmark sambært donsku roykilógini, greiðir Al- manna- og heilsumálaráðið frá, tá ið Sosialurin spyr, hvat størsti munurin er á donsku og føroysku royki- lógini. Undantøkur kunnu tó gerast á føroyskum ellis- og røktarheimum, privatum bústovnum, viðgerðarstøð- um, privatum arbeiðspláss- um og á kømrum á skipum, stendur í stk. 4 í Løgtingslóg nr. 61 frá 10. juni 2008 um tiltøk at minka um royking. Tubbaksvørur krógvast burtur Frá í dag, 1. juli, skulu allar tubbaksvørur krógvast burt- ur, har viðskiftarfólkið ikki sær. Almanna- og heilsu- málaráðið greiðir frá, at hetta er ein avleiðing av lóg- ini, ið bannar allari lýsing av tubbaksvørum. Al- manna- og heilsumálráðið sigur, at tað er ein lýsing av vøruni, tá ið hon stendur frammi í handlinum. - Tað, sum er hugsað, er at forða lýsing av tubbaks- vørum og ikki at undir- metað fría valið hjá menn- iskjanum, sigur ráðið. Tá Sosialurin spyr, um tað er ein lýsing av bommi, tá bomm stendur frammi á hillunum, svarar Almanna- og heilsumálaráðið so- leiðis: - Tubbak er heilsuskaði- ligt og er tí ikki ein vanlig vøra. Tann stóri føroyski frumfram- førslu dagurin nærkast Tórshavnar Stór Band er einasta big band í Føroyum. Orkestrið er partur av Tórshavnar Musikkskúla og leggur seg eftir at hava landsins bestu næmingar og tónleikalærarar í rútmiskum tónleiki við. Orkestrið fer at hava konsert á Summartónum við ikki færri enn átta frumframførslum. Øll løgini eru antin skrivað ella løgd til rættis (útsett) til hetta høvið. Tórshavnar Stór Band hevur síðstu trý árini gjørt nógv um seg her heima og hevur fingið ikki færri enn 18 nýggj føroysk verk skrivað til orkestrið. Átta av teimum vera so møguleiki at hoyra á Summartónum. Fingu ein dag at fyrireika roykibann